கடவுள் இருக்காரு... காட்டுத்தீயை அணைக்கப் பல மாதங்களாக போராடிய தீயணைப்பு வீரர்கள்..! இறுதியில் நடந்த பெரிய ட்விஸ்ட்..... வீரர்கள் மண்டியிட்டு நன்றி சொன்ன காட்சி..!!!

இந்தோனேசியாவில் நீண்ட நாட்களாகப் பரவி வந்த காட்டுத்தீயைக் கட்டுப்படுத்த முடியாமல் போராடிய தீயணைப்பு வீரர்களுக்கு, திடீரென பெய்த கனமழை பெரும் நிம்மதியை அளித்துள்ளது. தெற்கு கலிமந்தன் மாகாணத்தின் பான்ஜார் மாவட்டத்தில் வறட்சியால் தீ வேகமாகப் பரவிய நிலையில், மழை பெய்ததும் வீரர்கள் மகிழ்ச்சியில் திளைத்தனர். அவர்கள் மழையில் நனைந்து மகிழ்ச்சியை வெளிப்படுத்தும் வீடியோ தற்போது சமூக வலைத்தளங்களில் வைரலாகி வருகிறது.

பல மாதங்களாக நீடித்த காட்டுத்தீ

இந்தோனேசியாவின் சில பகுதிகளில் நிலவிய கடுமையான வறட்சியால் காட்டுத்தீயைக் கட்டுப்படுத்துவது சவாலாக இருந்தது. குறிப்பாக, தெற்கு கலிமந்தன் மாகாணத்தின் பான்ஜார் மாவட்டத்தில் பல மாதங்களாகத் தீ பரவியது. தீயணைப்புத் துறையினரும் தன்னார்வலர்களும் தீயை அணைக்கத் தொடர்ந்து முயற்சி செய்து வந்தனர். ஆனால், வறண்ட வானிலை காரணமாக தீ வேகமாகப் பரவியதால் அவர்களின் பணி கடினமானது.

இதையும் படிங்க: கொலைக்காரன்.. மசூதிக்குள் தொழுகை முறைகளை சொல்லிக் கொடுத்த இளைஞருக்கு நேர்ந்த பயங்கரம்! சிக்கிய சிசிடிவி காட்சி...!!!

மழையில் நனைந்து மகிழ்ச்சியை வெளிப்படுத்திய வீரர்கள்

இந்நிலையில், அந்தப் பகுதியில் திடீரென மேகங்கள் திரண்டு பலத்த மழை பெய்யத் தொடங்கியது. நீண்ட நாட்களாக எதிர்பார்த்த மழை பெய்ததைக் கண்ட தீயணைப்பு வீரர்கள் உற்சாகமடைந்தனர். கையில் இருந்த தண்ணீர்க் குழாய்களை ஓரமாக வைத்துவிட்டு, மழையில் நனைந்தபடி தங்கள் மகிழ்ச்சியை வெளிப்படுத்தினர்.

சில வீரர்கள் பாதுகாப்பு உடைகளை அணிந்தபடியே சாலையில் மண்டியிட்டு, இறைவனுக்கு நன்றி தெரிவிக்கும் வகையில் இஸ்லாமிய மரபில் உள்ள 'சுஜூத் சுக்ர்' எனப்படும் நன்றியறிதல் பிரார்த்தனையிலும் ஈடுபட்டனர். நீண்ட நேரப் போராட்டத்துக்குப் பிறகு கிடைத்த இந்த நிம்மதியை வெளிப்படுத்தும் காட்சிகள் பலரது கவனத்தையும் ஈர்த்துள்ளன.

சமூக வலைத்தளங்களில் வைரலாகும் வீடியோ

தீயணைப்பு வீரர்கள் மழையில் மகிழ்ச்சியுடன் கொண்டாடும் காட்சிகள் அடங்கிய வீடியோ இணையத்தில் பரவி வருகிறது. கனமழை காட்டுத்தீயைக் கட்டுப்படுத்த உதவியதுடன், அப்பகுதியில் சூழ்ந்திருந்த புகையைக் குறைக்கவும் உதவியிருக்கலாம் எனக் கூறப்படுகிறது. இதனால் அப்பகுதி மக்களுக்கும் நிம்மதி ஏற்பட்டுள்ளது.

காட்டுத்தீயை அணைக்க தொடர்ந்து உழைத்த வீரர்களின் அர்ப்பணிப்பைப் பாராட்டி பலரும் கருத்துகளைப் பகிர்ந்து வருகின்றனர். நீண்ட காலப் போராட்டத்துக்குப் பிறகு இயற்கை அளித்த நிவாரணம் அவர்களுக்கு நம்பிக்கையையும் உற்சாகத்தையும் அளித்துள்ளது.

கட்டுக்கடங்காத காட்டுத்தீ.. மழையால்
தீயணைப்பு வீரர்கள் உற்சாகம்..

இந்தோனேசியாவில் கட்டுக்கடங்காத காட்டுத்தீயை அணைக்கும் பணியில் ஈடுபட்டிருந்த தீயணைப்பு வீரர்கள், 100 நாட்களுக்கும் மேலாக மழையின்றி காட்டுத்தீயால் பாதிக்கப்பட்ட நிலையில், கனமழை பெய்ததால் தீயணைப்பு வீரர்கள்… pic.twitter.com/jeWITCPFR9— Polimer News (@polimernews) October 28, 2026