இப்படியா நடக்கணும்! கல்யாணமாகி சில வாரங்கள் தான் ஆகுது... புதுமணத்தம்பதிக்கு நடந்த கொடூரம்! கதறி துடிக்கும் குடும்பத்தினர்...!!!

கர்நாடக மாநிலம் துமகூரு மாவட்டத்தில் தேசிய நெடுஞ்சாலை 48ல் நடந்த சாலை விபத்தில் புதுமணத் தம்பதி இருவரும் உயிரிழந்தனர். திருமணமாகி ஒன்றரை மாதங்களே ஆன நிலையில், பெங்களூரு நோக்கி இருசக்கர வாகனத்தில் சென்றபோது அடையாளம் தெரியாத வாகனம் மோதியுள்ளது. கணவர் தர்ஷன் சம்பவ இடத்திலும், மனைவி உஷாராணி மருத்துவமனைக்கு செல்லும் வழியிலும் உயிரிழந்தனர்.

பின்னால் வந்த வாகனம் மோதி விபத்து

துமகூரு மாவட்டம் சிரா தாலுகா ஹுனசேகட்டே கிராமத்தைச் சேர்ந்தவர் தர்ஷன் (25). இவருக்கும் அதே பகுதியைச் சேர்ந்த உஷாராணி (21) என்பவருக்கும் கடந்த ஒன்றரை மாதங்களுக்கு முன்பு திருமணம் நடைபெற்றது. செவ்வாய்க்கிழமை இருவரும் இருசக்கர வாகனத்தில் பெங்களூரு நோக்கி புறப்பட்டனர்.

இதையும் படிங்க: முதலிரவில் திடீரென காணாமல் போன மணமகன்… மனைவி கூறிய ஒரு வார்த்தைக்குப் பிறகு நடந்த அதிர்ச்சி!

சிரா தாலுகாவில் உள்ள துவாராலு பாலம் அருகே தேசிய நெடுஞ்சாலை 48ல் சென்றுகொண்டிருந்தபோது, பின்னால் வேகமாக வந்த அடையாளம் தெரியாத வாகனம் தம்பதியின் இருசக்கர வாகனம் மீது பலமாக மோதியது. மோதிய வேகத்தில் பைக் தூக்கி வீசப்பட்டது. விபத்தை ஏற்படுத்திய வாகனம் நிற்காமல் அங்கிருந்து சென்றுவிட்டதாக கூறப்படுகிறது.

கணவன், மனைவி அடுத்தடுத்து உயிரிழப்பு

வாகனம் மோதியதில் தர்ஷன் படுகாயமடைந்து சாலையில் விழுந்தார். ரத்த வெள்ளத்தில் கிடந்த அவர் சம்பவ இடத்திலேயே உயிரிழந்தார். அருகில் இருந்தவர்கள் அளித்த தகவலின் பேரில் போலீசார் அங்கு சென்றனர்.

பலத்த காயமடைந்த உஷாராணியை மீட்டு மருத்துவமனைக்கு அழைத்துச் சென்றனர். ஆனால் அவரது உடல்நிலை கவலைக்கிடமாக இருந்த நிலையில், மருத்துவமனைக்கு கொண்டு செல்லும் வழியிலேயே அவர் உயிரிழந்தார். திருமணமாகி சில வாரங்களிலேயே இருவரும் உயிரிழந்தது உறவினர்கள் மற்றும் கிராம மக்களிடையே சோகத்தை ஏற்படுத்தியுள்ளது.

சிசிடிவி காட்சிகளை ஆய்வு செய்யும் போலீசார்

விபத்து தொடர்பாக தவாரேகெரே போலீசார் வழக்குப்பதிவு செய்து விசாரணை நடத்தி வருகின்றனர். அடையாளம் தெரியாத வாகனம் எது என்பதை கண்டறிய தேசிய நெடுஞ்சாலையில் உள்ள சிசிடிவி கேமரா காட்சிகள் ஆய்வு செய்யப்பட்டு வருகின்றன. தப்பியோடிய ஓட்டுநரை பிடிக்கும் நடவடிக்கைகளும் தீவிரப்படுத்தப்பட்டுள்ளன.

விபத்து நடந்த நேரம், வாகனத்தின் வேகம் மற்றும் மோதிய வாகனம் சென்ற பாதை உள்ளிட்ட விவரங்களை போலீசார் சேகரித்து வருகின்றனர். புதுமணத் தம்பதி உயிரிழப்பு தொடர்பான விசாரணை தொடர்ந்து நடைபெற்று வருகிறது.

இதையும் படிங்க: 15-வது மாடியில் இருந்து குதித்த 16 வயது பள்ளி மாணவி! அறையில் சிக்கிய கடிதம்.... கதறிய பெற்றோர்! கலங்க வைக்கும் காட்சி!!!