இப்போதைக்கு வேற வழியில்லை... இடைத்தேர்தல் களத்தில் பின்வாங்கிய ஸ்டாலின்! ரகசிய சர்வேயால் ஆடிப்போன அறிவாலயம்...!!!

தமிழகத்தில் நடைபெற உள்ள இடைத்தேர்தல் பணிகளில் திமுக தலைவர் மு.க.ஸ்டாலின் நேரடியாக களமிறங்காமல் இருப்பதாக தகவல்கள் வெளியாகியுள்ளன. வேட்பாளர் தேர்வு உள்ளிட்ட முக்கிய முடிவுகளிலும் அவரது தலையீடு குறைவாக இருப்பதாக கூறப்படுகிறது. தேர்தல் பணிகளை உதயநிதி ஸ்டாலின் முன்னின்று கவனித்து வருவதாக திமுக வட்டாரங்கள் தெரிவிக்கின்றன.

இடைத்தேர்தல் பணிகளில் உதயநிதிக்கு முக்கிய பொறுப்பு

வழக்கமாக சட்டப்பேரவைத் தேர்தல் மட்டுமின்றி இடைத்தேர்தல்களிலும் கட்சியின் பிரசார வியூகத்தை ஸ்டாலின் நேரடியாக கவனிப்பார். ஆனால், தற்போது நடைபெறும் ஆலோசனைகளில் உதயநிதி ஸ்டாலினே முக்கிய பங்கு வகித்து வருவதாக தகவல் வெளியாகியுள்ளது. சமீபத்திய தகவல்களின்படி, இடைத்தேர்தல் பணிகளுக்கான கள ஏற்பாடுகளையும் அவர் தீவிரமாக கவனித்து வருகிறார்.

இதையும் படிங்க: இடைத்தேர்தல் களத்தில் திடீர் திருப்பம்! CM விஜய்க்கு காத்திருக்கும் அடுத்த சிக்கல்.... பரபரக்கும் அரசியல் களம்..!!!

சர்வே முடிவால் ஏற்பட்ட அதிருப்தியா?

ஸ்டாலின் பிரசாரத்தில் இருந்து விலகியிருப்பதற்கான காரணம் குறித்து பல்வேறு தகவல்கள் அரசியல் வட்டாரங்களில் பேசப்பட்டு வருகின்றன. குறிப்பாக, அண்மையில் நடத்தப்பட்டதாக கூறப்படும் ரகசிய சர்வேயின் முடிவுகள் கட்சித் தலைமையை அதிருப்தியடையச் செய்ததாக தகவல்கள் தெரிவிக்கின்றன.

அந்த சர்வேயில் திமுக கூட்டணி எதிர்பார்த்த நிலையில் இல்லாமல், மூன்றாவது இடத்துக்குச் செல்லக்கூடும் எனத் தெரிவிக்கப்பட்டதாக கூறப்படுகிறது. எனினும், இந்த சர்வே தொடர்பான அதிகாரப்பூர்வ தகவல் எதுவும் வெளியாகவில்லை. இதனால், தற்போது வெளியாகும் தகவல்கள் அரசியல் வட்டாரக் கருத்துகளாகவே பார்க்கப்படுகின்றன.

புதிய சர்வேக்குப் பிறகு முடிவு?

இதையடுத்து, அடுத்தகட்டமாக நடத்தப்பட உள்ள சர்வே முடிவுகளைப் பொறுத்தே ஸ்டாலினின் நேரடி பிரசாரம் குறித்து முடிவு செய்யப்படலாம் என கூறப்படுகிறது. கட்சிக்கு சாதகமான சூழல் இருப்பது உறுதி செய்யப்பட்டால் அவர் பிரசாரக் களத்தில் இறங்க வாய்ப்புள்ளதாகவும் தகவல்கள் தெரிவிக்கின்றன. இதனிடையே, உதயநிதி ஸ்டாலின் தலைமையில் தேர்தல் பணிகள் வேகம் பெறுவது திமுக வட்டாரத்தில் கவனம் பெற்றுள்ளது.

இதையும் படிங்க: இடைத்தேர்தலில் இரு துருவ அரசியல் இல்ல..! 5 முனை போட்டியால் அக்.6-ல் காத்திருக்கும் பேரதிர்ச்சி...! வாக்கு பிரிவினை யாருக்கு சாதகம்? பரபரக்கும் அரசியல்..!!!