இறந்தவர்களின் சாம்பலில் சூப் செய்து குடும்பமாக குடிக்கும் விசித்திர பழங்குடியினர்..! பின்னணியில் இருக்கும் அதிரவைக்கும் காரணம்..!!!

வெனிசுலா - பிரேசில் எல்லையோர அமேசான் மழைக்காடுகளில் வாழும் யனோமாமி பழங்குடியினரின் இறுதிச் சடங்கு முறை பலரையும் வியப்பில் ஆழ்த்தியுள்ளது. ஒருவர் இறந்த பிறகு அவரது உடலைத் தகனம் செய்து, சாம்பலை வாழைப்பழத்தில் தயாரிக்கப்படும் சூப்பில் கலந்து குடும்பத்தினர் பருகுவது இவர்களின் பாரம்பரியமாகக் கூறப்படுகிறது. இறந்தவரை குடும்பத்துடன் தொடர்ந்து இணைத்திருக்கும் அடையாளமாக இந்தச் சடங்கை அவர்கள் கருதுகின்றனர்.

உடலைப் பாதுகாத்து பின்னர் தகனம் செய்யும் வழக்கம்

யனோமாமி இனத்தில் ஒருவர் உயிரிழந்தால், உடனடியாக இறுதிச் சடங்கு நடத்தப்படுவதில்லை. காட்டில் கிடைக்கும் இலைகள், கிளைகள் ஆகியவற்றால் உடலை மூடி, குறிப்பிட்ட இடத்தில் வைக்கின்றனர். சில காலத்துக்குப் பிறகு எஞ்சியிருக்கும் உடல் எச்சங்களைச் சேகரித்து தகனம் செய்வார்களாம்.

இதையும் படிங்க: நெஞ்சே படபடக்குது...! கம்பியைத் தொட்ட அடுத்த வினாடியே தீயில் எரிந்தவர்! அலறிடித்து ஓடிவந்த கடைக்காரர்கள்… சிசிடிவியில் பதிவான ஷாக் வீடியோ!!!

தகனம் முடிந்ததும் கிடைக்கும் சாம்பலை அவர்கள் கவனமாகச் சேகரித்து வைக்கின்றனர். பின்னர் வாழைப்பழத்தால் தயாரிக்கப்படும் சூப்பில் அந்தச் சாம்பலைக் கலந்து, இறந்தவரின் குடும்பத்தினரும் உறவினர்களும் பருகுகின்றனர்.

இறந்தவருடன் உறவைத் தொடரும் ஆன்மீக நம்பிக்கை

மானுடவியலில் இந்த வழக்கம் 'அகநரமாமிச உண்ணல்' (Endocannibalism) என்று அழைக்கப்படுகிறது. ஆனால், யனோமாமி மக்களின் நம்பிக்கையில் இது உணவுக்காகச் செய்யப்படும் செயல் அல்ல. இறந்தவரின் ஆன்மா அமைதியடையவும், அவருடன் குடும்பத்தினரின் பிணைப்பு தொடரவும் இந்தச் சடங்கு நடத்தப்படுகிறது.

வெளியுலக மக்களுக்கு இந்த வழக்கம் வித்தியாசமாகவோ அதிர்ச்சியாகவோ தோன்றலாம். ஆனால், யனோமாமி மக்களைப் பொறுத்தவரை, இறந்தவரைத் தங்களுக்குள் தொடர்ந்து நினைவில் வைத்திருக்கும் புனிதமான வழக்கமாக இது கருதப்படுகிறது. அவர்களது கலாச்சாரம், ஆன்மீக நம்பிக்கை மற்றும் குடும்ப உறவுகளுடன் இந்தச் சடங்கு நெருக்கமாக இணைந்துள்ளது.

இதையும் படிங்க: என்ன தான் நடக்குது? வகுப்பறையில் இடுப்பில் கை வைத்தபடி நடந்து சென்ற 9-ம் வகுப்பு மாணவி! அடுத்த நொடிப்பொழுதில் நடந்த அதிர்ச்சி... பதறவைக்கும் காட்சி..!!!