அடக்கடவுளே.... கண்ணாடித் தொழிற்சாலையில் கடினமான வேலையால் நடந்த விபரீதம்! ஊதி ஊதி பலூனை போல் மாறிய தொழிலாளி முகம்! இணையத்தை உலுக்கும் காட்சி..!!

உழைப்பின் விலை எவ்வளவு பெரியது என்பதைக் காட்டும் ஒரு மனிதக் கதை தற்போது இணையத்தில் பெரும் கவனம் பெற்றுள்ளது. தெற்கு சீனாவைச் சேர்ந்த ஒரு சாதாரண தொழிலாளியின் வாழ்க்கை, சமூக வலைதளங்களில் வைரலான ஒரு வீடியோவால் உலகம் முழுவதும் பேசப்பட்டு வருகிறது.

கண்ணாடித் தொழிற்சாலையின் கடினமான வேலை

தெற்கு சீனாவில் உள்ள ஒரு கண்ணாடித் தொழிற்சாலையில் 48 வயதான ஜாங் கடந்த பல ஆண்டுகளாக பணியாற்றி வருகிறார். 1,000 டிகிரி செல்சியஸுக்கும் அதிகமான வெப்பத்தில் உருகும் கண்ணாடியை, நீண்ட குழாய் மூலம் ஊதி வடிவமைப்பதே அவரது தினசரி வேலை. இந்தப் பணிக்கு மிகுந்த உடல் சக்தியும், தொடர்ச்சியான உழைப்பும் அவசியமாகும்.

உழைப்பால் மாறிய முகத் தோற்றம்

பல ஆண்டுகளாக தொடர்ந்து ஊதி வேலை செய்ததன் விளைவாக, ஜாங் முகத் தசைகள் வழக்கத்திற்கு மாறாக விரிவடைந்துள்ளன. வேலை செய்யும் போது அவரது கன்னங்கள் பலூன் போல வீங்குவது பார்ப்பவர்களை ஆச்சரியப்படுத்துகிறது. இதனால் சக ஊழியர்கள் அவரை நகைச்சுவையாக பிக் மவுத் பிரதர் என அழைக்க, ஜாங் தன்னை தவளை இளவரசர் என்று சிரித்தபடியே சொல்லிக்கொள்கிறார்.

இதையும் படிங்க: கண்கவர் காட்சி! சிறிய பிளாஸ்டிக் துகள்கள் வண்ணமயமான பாயாக மாறுவது எப்படின்னு பாருங்க! பாயை நெய்யும் ராட்சத இயந்திரம்.... வைரல் வீடியோ!

வைரலான வீடியோ மற்றும் மக்களின் நெகிழ்ச்சி

ஜாங் வேலை செய்யும் வீடியோ சமூக வலைதளங்களில் வைரலானதைத் தொடர்ந்து, பலரும் தங்களது கருத்துகளைப் பகிர்ந்து வருகின்றனர். ஆரம்பத்தில் சாதாரண முகத்தோற்றம் கொண்ட அவர், குடும்பத்தை வாழ்விப்பதற்காக மேற்கொண்ட கடின உழைப்பே இன்று அவரது தோற்றத்தை மாற்றியுள்ளதாகப் பலர் குறிப்பிட்டு வருகின்றனர்.

"இவரது தோற்றத்தைப் பார்த்து சிரிப்பதற்குப் பதிலாக, இவ்வளவு காலம் அவர் செய்த உழைப்பை நினைத்து வியக்கிறேன்" என பயனர்கள் உருக்கமாக பதிவிட்டு வருகின்றனர். ஒரு சாதாரண தொழிலாளியின் அர்ப்பணிப்பு மற்றும் உழைப்பின் அடையாளமாக, ஜாங் வீடியோ இன்று உழைப்பின் சின்னமாக இணையத்தில் பெரும் விவாதத்தையும் பாராட்டையும் பெற்றுள்ளது.

இதையும் படிங்க: அனகோண்டா பாம்பின் வாய்க்குள் சிக்கிய தலை! 15 வினாடி மரண போராட்டம்..... அதிர்ச்சி வீடியோ!