அதிமுகவின் அனைத்து பொறுப்பிலிருந்தும் விலகுவதாக அறிவித்த முக்கிய புள்ளி! நிலைமை ரொம்ப மோசமா போகுது... அதிர்ச்சியில் எடப்பாடி..!!!

அதிமுகவின் மூத்த நிர்வாகியும், முன்னாள் எம்பியுமான பி. வேணுகோபால் கட்சியில் இருந்து விலகுவதாக அறிவித்திருப்பது அரசியல் வட்டாரத்தில் பரபரப்பை ஏற்படுத்தியுள்ளது. தற்போதைய கட்சி தலைமை செயல்பாடு குறித்து அவர் வெளிப்படையாக அதிருப்தி தெரிவித்துள்ளதும் கவனத்தை ஈர்த்துள்ளது. குறிப்பாக திருவள்ளூர் மாவட்ட அதிமுக நிர்வாகிகள் மற்றும் தொண்டர்கள் மத்தியில் இந்த அறிவிப்பு அதிர்ச்சியை ஏற்படுத்தியுள்ளது.

இருமுறை எம்பியாக இருந்தவர்

திருவள்ளூர் மக்களவைத் தொகுதியில் அதிமுக சார்பில் போட்டியிட்டு 2009 மற்றும் 2014 தேர்தல்களில் தொடர்ந்து இருமுறை வெற்றி பெற்றவர் பி. வேணுகோபால். நாடாளுமன்றத்தில் அதிமுக குழுத் தலைவராகவும் அவர் செயல்பட்டுள்ளார். அதோடு, மத்திய கிராமப்புற வளர்ச்சித் துறை நிலைக்குழு மற்றும் பார்லிமென்ட் நிலைக்குழு தலைவர் உள்ளிட்ட முக்கிய பொறுப்புகளையும் வகித்தவர்.

கட்சியின் முக்கிய முகங்களில் ஒருவராக கருதப்பட்ட அவர், பல ஆண்டுகளாக அதிமுகவில் தீவிரமாக செயல்பட்டு வந்தார். இதனால் அவரது விலகல் முடிவு கட்சிக்குள் கூடுதல் கவனத்தை பெற்றுள்ளது.

இதையும் படிங்க: அனைத்து பொறுப்பிலிருந்தும் விலகுவதாக அதிகாரப்பூர்வமாக அறிவித்த அதிமுகவின் முக்கிய புள்ளி! செம ஷாக்கில் எடப்பாடி..!!!

தலைமை மீது நேரடி குற்றச்சாட்டு

கட்சியில் இருந்து விலகுவதாக அறிவித்துள்ள வேணுகோபால், அதிமுக பொதுச்செயலாளர் எடப்பாடி பழனிசாமி தலைமையை நேரடியாக விமர்சித்துள்ளார். அதிமுக தொடர்ந்து தேர்தல் தோல்விகளை சந்தித்து வருவதற்கு பல்வேறு சமூக மற்றும் அரசியல் காரணங்கள் உள்ளன என்றும் அவர் குறிப்பிட்டுள்ளார்.

ஆனால் தற்போதைய தலைமை, கட்சியில் உள்ள அனைவரையும் ஒருங்கிணைத்து அழைத்துச் செல்லத் தவறிவிட்டது எனவும் அவர் குற்றம்சாட்டியுள்ளார். நிர்வாகிகள் மற்றும் தொண்டர்களை அரவணைக்கும் அணுகுமுறை இல்லாததே அதிருப்திக்கு காரணம் எனவும் தெரிவித்துள்ளார்.

அதிமுகவில் அதிகரிக்கும் அதிருப்தி

சமீப காலமாக அதிமுகவின் சில மூத்த நிர்வாகிகள் தலைமையை விமர்சித்து கருத்து தெரிவித்து வரும் நிலையில், வேணுகோபாலின் இந்த முடிவு மேலும் முக்கியத்துவம் பெற்றுள்ளது. குறிப்பாக மாவட்ட அளவிலான நிர்வாக அமைப்புகளில் இதன் தாக்கம் இருக்கும் என அரசியல் வட்டாரங்களில் பேசப்படுகிறது.

வரவிருக்கும் அரசியல் சூழ்நிலையில் அவரது அடுத்த கட்ட நடவடிக்கை என்ன என்பது குறித்த எதிர்பார்ப்பும் தற்போது அதிகரித்துள்ளது.

இதையும் படிங்க: பதவி ஆசை எடப்பாடிக்கு பழினிச்சாமி கண்ணை பறித்துவிட்டது! உயிர் இருக்கும்வரை எதிர்ப்போம்.... சி.வி. சண்முகத்தின் அதிரடி சபதம்! சென்னையில் பரபரப்பு பேட்டி!!!