இனி இதுதான் நடக்கப்போகுதா? ராகுல் - விஜய் இணையும் புதிய கூட்டணி.... அடுத்தக்கட்ட அரசியல் ஆலோசனை! தலைகீழாக மாறப்போகும் தமிழக அரசியல்..!!!

காங்கிரஸ் மூத்த தலைவர் ராகுல் காந்தி ஆகஸ்ட் 1-ஆம் தேதி சென்னை வரவுள்ளதாக அறிவிக்கப்பட்டுள்ள நிலையில், அவரது பயணம் தமிழக அரசியல் வட்டாரங்களில் கவனத்தை ஈர்த்துள்ளது. காங்கிரஸ் நிர்வாகிகள் பயிற்சி முகாமின் நிறைவு விழாவில் பங்கேற்பதற்காக அவர் வரவுள்ள நிலையில், அதனைத் தாண்டியும் பல்வேறு அரசியல் ஆலோசனைகள் நடைபெறக்கூடும் என்ற எதிர்பார்ப்பு உருவாகியுள்ளது.

காங்கிரஸ் நிகழ்ச்சியில் பங்கேற்கும் ராகுல்

சென்னையில் நடைபெறும் காங்கிரஸ் மாவட்டத் தலைவர்களுக்கான 10 நாள் பயிற்சி முகாமின் நிறைவு நிகழ்ச்சியில் ராகுல் காந்தி கலந்துகொள்ள உள்ளார். கட்சி நிர்வாகிகளை உற்சாகப்படுத்தும் வகையில் இந்த நிகழ்ச்சி ஏற்பாடு செய்யப்பட்டிருந்தாலும், அவரது சென்னை வருகையைச் சுற்றியே அரசியல் வட்டாரங்களில் பல்வேறு விவாதங்கள் எழுந்துள்ளன.

இதையும் படிங்க: ஜூன் 26 இல் திமுக-வுக்கு காத்திருக்கும் அதிர்ச்சி! வைகோ எடுக்கப்போகும் 'அந்த' ஒரு முடிவு.... தாயகத்தில் இருந்து கசிந்த தகவல்!!!

விஜய் - ராகுல் சந்திப்பு நடைபெறுமா?

ராகுல் காந்தி, தமிழக முதல்வர் விஜய்யை சந்திக்க வாய்ப்புள்ளதாக அரசியல் வட்டாரங்களில் பேசப்படுகிறது. சமீபத்திய சட்டமன்றத் தேர்தலுக்குப் பிறகு உருவான புதிய அரசியல் சூழலில், காங்கிரஸ் மற்றும் தவெக இடையேயான உறவு மேலும் வலுப்பெற்றுள்ளதாக கூறப்படுகிறது. முதல்வர் விஜய்யின் பதவியேற்பு விழாவில் ராகுல் காந்தி பங்கேற்றதும், பின்னர் இரு தரப்பினரும் பரஸ்பர ஆதரவை வெளிப்படுத்தியதும் இந்த எதிர்பார்ப்புக்கு காரணமாகக் கூறப்படுகிறது.

அடுத்தகட்ட அரசியல் ஆலோசனைகளுக்கு வாய்ப்பு

சமீபத்திய அரசியல் நிகழ்வுகளைத் தொடர்ந்து, தேசிய மற்றும் மாநில அரசியல் தொடர்பான அடுத்தகட்ட நடவடிக்கைகள் குறித்து இரு தலைவர்களும் ஆலோசிக்கக்கூடும் என தகவல்கள் தெரிவிக்கின்றன. மேலும், தவெக - காங்கிரஸ் இணைந்து செயல்படுவது தொடர்பான அரசியல் திட்டங்கள், கூட்டணி அமைப்பு மற்றும் எதிர்கால தேர்தல் வியூகங்கள் குறித்தும் பேச்சுவார்த்தை நடைபெறலாம் என்ற எதிர்பார்ப்பு நிலவுகிறது.

2029 மக்களவைத் தேர்தலை முன்னிட்டு தென் மாநிலங்களில் காங்கிரஸின் அரசியல் வலிமையை அதிகரிப்பது மற்றும் தமிழகத்தில் புதிய அரசியல் சமன்பாடுகளை உருவாக்குவது உள்ளிட்ட அம்சங்களும் இந்தச் சந்திப்பில் பேசப்படலாம் என அரசியல் நோக்கர்கள் கருதுகின்றனர். இருப்பினும், இந்தச் சந்திப்பு மற்றும் அதில் விவாதிக்கப்படும் அம்சங்கள் குறித்து இதுவரை அதிகாரப்பூர்வ தகவல் வெளியாகவில்லை.

இதையும் படிங்க: அரசியலில் அடுத்த குண்டு.... செல்வப்பெருந்தகை பதவி ராஜினாமா? பாய்ந்து வந்த மாணிக்கம் தாகூர்.. வெடித்த பூகம்பத்தால் பரபரக்கும் தமிழக அரசியல்.!!!