அப்படி போடு... ஆண் பயணிகளுக்கான டிக்கெட் கட்டணமும் குறைவு! தமிழக அரசு கொடுத்த இன்பதிர்ச்சி..!!!

மகளிருக்கான இலவசப் பேருந்து பயணத் திட்டத்தின் கீழ் விரைவுப் பேருந்துகள் சில சாதாரண பேருந்துகளாக மாற்றப்பட்டுள்ளதால், ஆண் பயணிகளுக்கான கட்டணமும் குறைந்துள்ளது. தென்காசி மாவட்டம் அடைக்கலப்பட்டணத்திலிருந்து நெல்லை சந்திப்புக்கு ரூ.32 ஆக இருந்த கட்டணம் தற்போது ரூ.24 ஆக குறைந்துள்ளது. எதிர்பாராத இந்த கட்டணக் குறைப்பு தினசரி பயணம் மேற்கொள்ளும் ஆண் பயணிகளிடையே வரவேற்பை பெற்றுள்ளது.

விரைவுப் பேருந்துகள் சாதாரண பேருந்துகளாக மாற்றம்

மகளிர் இலவசமாக பயணம் செய்யும் வகையில், பல்வேறு வழித்தடங்களில் இயக்கப்படும் விரைவுப் பேருந்துகளில் சில சாதாரண பேருந்துகளாக மாற்றப்பட்டுள்ளன. இதற்கேற்ப பயணச்சீட்டு வழங்கும் இயந்திரங்களிலும் கட்டண விவரங்கள் மாற்றப்பட்டுள்ளன. அதன் காரணமாக பெண்களுக்கு மட்டுமின்றி, அதே பேருந்தில் பயணிக்கும் ஆண்களுக்கும் குறைந்த கட்டணத்தில் பயணம் செய்யும் நிலை ஏற்பட்டுள்ளது.

இதையும் படிங்க: BREAKING: குஷியோ குஷி! 12,692 அரசு பேருந்துகளில் இலவச பயணம்..! வெற்றி பயணம் திட்டத்தை டிக்கெட் கொடுத்து தொடங்கி வைத்தார் முதல்வர் விஜய்..!!!

அடைக்கலப்பட்டணம் - நெல்லை கட்டணம் குறைந்தது

தென்காசி மாவட்டம் அடைக்கலப்பட்டணத்தில் இருந்து நெல்லை சந்திப்பு செல்லும் பயணிகளுக்கு வழக்கமாக ரூ.32 கட்டணம் வசூலிக்கப்பட்டு வந்தது. தற்போது அந்தக் கட்டணம் ரூ.24 ஆக குறைந்துள்ளது. ஒரே பயணத்தில் ரூ.8 குறைவதால், தினசரி பேருந்தை நம்பியுள்ள பயணிகளுக்கு இது குறிப்பிடத்தக்க சேமிப்பாக அமைந்துள்ளது.

கட்டணக் குறைப்பு தொடருமா?

இதுகுறித்து போக்குவரத்துக் கழக அதிகாரிகளிடம் கேட்டபோது, மகளிர் இலவசப் பயண வசதிக்காக சில விரைவுப் பேருந்துகள் சாதாரண பேருந்துகளாக மாற்றப்பட்டுள்ளதால், அதற்கேற்ப இயந்திரங்களில் கட்டணங்கள் குறைக்கப்பட்டுள்ளதாக தெரிவித்தனர். இருப்பினும், இந்தக் கட்டண மாற்றம் தொடர்ந்து நடைமுறையில் இருக்குமா என்பது தெளிவாகவில்லை. வருவாய் நிலவரத்தை கருத்தில் கொண்டு மீண்டும் பழைய கட்டணம் அமல்படுத்தப்படுமா என்ற எதிர்பார்ப்பும் பயணிகள் மத்தியில் உள்ளது. தற்போதைய குறைந்த கட்டணம் நிரந்தரமாக தொடர வேண்டும் என்பதே தினசரி பயணிகளின் எதிர்பார்ப்பாக உள்ளது.

இதையும் படிங்க: பெத்த மகனே இப்படியா?அப்பா என்னைய காப்பாத்துங்க... கதறிய மகன்! ரூ.90 லட்சத்திற்கு போட்ட ஸ்கெட்ச்... போலீஸ் விசாரணையில் காத்திருந்த பெரிய ட்விஸ்ட்..!!!