கணவர் போன் எடுக்காததால் உண்டான கோபம்! வீட்டில் எவ்வளவு தேடியும் விஷம் கிடைக்கல..... அடுத்து மனைவி 25 மாத்திரைகளை விழுங்கி....ஹோலி பண்டிகையில் நடந்த ரணகளம்!!!

மத்தியப் பிரதேசத்தில் நிகழ்ந்த ஒரு குடும்ப சம்பவம் சமூக வலைதளங்களிலும் உள்ளூர் மக்களிடமும் பெரும் பேசுபொருளாக மாறியுள்ளது. ஒரு சிறிய குடும்ப தகராறு எதிர்பாராத அளவுக்கு பெரிய பிரச்சனையாக மாறியதால், மருத்துவர்கள் கூட பொதுமக்களுக்கு முக்கிய எச்சரிக்கையை வெளியிட்டுள்ளனர்.

போன் எடுக்காததால் ஏற்பட்ட கோபம்

மத்தியப் பிரதேச மாநிலம் சத்தர்பூர் பகுதியில் உள்ள சாந்தி நகர் காலனியைச் சேர்ந்த ரேகா சௌகான் என்ற பெண், ஹோலிகா தகனம் மற்றும் பூஜைக்கு தேவையான பொருட்களை வாங்குவது தொடர்பாக தனது கணவர் அஸ்வினிக்கு பலமுறை அழைத்துள்ளார். ஆனால் வேலைப்பளு காரணமாக அவரது செல்போன் சைலண்ட் மோடில் இருந்ததால் அவர் அழைப்பை எடுக்க முடியவில்லை.

ஆத்திரத்தில் எடுத்த தவறான முடிவு

இதனால் கடும் கோபமடைந்த ரேகா, வீட்டில் இருந்த பூச்சிக்கொல்லி மருந்தை தேடியுள்ளார். அது கிடைக்காத நிலையில், அங்கிருந்த விட்டமின் மாத்திரைகள் 25 ஐ ஒரே நேரத்தில் விழுங்கியதாக கூறப்படுகிறது. இந்தச் சம்பவம் குடும்பத்தினரிடையே அதிர்ச்சியை ஏற்படுத்தியது.

இதையும் படிங்க: அதிகாலையில் கழிவறைக்கு சென்ற வாலிபர்! திடீரென ஆக்ரோஷமாக ஓடி வந்த வளர்ப்பு நாய் பிறப்புறுப்பை கடித்து.... ரத்தம் சொட்ட சொட்ட ஓடிய சிசிடிவி காட்சி.!

மருத்துவமனையில் அனுமதி

சில நேரம் கழித்து வீட்டிற்கு வந்த கணவர், மனைவியின் உடல்நிலை மோசமடைந்திருப்பதை கண்டு அதிர்ச்சி அடைந்தார். உடனடியாக அவர் மாவட்ட அரசு மருத்துவமனைக்கு கொண்டு செல்லப்பட்டார். அங்கு மருத்துவர்கள் தீவிர சிகிச்சை அளித்ததைத் தொடர்ந்து தற்போது அவரது உடல்நிலை சீராக இருப்பதாக தெரிவிக்கப்பட்டுள்ளது.

இதுகுறித்து மருத்துவர்கள் கூறுகையில், சாதாரணமாக தோன்றும் அளவுக்கு மீறிய மருந்து உட்கொள்ளுதல் கூட உடலில் கடுமையான நச்சுத்தன்மையை ஏற்படுத்தி உயிருக்கு ஆபத்தாக முடியும் என எச்சரித்துள்ளனர். பண்டிகை காலத்தில் நடந்த இந்த சம்பவம் காரணமாக அந்த குடும்பம் ஹோலி கொண்டாட்டத்தை விட மருத்துவமனையில் நேரம் கழிக்க வேண்டிய நிலை ஏற்பட்டுள்ளது.

இதையும் படிங்க: ஒரு சின்ன தவறால் பரிதாபமாக பலியான 16 வயது சிறுவன்! மருந்தால் ஏற்பட்ட விபரீதம்... நெஞ்சை உறையவைக்கும் துயரம்..!!!