நாடே குஷியில்! இன்று முதல் GST 2.0 ! எதன் விலை குறைவு? எதன் விலை உயர்வு? முழு லிஸ்ட் பட்டியல் இதோ....

இந்தியாவில் ஜிஎஸ்டி 2.0 (GST 2.0) நடைமுறைக்கு வந்ததுடன், வரி கட்டமைப்பில் பெரிய மாற்றங்கள் செய்யப்பட்டுள்ளது. இதன் மூலம் பொதுமக்கள் மற்றும் வியாபாரிகள் இருவருக்கும் செலவுகள் குறையும், கல்வி மற்றும் சுகாதாரம் சார்ந்த பல சேவைகள் வரி விலக்கு பெற்று மகிழ்ச்சி அடைந்துள்ளன. புதிய மாற்றங்கள் இந்திய சந்தையில் நேரடியாக தாக்கத்தை ஏற்படுத்தும்.

இனி இரண்டு ஜிஎஸ்டி வரிசைகள் மட்டுமே

முந்தைய காலத்தில் 5%, 12%, 18%, 28% என பல ஜிஎஸ்டி வரிசைகள் இருந்தன, இது குழப்பத்தை ஏற்படுத்தியதை அரசு கவனத்தில் கொண்டு மாற்றம் செய்துள்ளது. இனி இரண்டு வரி மட்டுமே - 5% மற்றும் 18%. அதேசமயம் புகை, மதுபானம், பான் மசாலா போன்ற ஆரோக்கியத்திற்கு தீங்கு விளைவிக்கும் பொருட்களுக்கு 40% 'சின் டாக்ஸ்' விதிக்கப்பட்டுள்ளது.

முற்றிலும் வரி நீக்கப்பட்ட பொருட்கள்

பனீர், சென்னா, UHT பால், பீட்சா பிரெட், சப்பாத்தி, பரோட்டா, குல்சா, மருத்துவ உபகரணங்கள், 33 உயிர் காப்பு மருந்துகள், கல்வி பொருட்கள், 12ஆம் வகுப்பு வரை தனியார் டியூஷன், தொழில் பயிற்சி, திறன் மேம்பாட்டு மையங்கள் மற்றும் சுகாதார/கல்வி சார்ந்த தொண்டு நிறுவனங்கள் போன்றவை முற்றிலும் வரி விலக்கு பெற்றுள்ளன.

இதையும் படிங்க: செப் 22 முதல் இந்த பொருட்களின் விலை குறையும்! ஆனால் இந்த பொருட்களின் விலை தாறுமாறாக உயரப்போகுது! முழு லிஸ்ட் இதோ..

மலிவாகும் பொருட்கள் மற்றும் சேவைகள்

சோப்பு, ஷாம்பு, பற்பசை, பிஸ்கெட், ஜூஸ், நெய் போன்ற பொருட்களுக்கு இப்போது 5% GST மட்டுமே. சலூன், ஸ்பா, ஜிம், யோகா சேவைகள் 18% இல் இருந்து 5% வரை குறைக்கப்பட்டுள்ளன. ஏ.சி., ஃபிரிட்ஜ், டிஷ்வாஷர் மற்றும் பெரிய டிவி போன்ற சாதனங்கள் 28% இல் இருந்து 18% ஆக குறையதால் விலை 7-8% வரை குறையும். சிமெண்ட் குறைந்த வரியில் வரும் காரணமாக வீடு கட்டும் செலவும் குறையும்.

வாகனங்கள் மற்றும் காப்பீடு

1200cc-க்கு குறைந்த கார்கள் 28% இல் இருந்து 18% ஆக குறைந்துள்ளதால் விலை குறையும். 350cc-க்கு குறைந்த பைக், ஸ்கூட்டர்கள் விலை குறையும். சுகாதார மற்றும் உயிர் காப்பீட்டு பிரீமியம் 18% GST-இல் இருந்து 0% அல்லது குறைந்த விகிதத்தில் வருவதால், பொதுமக்களுக்கு காப்பீடு எளிதாகக் கிடைக்கும்.

அதிக விலையான பொருட்கள்

புகையிலை, பீடி, பான் மசாலா போன்ற ஆரோக்கியத்திற்கு தீங்கு விளைவிக்கும் பொருட்களுக்கு 40% வரி. லக்சுரி கார்கள், SUV, 350cc மேற்பட்ட பைக்குகள் அதிக வரியில் உள்ளன. சோடா மற்றும் குளிர்பானங்கள் விலை அதிகரிக்கின்றன.

ஜிஎஸ்டி 2.0 புதிய வரி கட்டமைப்பு, சாதாரண மக்களின் அன்றாட செலவுகளை குறைக்கும் வகையில் மற்றும் ஆரோக்கியத்துக்கு தீங்கு விளைவிக்கும் பொருட்களுக்கு கூடுதல் வரி விதிக்கும் வகையிலும் அமைந்துள்ளது. இந்த மாற்றங்கள் இந்திய சந்தையில் மக்களுக்கு நேரடியாக பலன் அளிக்கும்.

இதையும் படிங்க: மக்களே இனி டபுள் போனஸ்! நாளை முதல் அத்தியாவசிய பொருட்களின் விலை குறையும்! பிரதமர் மோடி அறிவிப்பு..