மகனுக்கும் அப்பா பாசம் இருக்கும்ல.... அப்பாவுக்காக கடைசி நேரத்தில் மகன் சஞ்சய் எடுத்த அதிரடி முடிவு.! யாருமே எதிர்பார்க்காத திடீர் ட்விஸ்ட்...!!!

நடிகர் விஜய்யின் கடைசிப் படமாக அறிவிக்கப்பட்டுள்ள ஜனநாயகன் ஜூலை 24ஆம் தேதி வெளியாகவுள்ள நிலையில், அவரது மகன் ஜேசன் சஞ்சய் இயக்கியுள்ள 'சிக்மா' படத்தின் வெளியீட்டுத் திட்டத்தில் மாற்றம் ஏற்பட்டுள்ளதாக சினிமா வட்டாரங்களில் தகவல் வெளியாகியுள்ளது. ஒரே வார இடைவெளியில் இரு படங்களும் வெளியாகும் என எதிர்பார்த்திருந்த ரசிகர்களுக்கு இந்த தகவல் கவனத்தை ஈர்த்துள்ளது.

ஒரே வாரத்தில் இரண்டு படங்கள்... திட்டத்தில் மாற்றம்?

முதலில், ஜூலை 24ஆம் தேதி 'ஜனநாயகன்' வெளியாகவும், அதற்கு அடுத்த வாரமான ஜூலை 31ஆம் தேதி ஜேசன் சஞ்சயின் அறிமுக இயக்குநர் படமான 'சிக்மா' திரையரங்குகளுக்கு வரவும் திட்டமிடப்பட்டிருந்ததாக கூறப்பட்டது. அப்பாவின் கடைசிப் படத்தையும், மகனின் முதல் படத்தையும் தொடர்ந்து கொண்டாட ரசிகர்கள் ஆவலுடன் காத்திருந்த நிலையில், தற்போது அந்த வெளியீட்டு அட்டவணையில் மாற்றம் ஏற்பட வாய்ப்புள்ளதாக தகவல்கள் தெரிவிக்கின்றன.

இதையும் படிங்க: சற்றுமுன்.... ஜனநாயகன் ரிலீஸ் தேதி வந்தாச்சு! குஷியில் குத்தாட்டம் போடும் ரசிகர்கள் கூட்டம் !!!

வெளியீட்டை தள்ளிவைக்க காரணம் என்ன?

ஏற்கனவே சென்சார் தொடர்பான சிக்கல்கள், சமூக வலைத்தளங்களில் காட்சிகள் கசிந்த விவகாரம் உள்ளிட்ட பல்வேறு தடைகளைத் தாண்டி 'ஜனநாயகன்' வெளியீட்டுக்குத் தயாராகியுள்ளது. விஜய் முழுநேர அரசியலுக்குச் செல்லவுள்ளதால் இது அவரது இறுதிப் படம் என்ற எதிர்பார்ப்பு ரசிகர்கள் மத்தியில் அதிகரித்துள்ளது. இதனால் ஒரு வார இடைவெளியில் 'சிக்மா' வெளியானால் போதிய திரையரங்குகள் கிடைப்பதிலும், ரசிகர்களின் முழு வரவேற்பைப் பெறுவதிலும் சவால்கள் உருவாகலாம் என்பதே தயாரிப்பு தரப்பின் கணிப்பாக கூறப்படுகிறது.

வியாபார ரீதியிலும் கவனிக்கப்பட்ட முடிவு

இதையடுத்து சிக்மா படத்தின் வெளியீட்டை பின்னுக்கு நகர்த்தும் முடிவு பரிசீலனையில் இருப்பதாக சினிமா வட்டாரங்கள் தெரிவிக்கின்றன. இதை ரசிகர்கள், அப்பாவின் கடைசிப் படத்திற்கு மகன் வழிவிட்ட முடிவாக சமூக வலைத்தளங்களில் பாராட்டி வருகின்றனர். அதே நேரத்தில், இது உணர்வுபூர்வமான முடிவு மட்டுமல்லாமல், தயாரிப்பாளர் தரப்பின் வியாபார ரீதியான திட்டமிடலாகவும் பார்க்கப்படுகிறது. 'ஜனநாயகன்' வெளியீட்டு கொண்டாட்டங்கள் நிறைவடைந்த பிறகு, ஜேசன் சஞ்சயின் முதல் படத்தை ரசிகர்கள் பிரம்மாண்டமாக வரவேற்கத் தயாராக இருப்பதாகவும் பேசப்படுகிறது.

இதையும் படிங்க: விஜய்யை அன்ஃபாலோ செய்தாரா த்ரிஷா.. நடந்தது என்ன? ரசிகர்கள் முன்வைக்கும் ஆதாரங்கள்..!!!