BREAKING: தவெக ஆட்சியில் ரூ.45 லட்சம் டெண்டரில் முறைகேடு? அரசு தரப்பு விளக்கம் என்ன? சிக்கிய அமைச்சர் சரத்...!!!

பெருங்களத்தூரில் சுமார் ரூ.45 லட்சம் மதிப்பிலான இரண்டு டெண்டர்களில் முறைகேடு நடந்துள்ளதாக அறப்போர் இயக்கம் குற்றம்சாட்டியுள்ளது. ஏற்கனவே திறக்கப்பட்ட சிலைகளுக்கு பின்னர் டெண்டர் கோரப்பட்டதாக கூறப்படும் தகவல் தற்போது சர்ச்சையை ஏற்படுத்தியுள்ளது. இந்த விவகாரம் தொடர்பாக அரசு விளக்கம் அளிக்க வேண்டும் என்ற கோரிக்கையும் எழுந்துள்ளது.

திறப்பு விழாவுக்கு பிறகு டெண்டர்?

தகவலின்படி, பெருங்களத்தூரில் அமைக்கப்பட்ட சிலைகள் கடந்த ஜூலை மாதத்திலேயே திறந்து வைக்கப்பட்டதாக கூறப்படுகிறது. ஆனால் அவற்றுக்கான பணிகளுக்கு ஆகஸ்ட் மாதத்தில் ரகசியமாக டெண்டர் முறைகேடு நடைபெற்றதாக அறப்போர் இயக்கம் குற்றச்சாட்டை முன்வைத்துள்ளது.

இதையும் படிங்க: சற்று முன்.... தவெக ஆட்சி காகித கப்பல் போல் கவிழ்ந்து விடும்..! பேரவையில் சபாநாயகர் கூறிய நச் பதிலடி...!!!

சுமார் ரூ.45 லட்சம் மதிப்புள்ள இரண்டு டெண்டர்களில் விதிமுறைகள் பின்பற்றப்பட்ட விதம் குறித்து கேள்விகள் எழுந்துள்ளன. குறிப்பாக, பணிகள் ஏற்கனவே முடிந்து திறப்பு விழாவும் நடைபெற்றிருந்தால், அதன் பின்னர் டெண்டர் கோரப்பட்டதன் காரணம் என்ன என்பது முக்கிய கேள்வியாக உள்ளது.

அமைச்சர் திறந்து வைத்த மேலும் இரு சிலைகள்

இதனிடையே, மேலும் இரண்டு சிலைகள் அமைச்சர் சரத் மூலம் திறந்து வைக்கப்பட்டுள்ளதாக தெரிவிக்கப்பட்டுள்ளது. அரசு பணிகளில் டெண்டர் நடைமுறை மற்றும் வெளிப்படைத்தன்மை கடைப்பிடிக்கப்பட வேண்டிய நிலையில், இத்தகைய நடவடிக்கைகள் நிர்வாகத்தின் செயல்பாடுகள் குறித்து சந்தேகத்தை ஏற்படுத்துவதாக சமூக ஆர்வலர்கள் கூறுகின்றனர்.

அரசின் விளக்கம் என்ன?

ஊழலற்ற நிர்வாகத்தை வழங்குவோம் என்று முதலமைச்சர் விஜய் தொடர்ந்து வலியுறுத்தி வரும் நிலையில், தற்போது எழுந்துள்ள குற்றச்சாட்டுகள் அரசுக்கு புதிய சவாலை ஏற்படுத்தியுள்ளன. ரூ.45 லட்சம் டெண்டர் விவகாரம் தொடர்பாக உரிய விசாரணை நடத்தி உண்மை நிலையை அரசு வெளிப்படையாக தெரிவிக்க வேண்டும் என்பதே சமூக ஆர்வலர்களின் எதிர்பார்ப்பாக உள்ளது.

இதையும் படிங்க: BREAKING : சற்று முன்... மு.க.ஸ்டாலினுக்கு திடீர் உடல்நலக்குறைவு! திமுக முப்பெரும் விழா ஒத்திவைப்பு.... பெரும் பரபரப்பு!!!