என்னது... ரூ.20 க்கு சமோசா சாப்பிட்டால் ரூ. 3,00,000 லட்சம் செலவாகுமா? மருத்துவரின் எச்சரிக்கை....

Copy Link

நவீன வாழ்க்கை முறைமாற்றங்களில், துரித உணவுகளின் மீது அதிகளவு சோர்வு உருவாகிக் கொண்டிருக்கிறது. சுவைக்காக உடல் நலத்தைக் கைவிடும் இந்தப் பழக்கம் எதிர்காலத்தில் பாரிய மருத்துவச் செலவுகளாக மாறும் என்பது நிபுணர்கள் தொடர்ந்து எச்சரிக்கும் உண்மை.

சமோசா பழக்கத்தின் நீண்டகால விளைவுகள்

டில்லி இதயநோய் நிபுணர் டாக்டர் சைலேஷ் சிங் கூறியதாவது, ₹20 மதிப்புள்ள சமோசாவை தொடர்ந்து 15 ஆண்டுகள் சாப்பிடும் பழக்கம் இறுதியில் ₹3 லட்சம் மதிப்புள்ள ஆஞ்சியோபிளாஸ்டி சிகிச்சை தேவையாக முடிந்துவிடும் என துரித உணவின் அபாயத்தை அவர் விளக்கியுள்ளார். துரித உணவு என்பது உங்கள் உடலுக்கு கடனாக எடுத்துக்கொள்வது போன்றது என்றும் எச்சரித்தார்.

இதையும் படிங்க: இந்த தப்பை மட்டும் செய்யாதீங்க...! இனி பப்ஸ் இல்ல ஒரு கடலை மிட்டாய் கூட சாப்பிட முடியாது! அபாயத்தை விளக்கும் வீடியோ......

டிரான்ஸ் ஃபேட் மற்றும் இதய பாதிப்பு

சமோசா உள்ளிட்ட பல துரித உணவுகளில் டிரான்ஸ் ஃபேட், அதிக கொழுப்பு, சர்க்கரை போன்றவை அதிகளவில் உள்ளன. இவை ரத்தத்தில் ‘கெட்ட கொலஸ்ட்ரால்’ (LDL) அளவை உயர்த்தி, ரத்தக்குழாய்களில் அடைப்பை உருவாக்குகின்றன. உடல் இயக்கம் இல்லாமல் ஆரோக்கியமற்ற உணவு உண்டால் உயர் ரத்த அழுத்தம் மற்றும் பிற இதய நோய்கள் உருவாகும் அபாயம் அதிகரிக்கும்.

பழக்க மாற்றத்தின் அவசியம்

பழக்கங்களை மாற்றுவது முதலில் சிரமமாக இருக்கும். ஆனால் அது சில நாட்களில் மறைந்து விடும். நடைப்பயிற்சி போன்ற நல்ல பழக்கங்களை தவிர்ப்பதால் வரும் விளைவுகள் நிரந்தரமான பாதிப்புகளை ஏற்படுத்தும். எனவே ஆரம்ப சிரமங்களை தாண்டி ஆரோக்கிய வாழ்க்கை முறைகளை உடனடியாக பின்பற்ற வேண்டும் என டாக்டர் சிங் வலியுறுத்துகிறார்.

ஆரோக்கியத்தை பாதுகாப்பது செலவான சிகிச்சைகளைக் காட்டிலும் எளியதும் குறைந்த செலவானதுமாகும். உடல் நலனுக்காக சிந்தித்த உணவு தேர்வுகள் மற்றும் ஒழுங்கான வாழ்க்கை முறை அவசியம் என்பதே இதன் மையக் கருத்தாகும்.

Office canteen samosa: ₹20
Angioplasty: ₹3 lakhs

Samosas per year: 300
Years of eating: 15
Total samosa cost: ₹90,000

You're not saving money on unhealthy food.
You're taking a loan against your arteries at 400% interest.

— Dr Shailesh Singh (@drShaileshSingh) October 23, 2025