பள்ளி பருவ காதல்..! வீட்டை விட்டு வெளியேறிய காதல் ஜோடி... காதலனுடன் குளத்தில் சடலமாக மீட்பு! சோகத்தில் மூழ்கிய கிராமம்..!!!

குண்டூர் மாவட்டம் காகுமானு பகுதியில் 15 வயது பள்ளி மாணவியும், 22 வயது இளைஞரும் வீட்டை விட்டு வெளியேறிய நிலையில் உயிரிழந்தனர். இருவரும் கோனங்கி கிராமத்தில் உள்ள குளம் அருகே சென்றதாக கூறப்படுகிறது. அங்கு எலி மருந்தை உட்கொண்ட பின்னர் குளத்தில் குதித்ததாக தகவல் வெளியாகியுள்ளது.

பள்ளி மூலம் ஏற்பட்ட அறிமுகம் காதலாக மாறியது

தாத்தா, பாட்டியின் பராமரிப்பில் வளர்ந்து வந்த அந்த மாணவி, காகுமானு பகுதியில் உள்ள பள்ளியில் 10-ம் வகுப்பு படித்து வந்தார். அதே பள்ளியில் பேருந்து ஓட்டுநராக விக்னேஷின் தந்தை பணியாற்றி வந்தார். இதனால் அடிக்கடி பள்ளிக்கு வந்து சென்ற விக்னேஷுக்கு மாணவியுடன் அறிமுகம் ஏற்பட்டதாக கூறப்படுகிறது.

இதையும் படிங்க: கடவுள் மனசு இவுங்களுக்கு...! ஒரே மேடையில் 14 ஜோடிகளுக்கு திருமணம்! ரூ.5 லட்சம் சீர்வரிசை... குடும்பங்களுக்குக் கிடைச்ச புதுவிதமான வாழ்க்கை..! நெகிழவைக்கும் பாரம்பரியம்..!!!

நாளடைவில் இந்த அறிமுகம் காதலாக மாறியது. 12-ம் வகுப்பு வரை படித்துவிட்டு வேலைவாய்ப்பின்றி இருந்த விக்னேஷும், மாணவியும் ஒருவரையொருவர் தீவிரமாக காதலித்து வந்ததாக தெரிகிறது.

வீட்டை விட்டு வெளியேறிய காதல் ஜோடி

இந்த நிலையில், இருவரும் வீட்டை விட்டு வெளியேற முடிவு செய்தனர். கடந்த செவ்வாய்க்கிழமை காலை யாருக்கும் தெரியாமல் வீட்டை விட்டு சென்ற அவர்கள், பின்னர் கோனங்கி கிராமத்தில் உள்ள குளம் அருகே சென்றுள்ளனர்.

தகவலின்படி, புதன்கிழமை காலை இருவரும் எலி மருந்தை உட்கொண்டுவிட்டு குளத்தில் குதித்ததாக கூறப்படுகிறது. இதையடுத்து தகவல் அறிந்தவர்கள் அங்கு சென்று தேடிய நிலையில், இருவரும் உயிரிழந்தது தெரியவந்தது.

இளம் வயதில் பள்ளி மாணவியும், இளைஞரும் உயிரை மாய்த்துக் கொண்டது காகுமானு மற்றும் கோனங்கி பகுதிகளில் பெரும் சோகத்தை ஏற்படுத்தியுள்ளது. தகவல் அறிந்த போலீசார் சம்பவம் தொடர்பாக விசாரணை நடத்தி, இருவரும் வீட்டை விட்டு வெளியேறிய காரணம் மற்றும் அவர்களின் இறுதி நேர நடவடிக்கைகள் குறித்து விசாரித்து வருகின்றனர்.

இதையும் படிங்க: மக்களே உஷார்..! Swiggy Instamart- இல் ஆர்டர் செய்த முட்டைகளை உடைத்த போது காத்திருந்த பேரதிரிச்சி! விரைவு டெலிவரி இப்படி தான் இருக்குமா? ஷாக் வீடியோ..!!!