உடலுக்கு பல நன்மையளிக்கும் முட்டைகோஸ் பச்சை மிளகாய் சட்னி.. வீட்டிலேயே செய்வது எப்படி?..!

முட்டைகோஸ் உடலில் உள்ள கெட்ட கொழுப்புகளை நீக்கி, உடல்எடையை குறைக்க உதவும். புற்றுநோய் வளர்வதையும் தடுக்கும். இப்படி உடலுக்கு நன்மையளிக்கும் முட்டைகோஸில் பச்சை மிளகாய் சட்னி செய்வது குறித்து காணலாம்.

தேவையான பொருட்கள் :

பச்சை மிளகாய் - இரண்டு முட்டைகோஸ் - 150 கிராம் 
புளி - எலுமிச்சை பழ அளவு 
உளுத்தம் பருப்பு - ஒரு தேக்கரண்டி இஞ்சி - சிறிதளவு 
எண்ணெய் - தேவைக்கேற்ப 
உப்பு - தேவைக்கேற்ப

தாளிப்பதற்கு :

காய்ந்த மிளகாய் - இரண்டு
கடுகு - கால் டீஸ்பூன் 
எண்ணெய் - ஒரு டீஸ்பூன் கருவேப்பிலை - சிறிதளவு

செய்முறை :

★முதலில் எடுத்துக்கொண்ட பச்சை மிளகாய், முட்டைகோசை பொடியாக நறுக்கிக் கொள்ள வேண்டும்.

★கடாயில் எண்ணெய் ஊற்றி உளுந்தம்பருப்பு, பச்சைமிளகாய், கோஸ் ஆகியவற்றை ஒன்றன் பின் ஒன்றாக சேர்த்து பச்சை வாசனை போகும் வரை வறுக்க வேண்டும். 

★இதன் பின்னர் வறுத்த உளுந்தம்பருப்பு, கோஸ், பச்சைமிளகாய், புளி, இஞ்சி, உப்பு போன்றவற்றை சேர்த்து சட்னி பதத்திற்கு அரைத்து எடுத்துக் கொள்ள வேண்டும்.

★அடுத்து கடாயில் எண்ணெய் ஊற்றி கடுகு, காய்ந்த மிளகாய், கருவேப்பிலை சேர்த்து தாளித்து இறக்கினால் சுவையான முட்டைக்கோஸ் பச்சை மிளகாய் சட்னி தயார்.