அப்பாவிடம் அந்த விஷயம் எனக்கு ரொம்ப பிடிக்கும்! வாய்ப்பு கிடைத்தால் அதை வெளியில் கொண்டு வருவேன்... முதல்வர் விஜய்யின் மகன் ஜேசன் சஞ்சய் ஓபன் டாக்..!!!

நடிகர் விஜய்யின் மகன் ஜேசன் சஞ்சய் இயக்குநராக அறிமுகமாகியுள்ள ‘சிக்மா’ திரைப்படம் அக்டோபர் 2-ம் தேதி திரைக்கு வர உள்ளது. லைகா நிறுவனம் தயாரித்துள்ள இப்படத்தில் சந்தீப் கிஷன் கதாநாயகனாக நடித்துள்ளார். படத்தின் வெளியீட்டை முன்னிட்டு ஜேசன் சஞ்சய் தொடர்ந்து விளம்பரப் பணிகளில் ஈடுபட்டு வருகிறார்.

விஜய்யின் நகைச்சுவை பக்கத்தை ரசிக்கும் ஜேசன் சஞ்சய்

சமீபத்தில் தனியார் யூடியூப் சேனலுக்கு அளித்த பேட்டியில் தனது தந்தை விஜய் குறித்து ஜேசன் சஞ்சய் பல்வேறு தகவல்களை பகிர்ந்து கொண்டார். விஜய்யின் நகைச்சுவை உணர்வு தனக்கு மிகவும் பிடிக்கும் என்றும், வீட்டிலும் அவரது அந்த இயல்பான பக்கத்தை பார்த்திருப்பதாகவும் அவர் கூறினார்.

இதையும் படிங்க: கடைசி வரை கூடவே இருப்பியா சித்தப்பு? ஜேசன் சஞ்சய் கேட்ட கேள்வி... சிக்மா இசை வெளியீட்டு விழாவில் ஓப்பனாக பேசிய சஞ்சீவ்..!!!

ஒரு கட்டத்தில் விஜய் காமெடி கதாபாத்திரங்களில் நடிப்பதை குறைத்துக் கொண்டதாக குறிப்பிட்ட ஜேசன் சஞ்சய், தனக்கு அவரை இயக்கும் வாய்ப்பு கிடைத்தால் அந்த நகைச்சுவை பக்கம் மீண்டும் திரையில் வெளிப்படும்படி ஒரு கதையை உருவாக்க விரும்புவதாக தெரிவித்தார்.

தனக்கென அடையாளம் உருவாக்கும் முயற்சி

திரையுலகில் குடும்பத்தின் பாரம்பரியம் தொடர்ந்தாலும், அதே நேரத்தில் தனக்கென ஒரு தனி அடையாளத்தை உருவாக்க வேண்டும் என்பதே தனது நோக்கம் என ஜேசன் சஞ்சய் தெரிவித்துள்ளார். இயக்குநராக தனது முதல் படத்தின் மூலம் சொந்த முத்திரையை பதிக்க வேண்டும் என்ற எண்ணத்திலேயே ‘சிக்மா’ படத்தை இயக்கியுள்ளதாகவும் அவர் கூறியுள்ளார்.

விஜய்யின் மகன் இயக்குநராக களமிறங்கியிருப்பது ஏற்கனவே ரசிகர்கள் மத்தியில் கவனத்தை பெற்றுள்ள நிலையில், அவர் தனது தந்தையை எதிர்காலத்தில் இயக்குவாரா என்ற கேள்வியும் தற்போது பேசுபொருளாகியுள்ளது. இதற்கிடையே ஜேசன் சஞ்சய் இயக்குநர் அறிமுகம் பெற்றுள்ள ‘சிக்மா’ திரைப்படத்தின் வெளியீட்டை ரசிகர்கள் எதிர்பார்த்து வருகின்றனர்.

இதையும் படிங்க: ஓ... இப்படி ஒன்னு இருக்கா? நான் அந்த விஷயத்தில் உறுதியாக இருக்கிறேன்...! அப்பா எனக்கு கற்று கொடுத்த பாடம்... சிக்மா விழாவில் மனம் திறந்து பேசிய இயக்குநர் ஜேசன் சஞ்சய்..!!!