நள்ளிரவில் திடீரென தீப்பிடித்து மளமளவென எரிந்த டபுள் டெக்கர் பஸ்..! ஜன்னல் கண்ணாடிகளை உடைத்து தப்பிய பயணிகள்.. 9 பேர் உடல் கருகி பரிதாப பலி...! பதைபதைக்கும் காட்சி...!!!

உத்தரப் பிரதேச மாநிலம் கிரேட்டர் நொய்டாவில் உள்ள யமுனா எக்ஸ்பிரஸ்வேயில் பயணிகள் சென்ற ஈரடுக்கு பேருந்தில் திடீரென தீப்பிடித்தது. நொய்டாவில் இருந்து மகோபா நோக்கிச் சென்ற பேருந்தில் 30-க்கும் மேற்பட்டோர் இருந்ததாக கூறப்படுகிறது. தீ வேகமாகப் பரவியதில் ஒரு பெண் உட்பட 9 பேர் உடல் கருகி உயிரிழந்தனர்.

ஜன்னல் கண்ணாடிகளை உடைத்து தப்பிய பயணிகள்

பேருந்தில் திடீரென தீப்பிடித்ததும் பயணிகள் அதிர்ச்சியடைந்தனர். தீ மளமளவென பரவியதால், சிலர் அவசரமாக ஜன்னல் கண்ணாடிகளை உடைத்து வெளியே குதித்து உயிர் தப்பினர். தகவல் கிடைத்ததும் தீயணைப்புப் படையினரும் ஜேவர் காவல் நிலைய போலீசாரும் சம்பவ இடத்துக்கு விரைந்தனர்.

இதையும் படிங்க: இது பொண்ணா? இல்ல ரவுடியா? டெலிவரி ஊழியரை உள்ளே விடாததால் பேய் ஆட்டம் ஆடின பெண்! செக்யூரிட்டியின் முகத்தில் காலை ஓங்கி குத்தி... அதிர்ச்சி வீடியோ!!!

உள்ளூர் மக்களின் உதவியுடன் மீட்புப் பணிகள் மேற்கொள்ளப்பட்டன. பேருந்துக்குள் சிக்கியிருந்த சில பயணிகள் பத்திரமாக வெளியேற்றப்பட்டனர். காயமடைந்தவர்கள் அருகிலுள்ள மருத்துவமனைகளுக்கு அனுப்பி வைக்கப்பட்டு, அவர்களுக்கு தீவிர சிகிச்சை அளிக்கப்பட்டு வருகிறது.

கூரையில் அதிகளவு லக்கேஜ் ஏற்றப்பட்டதாக தகவல்

முதற்கட்ட விசாரணையில், பேருந்தின் கூரையில் அளவுக்கு அதிகமான லக்கேஜ்கள் மற்றும் பயணிகளின் உடமைகள் ஏற்றப்பட்டிருந்தது தெரியவந்துள்ளதாக அதிகாரிகள் தெரிவித்துள்ளனர். இதனால் நீண்ட தூரப் பேருந்துகளில் பாதுகாப்பு விதிமுறைகள் முறையாகப் பின்பற்றப்படுகிறதா என்ற கேள்வியும் எழுந்துள்ளது.

தீ விபத்துக்கான காரணம் குறித்து விசாரணை

தீ விபத்துக்கான துல்லியமான காரணம் இதுவரை உறுதி செய்யப்படவில்லை. பேருந்து தீ விபத்து தொடர்பாக போலீசாரும் தீயணைப்புத் துறையினரும் தொடர்ந்து விசாரணை நடத்தி வருகின்றனர். பேருந்தில் இருந்த பாதுகாப்பு ஏற்பாடுகள், பயணிகளின் எண்ணிக்கை மற்றும் தீ பரவிய விதம் உள்ளிட்ட அம்சங்கள் குறித்து அதிகாரிகள் தகவல்களை சேகரித்து வருகின்றனர்.

யமுனா எக்ஸ்பிரஸ்வேயில் நடந்த இந்த துயர நிகழ்வு அப்பகுதியில் பெரும் பரபரப்பை ஏற்படுத்தியுள்ளது. உயிரிழந்தவர்களின் உடல்கள் அடையாளம் காணும் பணிகளும், காயமடைந்தவர்களுக்கான சிகிச்சையும் தொடர்ந்து நடைபெற்று வருகிறது. யமுனா எக்ஸ்பிரஸ்வே பேருந்து தீ விபத்து தொடர்பான விசாரணை முடிவில் மேலும் தகவல்கள் வெளியாகும் என எதிர்பார்க்கப்படுகிறது.

A BUS JOURNEY TURNED INTO A DEATH TRAP.

> A double-decker bus travelling from Noida to Mahoba caught fire on the Yamuna Expressway.

– More than 30 passengers were reportedly onboard.
– 9 passengers reportedly burnt alive. pic.twitter.com/gsmtzH06Z8

— The Analyzer (News Updates🗞️) (@Indian_Analyzer) September 24, 2026

இதையும் படிங்க: மாணவியுடன் நெருக்கமாக இருந்த ஆசிரியர்! இடையில் வந்த ரவிக்குமார்... பழிவாங்கும் நோக்கில் நடந்த சதி! பேராசிரியரின் பெரிய நாடகம்... தெலங்கானாவில் பரபரப்பு..!!!