5 முனைப் போட்டியால் அனல் பறக்கும் பிரச்சாரம்! மொத்தமா மாறப்போகுது தவெக பிளான்... ஆளுங்கட்சிக்கு காத்திருக்கும் பெரும் சவால்..!!!

தமிழகத்தில் மதுராந்தகம், தாராபுரம் ஆகிய 2 சட்டமன்றத் தொகுதிகளுக்கான இடைத்தேர்தல் அக்டோபர் 6-ஆம் தேதி நடைபெறுகிறது. இரு தொகுதிகளிலும் தவெக, திமுக, அதிமுக, நாம் தமிழர் கட்சி, இடதுசாரிகள் என முக்கிய கட்சிகள் களத்தில் உள்ளன. இறுதி வேட்பாளர் பட்டியலின்படி மதுராந்தகத்தில் 27 பேரும், தாராபுரத்தில் 22 பேரும் போட்டியிடுகின்றனர்.

இரு தொகுதிகளிலும் தவெக வேட்பாளர்கள்

மதுராந்தகம் தொகுதியில் தவெக சார்பில் மரகதம் குமரவேலும், தாராபுரத்தில் சத்தியபாமாவும் போட்டியிடுகின்றனர். இருவரும் கடந்த சட்டமன்றத் தேர்தலில் அதிமுக சார்பில் வெற்றி பெற்ற நிலையில், பின்னர் எம்.எல்.ஏ பதவியை ராஜினாமா செய்து தவெகவில் இணைந்தனர். இதையடுத்து காலியான இரு தொகுதிகளுக்கும் தற்போது இடைத்தேர்தல் நடைபெறுகிறது.

இதையும் படிங்க: மதுரையில் வரப்போகும் மாபெரும் மாற்றம்... CM விஜய்யின் மாஸ் பிளான்! சிடிஆருக்கு செக் வைக்கப்போவது யார்? ஷாக்கிங் தகவல்..!!!

5 முனைப் போட்டியில் அனல் பறக்கும் பிரசாரம்

தாராபுரத்தில் சத்தியபாமாவை எதிர்த்து திமுக சார்பில் சுகன்யா, அதிமுக சார்பில் பானுமதி, நாம் தமிழர் கட்சி சார்பில் கார்த்திகா, இந்திய கம்யூனிஸ்ட் கட்சி சார்பில் லட்சுமணன் ஆகியோர் களத்தில் உள்ளனர். மதுராந்தகத்திலும் தவெக, திமுக, அதிமுக, நாம் தமிழர் கட்சி மற்றும் இடதுசாரிகள் இடையே போட்டி உருவாகியுள்ளது.

தாராபுரத்தில் விஜய் பிரசாரம்

தேர்தல் நெருங்கும் நிலையில் இரு தொகுதிகளிலும் கட்சிகள் தீவிர வாக்கு சேகரிப்பில் ஈடுபட்டு வருகின்றன. குறிப்பாக தாராபுரத்தில் தவெக வேட்பாளர் சத்தியபாமாவை ஆதரித்து அக்கட்சியின் தலைவரும் முதலமைச்சருமான விஜய் செப்டம்பர் 30-ஆம் தேதி பிரசாரம் மேற்கொள்கிறார். இதற்காக மாருதி நகர் பகுதியில் பொதுக்கூட்டத்துக்கான ஏற்பாடுகள் செய்யப்பட்டுள்ளன; அனுமதி பெற்ற 5,000 பேருக்கு மட்டும் நேரடியாக பங்கேற்க அனுமதி வழங்கப்பட்டுள்ளதாக கட்சி நிர்வாகம் தெரிவித்துள்ளது.

இதனால் தாராபுரம் தொகுதியில் தேர்தல் பிரசாரம் மேலும் தீவிரமடைந்துள்ளது. மதுராந்தகம், தாராபுரம் ஆகிய இரு தொகுதிகளிலும் அக்டோபர் 6-ஆம் தேதி வாக்குப்பதிவு நடைபெற உள்ள நிலையில், அக்டோபர் 9-ஆம் தேதி வாக்குகள் எண்ணப்பட உள்ளன.

இதையும் படிங்க: இடைத்தேர்தல் நேரத்தில் அமைச்சரவையில் நடக்கும் மாற்றம்...! சிக்கலில் சிக்கிய 3 மூத்த அமைச்சர்கள்..? CM விஜய்யின் முடிவால் பரபரப்பில் தவெக..!!!