BREAKING: திமுக கொறடா எ.வ.வேலுவால் அதிருப்தியில் அறிவாலயம்...! கொதிக்கும் திமுக உடன்பிறப்புகள்...!!!

தமிழக சட்டப்பேரவையில் தமிழக வெற்றிக் கழகத்தின் விமர்சனங்களுக்கு திமுக கொறடா எ.வ.வேலு உரிய அளவில் பதிலளிக்கவில்லை என்ற அதிருப்தி கட்சிக்குள் எழுந்துள்ளதாக தகவல் வெளியாகியுள்ளது. முக்கியப் பொறுப்பில் இருக்கும் அவர், அரசுக்கு எதிரான விமர்சனங்களை எதிர்கொள்வதில் போதிய தீவிரம் காட்டவில்லை என சில திமுக நிர்வாகிகள் கூறி வருவதாக தெரிகிறது.

சட்டப்பேரவை செயல்பாடு குறித்து திமுகவில் அதிருப்தி

எனினும், சமீபத்திய பேரவை நிகழ்வுகளைப் பார்க்கும்போது எ.வ.வேலு தவெக அரசின் செயல்பாடுகள் குறித்து தொடர்ந்து கருத்துகளை பதிவு செய்துள்ளார். செப்டம்பர் 8-ம் தேதி, முதல்வர் விஜய் பேசிய சில கருத்துகள் பேரவை விதிகளுக்கு முரணானவை எனக் கூறி, அவற்றை அவைக்குறிப்பில் இருந்து நீக்க வேண்டும் என்றும் அவர் வலியுறுத்தியிருந்தார்.

இதையும் படிங்க: BREAKING: சற்று முன்... சட்டப்பேரவையில் திமுக திடீர் வெளிநடப்பு...! எ.வ. வேலு அறிவிப்பால் பரபரப்பு!!!

வழக்குகள் தொடர்பாக எழும் அரசியல் சர்ச்சை

இதற்கிடையே, எ.வ.வேலுவுக்கு எதிரான வழக்குகளும் அரசியல் விவாதத்தில் இடம்பெற்று வருகின்றன. 2026 ஜூன் மாதம் சாலைப் பணிகள் தொடர்பான முறைகேடு குற்றச்சாட்டில் லஞ்ச ஒழிப்புத்துறை வழக்குப் பதிவு செய்தது. பின்னர், அவருக்கு எதிரான லுக்-அவுட் நோட்டீஸ் தொடர்பான நடவடிக்கைக்கு சென்னை உயர் நீதிமன்றம் இடைக்கால பாதுகாப்பு வழங்கியது. ஜூலை மாதம் உச்ச நீதிமன்றமும் தமிழக அரசின் மேல்முறையீட்டை தள்ளுபடி செய்தது.

இந்த வழக்குகளுக்கும், தவெக தலைமையுடனான எ.வ.வேலுவின் அணுகுமுறைக்கும் தொடர்பு இருப்பதாக சில திமுக வட்டாரங்களில் குற்றச்சாட்டுகள் முன்வைக்கப்படுவதாக கூறப்படுகிறது. ஆனால், இதை உறுதிப்படுத்தும் வகையில் எந்த அதிகாரப்பூர்வ ஆதாரமும் வெளியாகவில்லை. மாறாக, எ.வ.வேலு கடந்த மாதங்களிலும் தவெக அரசின் நடவடிக்கைகள் குறித்து சட்டப்பேரவையில் தொடர்ந்து கேள்வி எழுப்பி வருகிறார்.

அறிவாலயத்தில் தொடரும் விவாதம்

இதனால், எ.வ.வேலு விவகாரம் திமுகவுக்குள் மீண்டும் பேசுபொருளாகியுள்ளது. சட்டப்பேரவையில் தவெக விமர்சனம் மற்றும் அதற்கு திமுக தரப்பிலிருந்து அளிக்கப்படும் பதில்கள் குறித்து கட்சிக்குள் நிலவும் கருத்து வேறுபாடுகள் அடுத்தகட்ட அரசியல் நகர்வுகளில் வெளிப்படுமா என்ற எதிர்பார்ப்பு உருவாகியுள்ளது.

இதையும் படிங்க: வெற்றி மட்டும் பத்தாது... இடைத்தேர்தலில் தவெகவின் தரமான இலக்கு இதுதானாம்! முதல்வர் விஜய்யின் அடுத்த ஆட்டம் ஆரம்பம்.... திமுக-அதிமுக வுக்கு நேரடி சவால்..!!!