மைதானத்தின் நடுவே வெட்டப்பட்ட கே.எல். ராகுல் ஜெர்சி! கூட விராட் கோலியும்... அங்கு நடந்தது என்ன..?

இந்தியா - நியூசிலாந்து அணிகள் மோதிய இரண்டாவது ஒருநாள் போட்டிக்கு முன்பு, விக்கெட் கீப்பர் கே.எல். ராகுலின் ஜெர்சி கத்திரிகோலால் வெட்டி சரிசெய்யப்பட்ட வீடியோ சமூக வலைத்தளங்களில் கவனம் பெற்றுள்ளது. மைதானத்தில் விளையாடத் தயாரானபோது ஜெர்சி சௌகரியமாக இல்லை என்பதை உணர்ந்த ராகுல், உடனடியாக சப்போர்ட் ஸ்டாப்பின் உதவியை நாடினார்.

கத்திரிகோலால் ஜெர்சியை சரிசெய்த சப்போர்ட் ஸ்டாப்

போட்டிக்கு முன்பாக விக்கெட் கீப்பிங் பயிற்சியில் ஈடுபட்டிருந்தபோது, ஜெர்சியின் சில பகுதிகள் தனக்குத் தொந்தரவாக இருப்பதை ராகுல் கவனித்தார். இதையடுத்து சப்போர்ட் ஸ்டாப்பை அழைத்து, கத்திரிகோலால் அந்தப் பகுதிகளை வெட்டி சரிசெய்யுமாறு கேட்டுக்கொண்டார். அப்போது விராட் கோலியும் ராகுலுக்கு உதவிய காட்சிகள் இணையத்தில் பகிரப்பட்டு வருகின்றன.

இதையும் படிங்க: என்னா ஒரு ஸ்பீடு...! நியூசி. வீரரின் ஹெல்மட்டையே பதம் பார்த்த பந்து... அர்ஷ்தீப் சிங்கின் அல்ட்ராசிட்டி ஸ்பீட்... விக்கெட் அருகே உடைந்து விழுந்த ஹெல்மெட்..! திகில் வீடியோ...!!!

மழையால் 47 ஓவர்களாகக் குறைக்கப்பட்ட ஆட்டம்

மழை காரணமாகத் தாமதமாகத் தொடங்கிய இந்தப் போட்டியில், இந்திய அணித் தலைவர் சுப்மன் கில் டாஸ் வென்று முதலில் பந்துவீச்சைத் தேர்வு செய்தார். தொடர்ந்து மழை குறுக்கிட்டதால் இரு அணிகளுக்கும் தலா 47 ஓவர்கள் கொண்ட போட்டியாக மாற்றப்பட்டது.

இந்தியப் பந்துவீச்சாளர்களின் சிறப்பான செயல்பாட்டால் நியூசிலாந்து அணி 134 ரன்களுக்கு அனைத்து விக்கெட்டுகளையும் இழந்தது. குர்னூர் பிரார் 4 விக்கெட்டுகளை வீழ்த்தி அசத்தினார்.

தொடரைக் கைப்பற்றும் முனைப்பில் இந்தியா

ஐந்து போட்டிகள் கொண்ட ஒருநாள் தொடரின் முதல் ஆட்டத்தில் இந்திய அணி ஏற்கனவே வெற்றி பெற்றுள்ளது. இதனால் இரண்டாவது போட்டியிலும் வெற்றி பெற்று தொடரில் முன்னிலை அதிகரிக்கும் நோக்கில் இந்திய அணி களமிறங்கியுள்ளது. இதற்கிடையே, ராகுலின் ஜெர்சியைச் சரிசெய்த காட்சிகள் ரசிகர்களிடையே பேசுபொருளாகியுள்ளன.

இதையும் படிங்க: விராட் கோலி களமிறங்கியது ஆரவாரத்தால் அதிர்ந்த அரங்கம்! கிங்குக்கு மைதானத்தில் கிடைத்த வேற லெவல் வரவேற்பு..! வைரல் வீடியோ..!!!