குடிமகன்களுக்கு குட் நியூஸ்.. டாஸ்மாக் பார்களில் வரப்போகும் புதிய வசதி! அமைச்சர் சொன்ன அதிரடி தகவல்!

தமிழ்நாட்டில் டாஸ்மாக் பார்களுக்கான புதிய டெண்டர் இன்னும் ஒரு மாதத்தில் வெளியிடப்படும் என மதுவிலக்கு மற்றும் ஆயத்தீர்வைத் துறை அமைச்சர் விக்னேஷ் தெரிவித்துள்ளார். இதற்கான பணிகள் தொடர்பாக அரசு தரப்பில் ஆலோசனைகள் நடைபெற்று வருவதாகவும் அவர் கூறியுள்ளார்.

மேலும், புதிய டெண்டர் நடைமுறையில் டாஸ்மாக் பார்களுடன் முறையான உணவுக் கூடங்களையும் நடத்துவதற்கு அனுமதி வழங்குவது குறித்து அரசு பரிசீலித்து வருவதாக அமைச்சர் தெரிவித்துள்ளார். இதன் மூலம் பார்களில் உணவு விற்பனை மற்றும் அதற்கான வசதிகள் முறைப்படுத்தப்படும் என எதிர்பார்க்கப்படுகிறது.

தற்போது சில பார்களில் உணவு விற்பனை தொடர்பாக பல்வேறு நடைமுறைகள் பின்பற்றப்பட்டு வரும் நிலையில், முறையான உணவகங்கள் அமைக்கப்பட்டால் அங்கு வழங்கப்படும் உணவுகளின் தரத்தை அதிகாரிகள் சோதனை செய்வதற்கு எளிதாக இருக்கும் என அமைச்சர் குறிப்பிட்டுள்ளார். உணவுப் பாதுகாப்பு மற்றும் தரக் கட்டுப்பாட்டை உறுதி செய்வதே இந்த நடவடிக்கையின் முக்கிய நோக்கங்களில் ஒன்றாக இருக்கும் என்றும் அவர் தெரிவித்துள்ளார்.

இதையும் படிங்க: காலி பாட்டில் வாங்க புதிய நடைமுறை... ரூ.10 திரும்ப கிடைக்கும்.. டாஸ்மாக் நிர்வாகம் அதிரடி அறிவிப்பு!

அதேபோல், டாஸ்மாக் பார்களின் அடிப்படை வசதிகள் மற்றும் உட்கட்டமைப்பை மேம்படுத்துவதற்கும் புதிய நடைமுறைகள் உதவும் என எதிர்பார்க்கப்படுகிறது. பார்களில் வழங்கப்படும் உணவின் தரம், சுகாதாரம் உள்ளிட்ட அம்சங்களை முறையாக கண்காணிக்கும் வகையில் விதிமுறைகள் அமைய வாய்ப்புள்ளதாக கூறப்படுகிறது.

டாஸ்மாக் பார்களுக்கான புதிய டெண்டர் மற்றும் உணவகங்கள் நடத்துவது தொடர்பான இந்த புதிய திட்டம் குறித்து தற்போது பல்வேறு தரப்பினரும் கவனம் செலுத்தி வருகின்றனர். எனினும், இதற்கான இறுதி விதிமுறைகள் மற்றும் நிபந்தனைகள் டெண்டர் அறிவிப்பு வெளியாகும்போதுதான் முழுமையாக தெரியவரும்.

இதையும் படிங்க: டாஸ்மாக் மதுபாட்டிலில் இறந்த வண்டு? குடித்த தொழிலாளிக்கு வாந்தி, மயக்கம்.!