இடைத்தேர்தல் களத்தில் திடீர் திருப்பம்! CM விஜய்க்கு காத்திருக்கும் அடுத்த சிக்கல்.... பரபரக்கும் அரசியல் களம்..!!!

மதுராந்தகம், தாராபுரம் சட்டமன்றத் தொகுதிகளுக்கான இடைத்தேர்தல் களம் சூடுபிடித்துள்ள நிலையில், தமிழக வெற்றி கழகத்தை எதிர்த்து இடதுசாரிகள் தனித்து களமிறங்குகின்றனர். இரு தொகுதிகளுக்கான வேட்பாளர்கள் விரைவில் அறிவிக்கப்படுவார்கள் என சிபிஎம் மாநிலச் செயலாளர் சண்முகம் தெரிவித்துள்ளார். அக்டோபர் 6-ம் தேதி நடைபெற உள்ள வாக்குப்பதிவு, தமிழக அரசியலில் கவனம் பெற்றுள்ளது.

திணிக்கப்பட்ட இடைத்தேர்தல் என விமர்சனம்

கோவையில் செய்தியாளர்களிடம் பேசிய சண்முகம், கடந்த பொதுத்தேர்தலில் வெற்றி பெற்ற 6 அதிமுக எம்.எல்.ஏ.க்கள் பதவியை ராஜினாமா செய்துவிட்டு தவெகவில் இணைந்ததாலேயே இந்த இடைத்தேர்தல் ஏற்பட்டுள்ளதாக குற்றம்சாட்டினார். மக்கள் பிரதிநிதியின் மறைவு போன்ற வழக்கமான காரணத்தால் நடைபெறும் தேர்தல் இது அல்ல என்றும், மக்களிடம் தேவையின்றி இடைத்தேர்தல் திணிக்கப்பட்டுள்ளதாகவும் அவர் விமர்சித்தார்.

இதையும் படிங்க: இடைத்தேர்தலில் இரு துருவ அரசியல் இல்ல..! 5 முனை போட்டியால் அக்.6-ல் காத்திருக்கும் பேரதிர்ச்சி...! வாக்கு பிரிவினை யாருக்கு சாதகம்? பரபரக்கும் அரசியல்..!!!

திமுக, அதிமுக, தவெக, நாம் தமிழர் கட்சிகள் ஏற்கனவே வேட்பாளர்களை அறிவித்து பிரச்சாரத்தை தொடங்கியுள்ள நிலையில், இடதுசாரிகளும் தனித்துப் போட்டியிட முடிவு செய்துள்ளனர். இதனால் தொகுதிகளில் போட்டி மேலும் வலுப்பெற்றுள்ளது.

வேட்பாளர்கள் விரைவில் அறிவிப்பு

மதுராந்தகம் மற்றும் தாராபுரம் தொகுதிகளுக்கான வேட்பாளர்கள் விரைவில் அறிவிக்கப்படுவார்கள் என சண்முகம் கூறினார். பிரதான கூட்டணிகளில் இடம்பெறாத பிற அரசியல் கட்சிகளின் தலைவர்களை நேரில் சந்தித்து ஆதரவு கோரவும் முடிவு செய்யப்பட்டுள்ளதாக தெரிவித்தார். “தமிழகம் இனி இடது பக்கம்” என்ற முழக்கத்துடன் தேர்தலை சந்திக்க உள்ளதாகவும் அவர் குறிப்பிட்டார்.

சட்டமன்ற நிகழ்வுகள் நேரடியாக ஒளிபரப்பப்படுவதை வரவேற்ற சிபிஎம் தலைமை, மக்கள் நலன் சார்ந்த விவாதங்களுக்கு போதிய முக்கியத்துவம் அளிக்கப்படவில்லை எனவும் விமர்சித்தது. அவையில் உள்ள நான்கு கம்யூனிஸ்ட் உறுப்பினர்களும் மக்கள் பிரச்சினைகளுக்காக தொடர்ந்து குரல் கொடுத்து வருவதாக சண்முகம் தெரிவித்தார்.

தவெக அரசின் கொள்கைகளை முன்வைத்து பிரச்சாரம்

தவெக தலைமையிலான கூட்டணியிலோ, அமைச்சரவையிலோ கம்யூனிஸ்ட் கட்சி ஒருபோதும் இடம்பெறாது என்றும் சண்முகம் தெளிவுபடுத்தினார். அரசியல் கூட்டணி நிலைப்பாடுகள் சூழலுக்கு ஏற்ப மாறினாலும், கொள்கைகளில் சமரசம் செய்ய மாட்டோம் என அவர் கூறினார்.

இடைத்தேர்தல் பிரச்சாரத்தில் தவெக அரசின் பொருளாதாரக் கொள்கைகள் மற்றும் தொழிலாளர் விரோதப் போக்குகளை முக்கிய பிரச்சினைகளாக முன்வைக்க உள்ளதாகவும் சிபிஎம் தெரிவித்துள்ளது. இதனால் இடைத்தேர்தல் களம் அடுத்தடுத்த நாட்களில் மேலும் பரபரப்படையும் என எதிர்பார்க்கப்படுகிறது.

இதையும் படிங்க: நீங்க என்ன சொல்றது... கம்யூனிஸ்ட்டுகளுக்கு அதிர்ச்சி கொடுத்த முதல்வர் விஜய்! எதிர்பார்க்காத ட்விஸ்ட்..!!!