நீங்க போங்க... நான் அப்புறம் வரேன்! தோழிகளிடம் சொன்ன கடைசி வார்த்தை! ஹோட்டல் அறையில் ரத்த வெள்ளத்தில் கொடூர நிலையில் கிடந்த பெண்...! கத்திரிக்கோல், ஸ்கூரு டிரைவருடன் பக்கத்தில் காதலன்... பகீர் பின்னணி..!!!

அசாம் மாநிலம் ரங்கியா ரயில் நிலையம் அருகே உள்ள ஹோட்டலில் 23 வயது இளம்பெண் கழுத்தறுத்து கொலை செய்யப்பட்ட நிலையில் சடலமாக மீட்கப்பட்டார். அவரை கொலை செய்ததாகக் கூறப்படும் காதலனே காவல் துறைக்கு தகவல் அளித்துள்ளார். இதையடுத்து போலீசார் அவரை கைது செய்து விசாரணை நடத்தி வருகின்றனர்.

சென்னையில் தொடங்கிய காதல்

சோணித்பூர் மாவட்டத்தைச் சேர்ந்த மலானி குரியா (23), சென்னையில் உள்ள தனியார் நிறுவனத்தில் பணியாற்றி வந்தார். அதே நிறுவனத்தில் வேலை செய்த அபிஜித் கிண்டு (22) என்பவருடன் அவருக்கு பழக்கம் ஏற்பட்டுள்ளது. பின்னர் இருவரும் காதலித்து வந்ததாக கூறப்படுகிறது.

இதையும் படிங்க: வீட்டில் இருந்து வீசிய துர்நாற்றம்! கதவை திருந்தவர்களுக்கு பிரிட்ஜில் காத்திருந்த அதிர்ச்சி! திருமணமான 6 மாதத்தில் கணவர் செய்த கொடூரம்.... பகீர் சம்பவம்!!!

இந்த நிலையில், மலானி தனது இரண்டு தோழிகளுடன் சனிக்கிழமை சென்னையில் இருந்து அசாம் வந்தார். ரங்கியா ரயில் நிலையத்துக்கு அவர்களை வரவேற்க அபிஜித் வந்திருந்தார். அங்குள்ள ஹோட்டலில் இரண்டு அறைகளை அவர் பதிவு செய்துள்ளார். மலானியும் அவரது தோழிகளும் ஒரு அறையிலும், அபிஜித் மற்றொரு அறையிலும் தங்கியிருந்தனர். இரவு நேரத்தில் மலானியை தனது அறைக்கு அபிஜித் அழைத்துச் சென்றதாக போலீசார் தெரிவித்துள்ளனர்.

நீண்ட நேரம் வராததால் தோழிகள் சந்தேகம்

மறுநாள் காலையில் மலானியின் தோழிகள் சொந்த ஊருக்குப் புறப்படத் தயாரானார்கள். அப்போது அவரை தொலைபேசியில் தொடர்பு கொண்டபோது, நீங்கள் கிளம்புங்கள்; நான் பின்னர் வருகிறேன் என்று மலானி கூறியுள்ளார். ஆனால் நீண்ட நேரமாகியும் அவர் வராததால் தோழிகளுக்கு சந்தேகம் ஏற்பட்டது.

இதற்கிடையில், அபிஜித் தானாகவே காவல் துறையைத் தொடர்புகொண்டு மலானி கொலை செய்யப்பட்டிருப்பதாகத் தகவல் அளித்துள்ளார். தகவலின்பேரில் ஹோட்டலுக்கு விரைந்த போலீசார், கதவைத் திறந்து உள்ளே சென்றபோது மலானி குரியா கழுத்தறுக்கப்பட்ட நிலையில் சடலமாக கிடந்ததை கண்டனர். அருகில் பெரிய கத்தரிக்கோலும் ஸ்கூருத் டிரைவரும் கிடந்தன. அவரது அடையாள அட்டையை வைத்து சடலம் உறுதி செய்யப்பட்டு, பிரேதப் பரிசோதனைக்காக மருத்துவமனைக்கு அனுப்பி வைக்கப்பட்டது.

கொலைக்குப் பிறகு தற்கொலைக்கு முயற்சி

போலீசாரின் முதற்கட்ட விசாரணையில், இருவருக்கும் இடையே நீண்ட நாட்களாக கருத்து வேறுபாடும் மனக்கசப்பும் இருந்ததாக தெரியவந்துள்ளது. இதன் காரணமாகவே கொலை நடந்திருக்கலாம் என போலீசார் சந்தேகிக்கின்றனர்.

மலானியை கொலை செய்த பிறகு அபிஜித், ஹோட்டல் அறையில் இருந்த கூரைக் விசிறியில் துணியைக் கட்டி தற்கொலைக்கு முயன்றதாகவும் கூறப்படுகிறது. அந்த முயற்சி தோல்வியடைந்த நிலையில், கத்தரிக்கோல் மற்றும் ஸ்கூருத் டிரைவருடன் படுக்கையில் அமர்ந்திருந்தபோதுதான் போலீசாருக்கு தகவல் தெரிவித்ததாக விசாரணையில் தெரியவந்துள்ளது.

குற்றத்தை அபிஜித் ஒப்புக்கொண்டதாக போலீசார் தெரிவித்துள்ளனர். தொடர்ந்து அவரிடம் விசாரணை நடைபெற்று வரும் நிலையில், ரங்கியா ஹோட்டல் கொலை தொடர்பாக போலீசார் பல்வேறு கோணங்களில் தகவல்களை சேகரித்து வருகின்றனர்.

இதையும் படிங்க: சூனியம் வைத்ததாக சந்தேகம்.. மருமகளை கோடரியால் தாக்கிய 70 வயது மாமனார்.. நாக்பூரில் அதிர்ச்சி!