இதுதாங்க நடந்துச்சு... அதிமுக ரகசியத்தை போட்டுடைத்த டிடிவி தினகரன்...! அரசியல் நாடகம் நடத்துவதாக குற்றச்சாட்டு!!!

மதுராந்தகத்தில் செய்தியாளர்களைச் சந்தித்த அமமுக பொதுச்செயலாளர் டிடிவி தினகரன், முதல்வர் விஜய் மற்றும் தமிழக வெற்றிக் கழக ஆட்சியின் செயல்பாடுகளை கடுமையாக விமர்சித்தார். அதிமுக திமுகவுடன் கூட்டணி அமைக்க முயன்றதாக கூறப்படும் தகவலை அவர் திட்டவட்டமாக மறுத்தார். எடப்பாடி பழனிசாமியை முதல்வராக்க விஜய்யிடம் ஆதரவு கோர திட்டமிட்டதாகவும் அவர் தெரிவித்தார்.

திமுகவுடன் பேசியதாக கூறுவது தவறு: 

திமுகவுடன் அதிமுக கூட்டணி வைக்க முயன்றதாக கூறப்படுவது முற்றிலும் தவறு என தினகரன் தெரிவித்தார். தங்களிடம் இருந்த எம்எல்ஏக்களை தவெக தரப்பு அணுகியதால், அதிமுக ஆட்சி அமைக்க ஆதரவு கோரி விஜய்யிடம் பேசும் நிலை உருவானதாக அவர் கூறினார். பின்னர் திருமாவளவனிடம் ஆதரவு கோருவது குறித்தும் ஆலோசிக்கப்பட்டதாக குறிப்பிட்டார். இந்த விவகாரத்தில் பாஜகவுக்கு எந்தப் பங்கும் இல்லை என்றும் அவர் தெரிவித்தார்.

இதையும் படிங்க: BREAKING : அதிமுக- வுக்கு அடுத்த அதிர்ச்சி! தவெகவில்  இணையும் செம்மலை? ஆட்டம் காணும் கொங்கு மண்டலம்...!!!

வேட்பாளர்களை வைத்து அரசியல் நாடகம் நடத்துவதாக குற்றச்சாட்டு

தாராபுரத்தில் அதிமுக வேட்பாளர் சத்தியபாமா அழுத விவகாரத்தை சுட்டிக்காட்டிய தினகரன், அதேபோல் மதுராந்தகம் வேட்பாளரையும் அழ வைக்கும் நிலை உருவாகலாம் என்று விமர்சித்தார். முன்னாள் சட்டமன்ற உறுப்பினர்களைக்கூட நடிப்புக்கு தயார்படுத்துவதாகவும் அவர் குற்றம்சாட்டினார். இவை அனைத்தும் அரசியல் விமர்சனங்களாகவே முன்வைக்கப்பட்டுள்ளன.

அம்மா உணவகங்கள் குறித்து சர்ச்சை

தவெக ஆட்சியில் மக்களுக்கான பணிகள் போதிய அளவில் நடைபெறவில்லை என்றும், மின்வெட்டு மட்டுமே சிறப்பாக நடைபெறுவதாகவும் தினகரன் குற்றம்சாட்டினார். குறிப்பாக, அம்மா உணவகங்களை சீரமைத்து தரமான உணவு வழங்க உத்தரவிட்டதாக கூறிய முதல்வர் விஜய், அந்த உத்தரவு செயல்பாட்டில் உள்ளதா என்பதை நேரில் ஆய்வு செய்தாரா அல்லது அதிகாரிகளிடம் கேட்டறிந்தாரா என கேள்வி எழுப்பினார்.

தாராபுரம் பிரசாரத்தில் 630 அம்மா உணவகங்கள் சீரமைக்கப்பட்டு செயல்பாட்டுக்கு கொண்டுவரப்பட்டதாக முதல்வர் விஜய் தெரிவித்திருந்த நிலையில், மறுநாளே அம்மா உணவக ஊழியர்களின் போராட்டம் தொடர்பான செய்திகள் வெளியாகியதை சுட்டிக்காட்டி, அந்த கூற்று குறித்து தினகரன் கடும் விமர்சனம் முன்வைத்தார்.

இதையும் படிங்க: இன்னும் அறிவிப்பே வரல... அதுக்குள்ள செங்கோட்டையன் செய்த காரியம்! முதல்வர் விஜய்க்கு பேரதிர்ச்சி... தவெக தலைமைக்கே வந்த சவால்!!!