விஜய்யின் சட்டமன்ற ஆக்‌ஷன் முதல் கில்லி கபடி வரை.. சென்னையில் அசத்தும் விநாயகர் சிலைகள்! வைரலாகும் வீடியோ..!!!

சென்னை மாநகரில் விநாயகர் சதுர்த்தி விழா களைகட்டியுள்ள நிலையில், பல்வேறு பகுதிகளில் வித்தியாசமான வடிவங்களிலும், கருப்பொருள்களிலும் விநாயகர் சிலைகள் அமைக்கப்பட்டுள்ளன. வழக்கமான அலங்காரங்களைத் தாண்டி, மக்களின் கவனத்தை ஈர்க்கும் வகையில் உருவாக்கப்பட்டுள்ள இந்தச் சிலைகள் பொதுமக்கள் மற்றும் பக்தர்களிடையே வரவேற்பைப் பெற்றுள்ளன.

குறிப்பாக, சில இடங்களில் முதலமைச்சர் விஜய்யின் தோற்றம் மற்றும் அரசியல் பாணியை பிரதிபலிக்கும் வகையில் விநாயகர் சிலைகள் வடிவமைக்கப்பட்டுள்ளன. சட்டமன்றத்தில் விஜய் சைகை காட்டும் தோற்றத்தைப் போன்ற அமைப்பிலும், கில்லி கபடி வீரர் தோற்றத்திலும் உருவாக்கப்பட்டுள்ள சிலைகள் பார்வையாளர்களை வெகுவாகக் கவர்ந்துள்ளன.

நடிகர், அரசியல் தலைவர், முதலமைச்சர்... ட்ரெண்டிங் சைகையுடன் முதலமைச்சர் விஜய்யின் கெட்டப்பில் விநாயகர் சிலைகள்.. திரும்பி பார்க்க வைத்த ரசிகர்கள்..!

இதையும் படிங்க: விநாயகர் சதுர்த்தி முடிந்து சென்னை திரும்புவோருக்கு குட்நியூஸ்!.. சிறப்பு ரயில் அறிவிப்பு!

 

#VinayagarChathurthi | #Chennai | #CMVijay | #VinayagarStatue | #PolimerNews https://t.co/rBAaFyX17U

— Polimer News (@polimernews) September 14, 2026

கொருக்குப்பேட்டை பகுதியில் தளபதி கெட்டப்பை மையமாகக் கொண்டு உருவாக்கப்பட்டுள்ள விநாயகர் சிலைகள் தனி கவனம் பெற்றுள்ளன. அதேபோல், திருவல்லிக்கேணி பகுதியில் ‘மார்க்கெட் ராஜா’, ‘Don of Triplicane’ உள்ளிட்ட வித்தியாசமான பெயர்களுடன் கூடிய விநாயகர் சிலைகள் அமைக்கப்பட்டுள்ளன. இதனால் அந்தப் பகுதிகளில் விழாக்கோலம் மேலும் களைகட்டியுள்ளது.

விநாயகர் சதுர்த்தியை முன்னிட்டு சென்னையின் பல்வேறு பகுதிகளில் இதுபோன்ற புதுமையான சிலைகள் அமைக்கப்பட்டுள்ள நிலையில், அவற்றை பொதுமக்கள் ஆர்வத்துடன் பார்வையிட்டு வருகின்றனர். பாரம்பரிய பக்தியுடன் நவீன கருத்துகளையும் இணைத்து உருவாக்கப்பட்டுள்ள இந்த விநாயகர் சிலைகள், இந்தாண்டு சதுர்த்தி விழாவை இன்னும் சிறப்பாக்கியுள்ளது.

இதையும் படிங்க: சிதம்பரம் அருகே அம்பேத்கர் சிலை சேதம்.. போராட்டம் எதிரொலி.. போலீசார் குவிப்பு!