BREAKING: 5 சட்டமன்ற தொகுதிகள் இடைத்தேர்தல்... காலையிலேயே வெளியான முக்கிய தகவல்!!!

தமிழகத்தில் காலியாக உள்ள திருச்சி கிழக்கு, கரூர், விராலிமலை, பெருந்துறை, அம்பாசமுத்திரம் ஆகிய 5 சட்டமன்றத் தொகுதிகளுக்கு டிசம்பர் மாதத்தில் இடைத்தேர்தல் நடைபெறுமா என்ற எதிர்பார்ப்பு அரசியல் களத்தில் அதிகரித்துள்ளது. இதுதொடர்பான வழக்கில் சென்னை உயர்நீதிமன்றத்தில் அனைத்து தரப்பு வாதங்களும் முடிந்துள்ளன. தீர்ப்பு தற்போது தள்ளிவைக்கப்பட்டுள்ளது.

நீதிமன்ற தீர்ப்பை எதிர்நோக்கும் 5 தொகுதிகள்

இந்த 5 தொகுதிகளிலும் இடைத்தேர்தல் நடத்துவதற்கு தடை விதிக்கக் கோரி சென்னை உயர்நீதிமன்றத்தில் பொதுநல வழக்கு தொடரப்பட்டது. வழக்கின் விசாரணையில் அனைத்து தரப்பு வாதங்களும் நிறைவடைந்த நிலையில், நீதிமன்றம் தீர்ப்பை ஒத்திவைத்துள்ளது. இம்மாத இறுதிக்குள் இறுதித் தீர்ப்பு வெளியாகும் என எதிர்பார்க்கப்படுகிறது.

இதையும் படிங்க: BREAKING: போடு வெடிய... தவெகவுக்கு கிடைத்த மாநில கட்சி அங்கீகாரம்! கட்சியின் அதிகாரப்பூர்வ சின்னமாக 'விசில் '.... சற்றுமுன் தேர்தல் ஆணையம் அறிவிப்பு!!!

தேர்தல் ஆணையம் ஆரம்பகட்ட பணிகள்

நீதிமன்றத்தின் முடிவை எதிர்நோக்கியுள்ள இந்தியத் தேர்தல் ஆணையம், இடைத்தேர்தல் நடத்த வேண்டிய சூழல் ஏற்பட்டால் மேற்கொள்ள வேண்டிய முதற்கட்ட பணிகளை திட்டமிட்டு வருவதாக தகவல்கள் வெளியாகியுள்ளன. வாக்காளர் பட்டியல், வாக்குச்சாவடிகள் உள்ளிட்ட தேர்தல் ஏற்பாடுகள் தொடர்பான பணிகளும் கவனத்தில் கொள்ளப்பட்டு வருகின்றன.

டிசம்பர் தேர்தலை குறிவைக்கும் கட்சிகள்

நீதிமன்றம் இடைத்தேர்தலுக்கு அனுமதி அளிக்கும் பட்சத்தில், டிசம்பரில் தேர்தல் அறிவிப்பு வெளியாக வாய்ப்புள்ளதாக கூறப்படுகிறது. இதனால் முக்கிய அரசியல் கட்சிகள் 5 தொகுதிகளிலும் தங்களது நிலவரத்தை கணக்கிடத் தொடங்கியுள்ளன. வேட்பாளர் தேர்வு, கூட்டணி நிலைப்பாடு உள்ளிட்ட திரைமறைவு ஆலோசனைகளும் தீவிரமடைந்து வருவதாக அரசியல் வட்டாரங்களில் பேசப்படுகிறது.

இந்நிலையில், சென்னை உயர்நீதிமன்றத்தின் தீர்ப்பு இந்த இடைத்தேர்தல்களின் அடுத்தகட்ட நடவடிக்கைகளுக்கு முக்கியமானதாக இருக்கும். நீதிமன்ற உத்தரவு வெளியான பிறகே டிசம்பர் தேர்தல் குறித்த அதிகாரப்பூர்வ நிலவரம் தெளிவாகும்.

இதையும் படிங்க: BREAKING: திடீர் ட்விஸ்ட்... தாராபுரம் இடைத்தேர்தல் கருத்துக்கணிப்பில் அதிர்ச்சி! பரபரப்பில் அரசியல் களம்..!!!