மதுரையில் வரப்போகும் மாபெரும் மாற்றம்... CM விஜய்யின் மாஸ் பிளான்! சிடிஆருக்கு செக் வைக்கப்போவது யார்? ஷாக்கிங் தகவல்..!!!

மதுராந்தகம், தாராபுரம் இடைத்தேர்தல் முடிவுகள் அக்டோபர் 9-ஆம் தேதி வெளியாக உள்ள நிலையில், அதன்பிறகு தமிழக வெற்றிக் கழகத்தின் அமைச்சரவையில் மாற்றம் செய்ய முதல்வர் விஜய் திட்டமிட்டுள்ளதாக தகவல் வெளியாகியுள்ளது. ஏற்கெனவே அமைச்சரவை மாற்றம் குறித்து ஆலோசனைகள் நடைபெற்று வந்ததாக கூறப்படும் நிலையில், சில அமைச்சர்களின் பதவிகள் மாற்றப்படலாம் என்ற எதிர்பார்ப்பு எழுந்துள்ளது.

இடைத்தேர்தல் முடிவுக்குப் பிறகு அமைச்சரவை மாற்றம்?

விஜய்யின் லண்டன் பயணத்திற்கு முன்பிருந்தே அமைச்சரவை மாற்றம் தொடர்பான விவாதங்கள் நடந்ததாக கட்சி வட்டாரங்கள் தெரிவிக்கின்றன. சர்ச்சைகளில் சிக்கியவர்கள் மற்றும் எதிர்பார்த்த அளவுக்கு செயல்படாதவர்கள் மீது மாற்று நடவடிக்கை எடுக்கப்படலாம் என கூறப்படுகிறது. அதேபோல், தற்போது விஜய்யின் கட்டுப்பாட்டில் உள்ள நகராட்சி மற்றும் குடிநீர் வழங்கல் துறை வேறொரு அமைச்சரிடம் ஒப்படைக்கப்பட வாய்ப்புள்ளதாகவும் தகவல்கள் வெளியாகியுள்ளன.

இதையும் படிங்க: இடைத்தேர்தல் நேரத்தில் அமைச்சரவையில் நடக்கும் மாற்றம்...! சிக்கலில் சிக்கிய 3 மூத்த அமைச்சர்கள்..? CM விஜய்யின் முடிவால் பரபரப்பில் தவெக..!!!

இதனிடையே விஜய் பாலாஜி, ஜெகதீஸ்வரி, தென்னரசு, வினோத் உள்ளிட்ட சிலரின் அமைச்சர் பதவிகள் மாற்றப்படலாம் அல்லது அவர்கள் அமைச்சரவையில் இருந்து நீக்கப்படலாம் என்ற தகவலும் அரசியல் வட்டாரத்தில் பேசப்படுகிறது. எனினும், இதுதொடர்பாக தவெக தரப்பில் அதிகாரப்பூர்வ அறிவிப்பு எதுவும் வெளியாகவில்லை.

மதுரைக்கு புதிய அமைச்சர் வருவாரா?

இந்த மாற்றத்தில் மதுரைக்கு கூடுதல் பிரதிநிதித்துவம் வழங்கப்படலாம் என்ற பேச்சும் முக்கியத்துவம் பெற்றுள்ளது. மதுரை மாநகராட்சி எல்லைக்குள் இருந்து தவெக சார்பில் ஒருவர் அமைச்சராக நியமிக்கப்படலாம் என கூறப்படுகிறது. குறிப்பாக, கட்சியின் ஆரம்பகால நிர்வாகிகளான கல்லாணை மற்றும் தங்கப்பாண்டி ஆகியோரில் ஒருவருக்கு வாய்ப்பு கிடைக்கலாம் என்ற எதிர்பார்ப்பு நிலவுகிறது.

கல்லாணை மற்றும் தங்கப்பாண்டி இருவரும் மதுரையில் தவெக சார்பில் வெற்றி பெற்றவர்கள். கட்சியின் தொடக்க காலப் பணிகளில் இருவரும் தொடர்ந்து செயல்பட்டு வந்ததாக அவர்களது ஆதரவாளர்கள் தெரிவிக்கின்றனர். தங்கப்பாண்டி, விஜய்யுடன் ஆரம்பகாலம் முதலே பயணித்து வருபவர் என்றும், ‘வேலாயுதம்’ திரைப்பட ஆடியோ வெளியீட்டு விழா உள்ளிட்ட நிகழ்வுகளில் நேரடியாகப் பணியாற்றியவர் என்றும் கூறப்படுகிறது. மறுபுறம், கல்லாணை, தவெக பொதுச்செயலாளர் புஸ்ஸி ஆனந்துக்கு நெருக்கமானவர் என்பதால் அவருக்கும் வாய்ப்பு இருப்பதாக கட்சி வட்டாரத்தில் பேசப்படுகிறது.

மதுரையில் புதிய அதிகார மையம் உருவாகுமா?

மதுரை மாநகராட்சி பகுதிகளில் தவெகவின் அமைப்பை மேலும் வலுப்படுத்தும் வகையில் புதிய அதிகார மையத்தை உருவாக்க கட்சி தலைமை திட்டமிட்டுள்ளதாகவும் தகவல்கள் தெரிவிக்கின்றன. இதன் ஒரு பகுதியாக மாநகராட்சி எல்லைக்குள் இருந்து மற்றொரு அமைச்சரை நியமிக்கலாம் என கூறப்படுகிறது.

அமைச்சர் சி.டி.ஆர். நிர்மல்குமாரின் செயல்பாடுகள் தொடர்பாக பல்வேறு புகார்கள் விஜய்யின் கவனத்துக்கு சென்றுள்ளதாகவும் அரசியல் வட்டாரங்கள் கூறுகின்றன. குறிப்பாக, மீனாட்சியம்மன் கோயில் அறங்காவலர் குழு விவகாரம் தொடர்பாகவும் புகார்கள் எழுந்ததாக தகவல்கள் வெளியாகியுள்ளன. இதற்கிடையே, சமீபத்தில் மீனாட்சியம்மன் கோயிலுக்கு சென்ற விஜய், பி.டி.ஆர். பழனிவேல் தியாகராஜனின் தாயார் ருக்மணியிடம் ஆசி பெற்றது அரசியல் வட்டாரத்தில் கவனம் பெற்றது.

இடைத்தேர்தல் முடிவுகள் வெளியான பின்னர் அமைச்சரவையில் மேற்கொள்ளப்பட உள்ளதாக கூறப்படும் மாற்றங்கள் குறித்தே தற்போது தவெக வட்டாரத்தில் எதிர்பார்ப்பு அதிகரித்துள்ளது. குறிப்பாக மதுரைக்கு யாருக்கு அமைச்சர் பதவி கிடைக்கும் என்பதும், தற்போதுள்ள அமைச்சர்களின் இலாகாக்களில் என்னென்ன மாற்றங்கள் செய்யப்படும் என்பதும் அதிகாரப்பூர்வ முடிவுக்குப் பிறகே தெளிவாகும்.

இதையும் படிங்க: இடைத்தேர்தல் நேரத்தில் அமைச்சரவையில் நடக்கும் மாற்றம்...! சிக்கலில் சிக்கிய 3 மூத்த அமைச்சர்கள்..? CM விஜய்யின் முடிவால் பரபரப்பில் தவெக..!!!