முதல்வரின் முக்கிய இலக்கே இதுதான்! தமிழகத்தில் ஊழலுக்கு இனி இடமில்லை... அமைச்சர் செங்கோட்டையன் போட்ட அதிரடி உத்தரவால் ஆடிப்போன அதிகாரிகள்..!!!!

தமிழகத்தில் ஊழலுக்கு எந்தவித இடமும் இருக்கக் கூடாது என்பதில் அரசு உறுதியாக செயல்பட்டு வருவதாக அமைச்சர் கே.ஏ.செங்கோட்டையன் தெரிவித்துள்ளார். கோவையில் செய்தியாளர்களை சந்தித்த அவர், மக்கள் சுட்டிக்காட்டும் குறைகள் மீது உடனடி நடவடிக்கை எடுக்கப்படும் என்றும் உறுதி அளித்தார்.

தூய்மையான மற்றும் நேர்மையான நிர்வாகத்தை வழங்குவதே முதலமைச்சரின் முக்கிய இலக்கு என கூறிய அமைச்சர், அரசின் எந்தத் துறையிலும் தவறுகள் நடந்தால் பொதுமக்கள் தாராளமாக தெரிவிக்கலாம் என்றார். புகார்கள் வந்தவுடன் தயக்கமின்றி உரிய நடவடிக்கை எடுக்கப்படும் என்றும் அவர் கூறினார்.

இதையும் படிங்க: தலைமையில் இருந்து பணம் வந்திருக்கு! ஓட்டு வாங்க காசு கொடுத்து தான் ஆகணும்.... அதிமுக வேட்பாளர் பணப்பட்டுவாடா குறித்து பேசிய வீடியோ கசிவு! அரசியல் களத்தில் பரபரப்பு..!!!

பட்டா சேவைகளில் முறைகேடு இருந்தால் புகார் தெரிவிக்கலாம்

ஏழை மற்றும் எளிய மக்களுக்கு பட்டா வழங்குதல், பட்டா மாறுதல் மற்றும் கணினி பதிவேற்றப் பணிகளில் ஏதேனும் முறைகேடுகள் அல்லது தவறுகள் நடந்தால், அதை நேரடியாக தனது கவனத்திற்கு கொண்டு வரலாம் என அமைச்சர் தெரிவித்தார். இதுபோன்ற விஷயங்களில் அதிகாரிகள் அலட்சியம் காட்டினால் நடவடிக்கை தவிர்க்க முடியாதது என்றும் எச்சரித்தார்.

மக்கள் பங்களிப்பே கண்காணிப்பு

அரசு மட்டுமல்லாமல் பொதுமக்களும் கண்காணிப்பில் பங்கெடுக்க வேண்டும் என்று அவர் வலியுறுத்தினார். நிர்வாகத்தில் வெளிப்படைத்தன்மை நிலைக்க மக்கள் அளிக்கும் தகவல்கள் முக்கிய பங்காற்றும் என்றும் குறிப்பிட்டார்.

அரசியல் கருத்து கவனம் ஈர்ப்பு

அரசியல் தொடர்பாகவும் கருத்து தெரிவித்த அவர், தவெக வளர்ச்சி குறித்து பேசும்போது, இந்திய மற்றும் தமிழக அரசியல் வரலாற்றில் ஒரு இயக்கம் தொடங்கி குறுகிய காலத்திலேயே பணநாயகத்தை எதிர்த்து ஜனநாயகத்தை வலுப்படுத்தும் முயற்சிக்கு மக்கள் ஆதரவு அளித்துள்ளதாக கூறினார். அவரது இந்தப் பேச்சு அரசியல் வட்டாரங்களில் கவனத்தை ஈர்த்துள்ளது.

"ஊழல் என்பதே இனி இருக்கக் கூடாது
தவறு நிகழ்ந்தால் சுட்டிக் காட்டுங்கள்" – அமைச்சர் செங்கோட்டையன்#sengottaiyan #minister #tvk #puthiyathalaimuraitv pic.twitter.com/OLE6fuouH0

— PttvOnlinenews (@PttvNewsX) May 29, 2026

இதையும் படிங்க: வேலை ஒழுங்கா நடக்கணும்! கட்சி பெயருக்கோ இல்ல தலைவர் விஜய் பெயருக்கோ கலங்கம் வந்தா சும்மா விடமாட்டேன்.... ஒப்பந்தகாரர்களை ஸ்பாட்டிலேயே வறுத்தெடுத்த தவெக MLA சரத்குமார்...!!!