எடப்பாடிக்கு எதிராக வேலுமணி போடும் ரகசிய பிளான்! இடைத்தேர்தலில் இபிஎஸ்ஸுக்கு காத்திருக்கும் பேரதிர்ச்சி... அதிமுகவை அடியோடு தூக்கப்போகும் முதல்வர் விஜய்!!!

தமிழக அரசியலில் திமுக, அதிமுக என நீண்ட காலமாக நீடித்த இரு துருவப் போட்டிக்கு மத்தியில், தற்போது புதிய அரசியல் மாற்றம் ஏற்பட்டுள்ளதாக கூறப்படுகிறது. தமிழக வெற்றிக் கழகம் 108 தொகுதிகளில் வெற்றி பெற்று தனிப்பெரும் கட்சியாக உருவெடுத்ததாக தெரிவிக்கப்பட்டுள்ளது. இதையடுத்து விஜய் முதலமைச்சராக பொறுப்பேற்ற நிலையில், அதிமுகவுக்குள் ஏற்பட்டுள்ள கருத்து வேறுபாடு புதிய திருப்பத்தை ஏற்படுத்தியுள்ளது.

எடப்பாடி பழனிசாமிக்கு எதிராக செயல்பட்டதாக கூறப்படும் 23 அதிமுக எம்.எல்.ஏ.க்களில் சி.விஜயபாஸ்கர், எம்.ஆர்.விஜயபாஸ்கர், இசக்கி சுப்பையா உள்ளிட்ட 6 பேர் பதவியை ராஜினாமா செய்து தவெகவில் இணைந்துள்ளனர். இதனுடன், திருச்சி கிழக்கு தொகுதியில் வெற்றி பெற்ற விஜய் தனது எம்.எல்.ஏ. பதவியை ராஜினாமா செய்ததால், மொத்தம் 7 தொகுதிகள் காலியாகியுள்ளன.

இதையும் படிங்க: BREAKING: 3 அமைச்சர்கள் பதவி நீக்கம்? இவர்களுக்கு எல்லாம் முக்கிய பதவி! அமைச்சரவையில் அதிரடி காட்டின CM விஜய்! கசிந்த தகவல்....!!!

தாராபுரம், மதுராந்தகத்தில் மட்டும் இடைத்தேர்தல்

இந்த 7 தொகுதிகளில் 5 தொகுதிகளுக்கு நீதிமன்றத் தடை நீடித்து வருகிறது. இதனால், தாராபுரம் மற்றும் மதுராந்தகம் ஆகிய இரண்டு தொகுதிகளுக்கு மட்டும் அக்டோபர் 6-ம் தேதி இடைத்தேர்தல் நடைபெறும் என தேர்தல் ஆணையம் அறிவித்துள்ளது.

ஏற்கெனவே அதிமுக வசம் இருந்த இந்த இரண்டு தொகுதிகளையும் மீண்டும் கைப்பற்ற வேண்டும் என்பதில் எடப்பாடி பழனிசாமி தலைமையிலான அணி தீவிரமாக செயல்பட்டு வருகிறது. வேட்பாளர்களை தேர்வு செய்வதற்கான பணிகளும், தேர்தல் களப்பணிகளும் தொடங்கியுள்ளன. குறிப்பாக கொங்கு மண்டலத்தில் முக்கியத்துவம் வாய்ந்த தாராபுரம் இடைத்தேர்தல் அதிமுகவுக்கு பெரும் சவாலாக பார்க்கப்படுகிறது.

வேலுமணியின் நிலைப்பாடு என்ன?

இதற்கிடையே, அதிமுகவின் முன்னணி கொங்கு மண்டலத் தலைவர்களில் ஒருவரான எஸ்.பி.வேலுமணியின் நிலைப்பாடு கவனம் பெற்றுள்ளது. கடந்த தேர்தலில் அவரது தீவிர பிரசாரத்தால் தாராபுரத்தில் அதிமுக சுமார் 15 ஆயிரம் வாக்குகள் வித்தியாசத்தில் வெற்றி பெற்றதாக கூறப்படுகிறது.

ஆனால், தற்போதைய அரசியல் சூழலில் எடப்பாடி பழனிசாமிக்கு எதிரான நிலைப்பாட்டில் வேலுமணி இருப்பதாகவும், விஜய் தலைமையிலான அரசுக்கு ஆதரவான மனநிலையில் இருப்பதாகவும் அவரது ஆதரவாளர்கள் தெரிவிக்கின்றனர். இதனால் இடைத்தேர்தல் பணிகளில் அவர் நேரடியாக ஈடுபடாமல் அமைதியாக இருக்க முடிவு செய்துள்ளதாகவும் தகவல் வெளியாகியுள்ளது.

அதிமுகவின் எதிர்காலத்தை தீர்மானிக்குமா?

தாராபுரம், மதுராந்தகம் தொகுதிகளில் அதிமுக வெற்றி பெற்றால், கட்சிக்குள் எடப்பாடி பழனிசாமியின் செல்வாக்கு மேலும் அதிகரிக்க வாய்ப்புள்ளதாக அவரது அணியினர் கருதுகின்றனர். அதேநேரத்தில், வேலுமணியின் ஆதரவு அல்லது விலகல் தேர்தல் முடிவில் தாக்கத்தை ஏற்படுத்துமா என்ற கேள்வியும் எழுந்துள்ளது.

இதனால் வரவிருக்கும் இரண்டு தொகுதி இடைத்தேர்தலும் வெறும் தேர்தல் போட்டியாக இல்லாமல், அதிமுகவின் உட்கட்சி சமன்பாடுகளையும் அக்கட்சியின் அடுத்தகட்ட அரசியல் பாதையையும் தீர்மானிக்கும் முக்கியமான களமாக மாறியுள்ளது. குறிப்பாக எஸ்.பி.வேலுமணியின் அடுத்த நகர்வு என்ன என்பதே அரசியல் வட்டாரத்தின் எதிர்பார்ப்பாக உள்ளது.

இதையும் படிங்க: எலும்பை உடைப்பேன்! நல்ல சாவே வராதா? என்ன பேச்சு இதெல்லாம்... சட்டமன்றத்தில் ஆவேசப்பட்ட முதல்வர் விஜய்...!!!