2015 ஆம் ஆண்டுக்கு பிறகு நடக்கும் அதிசயம்..! ஒரே நேரத்தில் உருவான 5 புயல்கள்... அதில் 3 அதிதீவிர நிலையை எட்டியது! கோரத்தாண்டவமாடும் இயற்கை!!!

பசிபிக் பெருங்கடலில் ஒரே நேரத்தில் 5 புயல்கள் உருவாகியிருப்பது வானிலை ஆய்வாளர்களின் கவனத்தை ஈர்த்துள்ளது. போலோ, சுரிகே, நோலோ, ஓடாலிஸ், ரேச்சல் என உருவாகியுள்ள இந்தப் புயல்களில் 3, அதிதீவிர நிலையை எட்டியுள்ளன. இதனுடன் பசிபிக் மற்றும் அட்லாண்டிக் கடல் பகுதிகளில் 3 குறைந்த காற்றழுத்த தாழ்வு மண்டலங்களும் உருவாகியுள்ளன.

ஒரே நேரத்தில் உருவான 5 புயல்கள்

கிழக்கு பசிபிக் பகுதியில் மெக்சிகோ கடற்கரையை ஒட்டி உருவான போலோ (Polo) புயல் குறுகிய காலத்திலேயே தீவிரமடைந்துள்ளது. மத்திய பசிபிக் பகுதியில் உருவான நோலோ (Nolo), ஹவாய் தீவுகளை நோக்கி நகர்ந்து வருகிறது. மேற்கு பசிபிக் பகுதியில் உருவான சுரிகே (Surigae), அதிதீவிர புயலாக மாறி தைவான் நோக்கி நகர்வதாக தெரிவிக்கப்பட்டுள்ளது.

இதுதவிர, ஓடாலிஸ் (Odalys) மற்றும் ரேச்சல் (Rachel) ஆகிய இரு புயல்களும் நடுத்தரத் தீவிர நிலையில் பதிவாகியுள்ளன. ஒரே கடல் பகுதியில் பல புயல்கள் உருவாவது அவ்வப்போது நிகழ்ந்தாலும், ஒரே நேரத்தில் 3 புயல்கள் தீவிர நிலையை எட்டுவது அரிதாகவே பார்க்கப்படுகிறது.

இதையும் படிங்க: அடி ஆத்தி...! வானத்திலிருந்து பொத்து பொத்துன்னு விழுந்த பாம்புகள்! புயல் காற்றில் மழையோடு வந்த விசித்திர ஆபத்து... நடுங்க வைக்கும் காட்சி!!!

2015-ல் பதிவான அரிய நிகழ்வு

இதற்கு முன்னதாக கடந்த 2015-ம் ஆண்டு மத்திய மற்றும் கிழக்கு பசிபிக் பெருங்கடல் பகுதியில் ஒரே நேரத்தில் 3 அதிதீவிர புயல்கள் உருவானதாகக் கூறப்படுகிறது. தற்போது மீண்டும் அதேபோன்ற அரிய வானிலை நிலை உருவாகியுள்ளது ஆய்வாளர்களின் கவனத்தைப் பெற்றுள்ளது.

கடல் வெப்பநிலை அதிகரிப்பு முக்கிய காரணமா?

பொதுவாக கடல் நீரின் வெப்பநிலை சுமார் 26.5 டிகிரி செல்சியஸுக்கு மேல் இருக்கும்போது, புயல்கள் வலுப்பெற தேவையான நீராவி மற்றும் வெப்ப ஆற்றல் கிடைக்கிறது. தற்போது கடல் வெப்பநிலை அதிகரிப்பு காரணமாக புயல்கள் உருவாகவும், விரைவாக வலுப்பெறவும் சாதகமான சூழல் ஏற்பட்டுள்ளதாக ஆய்வாளர்கள் தெரிவிக்கின்றனர்.

எல் நினோ மற்றும் நீண்டகால உலக வெப்பமயமாதல் போன்ற காரணிகள் கடல் வெப்பநிலையில் தாக்கத்தை ஏற்படுத்துவதாகவும் கூறப்படுகிறது. கடல் நீர் தொடர்ந்து அதிக வெப்பமடையும் சூழலில், சில தாழ்வு மண்டலங்கள் குறுகிய காலத்திலேயே தீவிர புயல்களாக மாறும் வாய்ப்பு அதிகரிக்கலாம். தற்போதைய 5 புயல்களின் நகர்வு மற்றும் தீவிரத்தை வானிலை அமைப்புகள் தொடர்ந்து கண்காணித்து வருகின்றன.

இதையும் படிங்க: அய்யய்யோ... காற்றில் தொங்கியப்படி சாகசம் செய்த நடிகை! திடீரென கை நழுவி 10 மீட்டர் உயரத்திலிருந்து விழுந்த அதிர்ச்சி! அலறித் துடித்த மக்கள்... திக் திக் காட்சி..!!!