நடிகர் விஜயே சொல்லிட்டாரு! இனி கவலையில்லை...இது முழுக்க முழுக்க அண்ணன் தம்பி பொங்கல் தான்! அரங்கமே அதிரும் அளவுக்கு கொண்டாடுங்க....!

தமிழ் சினிமாவில் பொங்கல் வெளியீடுகள் என்றாலே எதிர்பார்ப்பு உச்சத்தில் இருக்கும். அந்த எதிர்பார்ப்பை மேலும் உயர்த்தும் வகையில், சமீபத்தில் நடந்த ஒரு இசை வெளியீட்டு விழா ரசிகர்களிடையே பெரும் கவனத்தை ஈர்த்துள்ளது.

பராசக்தி இசை வெளியீட்டு விழா

சுதா கொங்கரா இயக்கத்தில் நடிகர் சிவகார்த்திகேயன் ஜெயம் ரவி, அதர்வா மற்றும் ஸ்ரீலீலா நடிப்பில் உருவாகியுள்ள 'பராசக்தி' திரைப்படத்தின் இசை வெளியீட்டு விழா சென்னையில் உள்ள தனியார் கல்லூரியில் கோலாகலமாக நடைபெற்றது. இந்த விழாவில் சிவகார்த்திகேயன் பேசிய கருத்துகள் ரசிகர்களை உற்சாகத்தில் ஆழ்த்தின.

பொங்கல் மோதல் குறித்து எஸ்கே

விழாவில் பேசிய சிவகார்த்திகேயன், ஆரம்பத்தில் தீபாவளி வெளியீடாக திட்டமிடப்பட்ட பராசக்தி, விஜய் நடிக்கும் படம் அக்டோபரில் வரவுள்ளதாகத் தகவல் வந்ததால் பொங்கலுக்கு மாற்றப்பட்டதாக கூறினார். ஆனால் பின்னர் ஜனநாயகன் படமும் பொங்கலுக்கே தள்ளிப்போனது தனக்கு அதிர்ச்சியான தருணமாக இருந்ததாக அவர் பகிர்ந்தார்.

இதையும் படிங்க: #சற்றுமுன் : விஜயின் ஜனநாயகன் போஸ்டரில் சர்ப்ரைஸ்.. ரசிகர்கள் படுகுஷி.!

விஜயின் பெருந்தன்மை

தேதி மாற்றம் குறித்து மனதில் குழப்பம் இருந்ததால் விஜயின் மேலாளர் ஜெகதீஷை தொடர்புகொண்டதாக கூறிய சிவகார்த்திகேயன், விஜய் பெருந்தன்மையுடன் “பொங்கலுக்கு சூப்பராக வரட்டும், எஸ்கே-க்கு என் வாழ்த்துகள்” என்று தெரிவித்ததாக நெகிழ்ச்சியுடன் கூறினார். அந்த வார்த்தைகள் தான் தன்னை மனநிம்மதி அடையச் செய்ததாகவும் அவர் குறிப்பிட்டார்.

அண்ணன் – தம்பி பொங்கல்

“33 ஆண்டுகளாக விஜய் அண்ணா நம்மை மகிழ்வித்து வருகிறார். ஜனவரி 9-ம் தேதி ஜனநாயகன் படத்தை கொண்டாடுங்கள்; அடுத்த நாள் ஜனவரி 10-ம் தேதி பராசக்தியை கொண்டாடுங்கள். இந்தப் பொங்கல் முழுக்க முழுக்க அண்ணன்–தம்பி பொங்கல் தான்” என சிவகார்த்திகேயன் கூறியபோது அரங்கமே கரவொலியில் அதிர்ந்தது.

இதனுடன், இன்று மாலை தொலைக்காட்சியில் ஜனநாயகன் ஆடியோ விழாவும், யில் பராசக்தி விழாவும் ஒளிபரப்பாக உள்ளதால் ரசிகர்களுக்கு இரட்டை விருந்து காத்திருக்கிறது. இந்த பொங்கல், போட்டியை விட நட்பையும் கொண்டாட்டத்தையும் முன்னிறுத்தும் சினிமா திருவிழாவாக அமையப் போவதாக ரசிகர்கள் உற்சாகமாக எதிர்பார்க்கின்றனர்.

இதையும் படிங்க: விஜய் மகன் ஜேசன் சஞ்சய் டைரக்‌ஷனில் உருவான சிக்மா படத்தில் இப்படி ஒரு சம்பவம் நடக்கப் போகுதா? சினிமாவில் விபரீத ஆசையில் விஜய் மகன்!