ஊட்டச்சத்துக்களை வாரிக்கொடுக்கும் வேர்கடலை பொடி..!

ஊட்டச்சத்துக்களை வாரிக்கொடுக்கும் வேர்கடலை பொடி..!


peanut-powder-recipe-for-health

வேர்கடலையை வைத்து எவ்வாறு பொடி செய்வது என்பதனை குறித்ததுதான் இந்த செய்திக்குறிப்பு.

வேர்கடலையில் வைட்டமின் மற்றும் தாதுக்கள் நிறைந்துள்ளது. அத்துடன் புற்றுநோயிலிருந்து பாதுகாப்பதற்கும், உடலில் கால்சியம் மற்றும் துத்தநாகம் போன்ற ஊட்டச்சத்துக்களை மேம்படுத்துவதற்கும் வேர்க்கடலை மிகவும் உதவுகிறது. 

தேவையான பொருட்கள் :

கறிவேப்பிலை - 2 கொத்து
பூண்டு பல் - 10
உப்பு - தேவைக்கேற்ப
வரமிளகாய் - 20
வேர்க்கடலை - ஒரு கப்
எண்ணெய் - ஒரு தேக்கரண்டி
கடலைப்பருப்பு - அரை கப்

peanut

செய்முறை :

★முதலில் கடாயை அடுப்பில் வைத்து, எண்ணெய் ஊற்றி சூடானதும், வரமிளகாயை போட்டு வதக்க வேண்டும்.  கடலைப்பருப்பு, வேர்க்கடலை மற்றும் கறிவேப்பிலை ஆகியவற்றை சேர்த்து நன்றாக வறுக்க வேண்டும்.

★கடலைப் பருப்பும், வேர்க்கடலையும் பொன்னிறமாக வரும்வரை வதக்கிக் கொண்டே இருக்க வேண்டும். பின் ஒரு தட்டில் இவை அனைத்தையும் கொட்டி நன்றாக ஆற வைக்க வேண்டும்.

★ அடுத்து மிக்ஸியில் சேர்த்து அத்துடன் பூண்டு மற்றும் உப்பு ஆகியவற்றை சேர்த்து கொரகொரப்பாக அரைத்து எடுத்துக்கொள்ள வேண்டும்.

★இவ்வாறு செய்தால் சுவையான, சத்தான, சூப்பரான, காரசாரமான வேர்க்கடலை பொடி நொடிப்பொழுதில் தயாராகிவிடும்.