" இப்படி ஒருத்தன் கூட என் பேத்தி எப்படி டா குடும்பம் நடத்துவா..? ஒரு நொடி ஆத்திரத்தில் மருமகன் செய்த கொடூரம்! பகீர் பின்னணி.!!!

கள்ளக்குறிச்சி மாவட்டம் கல்வராயன் மலைப் பகுதியில் உள்ள புதூர் கிராமத்தில் முதிய தம்பதியர் கொலை செய்யப்பட்ட சம்பவம் பரபரப்பை ஏற்படுத்தியுள்ளது. பேத்தியின் குடும்ப பிரச்சினையைத் தொடர்ந்து ஏற்பட்ட வாக்குவாதம் திடீரென வன்முறையாக மாறியதாக தகவல். சம்பவத்திற்குப் பிறகு தலைமறைவான மருமகனை போலீசார் கைது செய்துள்ளனர்.

குடும்ப தகராறு பின்னணி

புதூர் கிராமத்தைச் சேர்ந்த ராமசாமி (70), இரண்டாவது மனைவி பொன்னம்மாளுடன் (67) காட்டுக்கொட்டை பகுதியில் வசித்து வந்தார். இவரது பேத்தி மேகலா, பெருக்கஞ்செடி கிராமத்தைச் சேர்ந்த சதீஷுடன் திருமணம் செய்து கொண்டார். தொடக்கத்தில் சீராக இருந்த வாழ்க்கை, பின்னர் சதீஷின் மதுப்பழக்கத்தால் பாதிக்கப்பட்டதாக கூறப்படுகிறது. இதனால் ஏற்பட்ட குடும்ப தகராறு காரணமாக மேகலா கணவரை விட்டு தாத்தா வீட்டில் தங்கியிருந்தார்.

இதையும் படிங்க: எனக்கு அவன் தான் வேணும்.... நீ வேணாம்! கள்ளக்காதலனுடன் சேர்ந்து மனைவி போட்ட மாஸ்டர் பிளான்! தூக்க மாத்திரை முதல் கழுத்து நெரிப்பு வரை.... இறுதியில் போட்ட பலே நாடகம்! அதிர்ச்சி சம்பவம்!!!

அம்மிக்கல்லால் தாக்கி இரட்டை கொலை

தகவலின்படி, கடந்த 24-ஆம் தேதி சதீஷ் ராமசாமியின் வீட்டிற்கு வந்து மேகலாவை பற்றி கேட்டுள்ளார். இதையடுத்து ஏற்பட்ட வாக்குவாதத்தில், ராமசாமி சதீஷை கண்டித்ததாக தெரிகிறது. அதனால் ஆத்திரமடைந்த அவர், வீட்டில் இருந்த அம்மிக்கல்லை எடுத்து ராமசாமி மற்றும் பொன்னம்மாளின் தலையில் தாக்கினார். இருவரும் சம்பவ இடத்திலேயே உயிரிழந்தனர். இந்த இரட்டை கொலை அந்த பகுதியை அதிர்ச்சியில் ஆழ்த்தியது.

தப்பியோடிய மருமகன் கைது

இதையடுத்து கரியாலூர் காவல்துறையினர் உடனடியாக சம்பவ இடத்துக்கு சென்று விசாரணை மேற்கொண்டனர். உடல்கள் கள்ளக்குறிச்சி அரசு மருத்துவமனைக்கு அனுப்பப்பட்டன. தலைமறைவான சதீஷை பிடிக்க தனிப்படை அமைக்கப்பட்டு சேலம், ஆத்தூர், கருமந்துறை பகுதிகளில் தேடுதல் நடத்தப்பட்டது. பின்னர் தர்மபுரி மாவட்டத்தில் பதுங்கியிருந்த அவரை போலீசார் சுற்றி வளைத்து கைது செய்தனர். தொடர்ந்து விசாரணை நடைபெற்று வருகிறது.

இதையும் படிங்க: மாமியார் உயிருடன் இருக்கும் வரை.... அந்த விஷயம் நடக்காது! மனைவிக்காக காத்திருந்த கணவனின் வெறிச்செயல்! பழனி அருகே நடந்த பகீர் சம்பவம்!!!