மனைவி காணாமல் போனதாக கணவன் போட்ட நாடகம்! ஆனால்... விசாரணயில் வெளிவந்த அடுக்கடுக்கான உண்மைகள்... சினிமாவை மிஞ்சிய பகீர் சம்பவம்..!!!

உத்தரப் பிரதேசத்தின் ஆக்ரா மாவட்டத்தில் குடும்பப் பிரச்சனை கொலையில் முடிந்ததாக கூறப்படும் வழக்கு அதிர்ச்சியை ஏற்படுத்தியுள்ளது. அச்னேரா பகுதியைச் சேர்ந்த லோகேந்திரா, தனது மனைவி சாந்தினியைக் கொன்று உடலை எரித்ததாக போலீசார் தெரிவித்துள்ளனர். ஆதாரங்களை மறைக்க முயன்றதாக கூறப்படும் அவர் தற்போது கைது செய்யப்பட்டு விசாரணைக்கு உட்படுத்தப்பட்டுள்ளார்.

மனைவியை காணவில்லை என பொய்ப் புகார்

போலீசார் தரப்பில் கிடைத்த தகவலின்படி, லோகேந்திராவுக்கும் அவரது மனைவி சாந்தினிக்கும் இடையே குடும்பப் பிரச்சனை இருந்து வந்துள்ளது. இதன் தொடர்ச்சியாக ஏற்பட்ட தகராறில் சாந்தினியை அவர் கொலை செய்ததாக கூறப்படுகிறது.

இதையும் படிங்க: மனைவி காணாமல் போனதாக கணவர் போட்ட நாடகம்! ஆனால்.. விசாரணையில் வெளிவந்த அதிர்ச்சி! மனைவி உடலின் மிச்சங்களைக்கூட விட்டுவைக்கல... யமுனை நதிக்கரையில் நடந்த பயங்கரம்!!!

குற்றத்தை மறைக்க வீட்டின் பின்புறம் சாந்தினியின் உடலை எரித்த லோகேந்திரா, பின்னர் எஞ்சிய எலும்புகளை எடுத்துச் சென்று யமுனை ஆற்றில் வீசியதாக விசாரணையில் தெரியவந்துள்ளது. மனைவியின் செல்போனையும் வேறு பகுதியில் தூக்கி வீசி ஆதாரங்களை அழிக்க முயன்றதாக போலீசார் கூறுகின்றனர்.

அதன்பின் எதுவும் நடக்காதது போல காவல் நிலையத்திற்குச் சென்ற லோகேந்திரா, தனது மனைவி திடீரென காணாமல் போய்விட்டதாக புகார் அளித்துள்ளார். ஆனால் அவரது நடவடிக்கைகள் மீது சாந்தினியின் குடும்பத்தினருக்கு சந்தேகம் ஏற்பட்டது.

குடும்பத்தினர் சந்தேகம்; விசாரணையில் திருப்பம்

சாந்தினியின் உறவினர்கள் லோகேந்திரா மீது சந்தேகம் தெரிவித்து போலீசில் புகார் அளித்தனர். இதையடுத்து காவல்துறையினர் மற்றும் தடயவியல் நிபுணர்கள் அச்னேரா பகுதியில் ஆய்வு மேற்கொண்டு, கிடைத்த தடயங்களின் அடிப்படையில் விசாரணையை தீவிரப்படுத்தினர்.

தொடர்ந்து லோகேந்திராவிடம் நடத்தப்பட்ட விசாரணையில், மனைவியைக் கொன்றதை அவர் ஒப்புக்கொண்டதாக போலீசார் தெரிவித்தனர். அவர் அளித்த தகவல்களின் அடிப்படையில் ஆதாரங்களை மீட்கும் நடவடிக்கையும் மேற்கொள்ளப்பட்டது.

யமுனை கரையில் எலும்புகள் மீட்பு

லோகேந்திரா கூறிய இடங்களில் சோதனை நடத்திய போலீசார், யமுனை ஆற்றங்கரையில் இருந்து எலும்புகளை மீட்டனர். மேலும் சாந்தினியின் செல்போனும் கண்டெடுக்கப்பட்டதாக தெரிவிக்கப்பட்டுள்ளது. மீட்கப்பட்ட எலும்புகள் தடயவியல் பரிசோதனைக்கு அனுப்பப்பட்டுள்ளன.

லோகேந்திராவை கைது செய்த போலீசார், கொலை நடந்த விதம், அதற்கான சரியான காரணம் மற்றும் ஆதாரங்களை மறைக்க அவர் மேற்கொண்ட நடவடிக்கைகள் குறித்து தொடர்ந்து விசாரித்து வருகின்றனர். குடும்பப் பிரச்சனை எப்போது தொடங்கியது என்பதையும் அதிகாரிகள் தனியாக விசாரணை செய்து வருகின்றனர்.

இதையும் படிங்க: பல வருஷ காத்திருப்பு.! குழந்தைக்காக 13 லட்சம் வரை செலவு... 2 நாட்களில் 20 பாக்கெட் ரத்தம்! இருந்தும் தாயின் உயிர் பிரிந்த கொடூரம்... நெஞ்சை உலுக்கும் பகீர் பின்னணி!!!