விருந்தினர் சாப்பிடலனா.... நீங்க சாப்பிட வேண்டியது தானே! என் தலையில் ஏன் கட்டுறீங்க! ப்ளீஸ்... அந்த ஐஸ் கிரீம்மை மட்டும் சாப்பிடுங்க! கடைக்காரர் பேசிய நகைச்சுவை வீடியோ!!!

சமூக வலைதளங்களில் ஒவ்வொரு நாளும் புதுமையான மற்றும் நகைச்சுவை கலந்த சம்பவங்கள் வைரலாகி மக்களை கவர்கின்றன. அதில் தற்போது பரவி வரும் ஒரு வைரல் வீடியோ, ஒரு சாதாரண ஐஸ்கிரீம் வாங்குதல் சம்பவத்தை அசாதாரணமாக மாற்றி அனைவரையும் சிரிக்க வைத்துள்ளது.

என்ன நடந்தது?

இன்ஸ்டாகிராமில் @trendingdesh என்ற கணக்கில் பகிரப்பட்டுள்ள இந்த வீடியோவில், ஒரு கடைக்காரர் தனது அனுபவத்தை நகைச்சுவையாக பகிர்ந்து கொள்கிறார். அவர் கையில் இரண்டு ஐஸ்கிரீம் கோன்களை பிடித்தபடி பேசுகிறார். அவரது விளக்கத்தின் படி, ஒரு வாடிக்கையாளர் இரவு 10 மணிக்கு ரூ.45 மதிப்புள்ள ஐஸ்கிரீமை வாங்கிச் சென்றுள்ளார்.

அதிர்ச்சியளித்த திருப்பம்

அதே வாடிக்கையாளர் மறுநாள் காலை 9 மணிக்கு மீண்டும் கடைக்கு வந்து, அந்த ஐஸ்கிரீமை திருப்பிக் கொடுக்க முயற்சிக்கிறார். காரணம் கேட்டபோது, வீட்டிற்கு வந்த விருந்தினர்களுக்காக வாங்கியதாகவும், அவர்கள் அதை சாப்பிடாததால் திருப்பி தர வந்ததாகவும் கூறியுள்ளார். இந்த விசித்திரமான வாடிக்கையாளர் செயல் கடைக்காரரையே குழப்பத்தில் ஆழ்த்தியது.

கடைக்காரரின் நகைச்சுவை பதில்

இதற்கு கடைக்காரர் நக்கலாக, “விருந்தினர்களிடம் கெத்து காட்ட ஐஸ்கிரீம் வாங்கிக்கொண்டு போய், அவர்கள் சாப்பிடவில்லை என்றால் அதை நீங்களே சாப்பிட வேண்டியது தானே? அதை என் தலையில் ஏன் கட்டுறீங்க?” என்று கேலி கலந்து பதிலளித்தார். மேலும், “அந்த விருந்தினர்களை மீண்டும் அழைத்து வந்து இந்த ஐஸ்கிரீமை சாப்பிடச் சொல்லுங்கள்!” எனச் சிரிப்புடன் கூறியதும் வீடியோவின் முக்கிய அம்சமாக மாறியுள்ளது.

இறுதியாக, ஐஸ்கிரீம் சரியாக பேக் செய்யப்பட்டிருந்ததும், அந்த வாடிக்கையாளர் பழக்கமானவராக இருந்ததும் காரணமாக கடைக்காரர் அதை திரும்பப் பெற்றுக்கொண்டார். இந்த சுவாரஸ்யமான ஐஸ்கிரீம் சம்பவம் தற்போது இணையத்தில் பரவலாக பகிரப்பட்டு, நகைச்சுவை உணர்வுடன் மக்கள் மத்தியில் பெரும் வரவேற்பைப் பெற்றுள்ளது.