16 வயது மகளை தன் நண்பர்களுடன் பலாத்காரம் செய்த தந்தை! விடியோவை காட்டி சகோதரரும் மிரட்டல்

கேரளாவில் பத்தாம் வகுப்பு படிக்கும் 16 வயது சிறுமி தந்தை உள்பட சிலரால் பாலியல் பலாத்காரம் செய்யப்பட்ட சம்பவம் பெரும் அதிர்ச்சியை ஏற்படுத்தியுள்ளது. 

கேரள மாநிலம் கன்னூரை சேர்ந்த 16 வயது சிறுமியை அவரது தந்தை கடந்த இரண்டு ஆண்டுகளாக பலமுறை பாலியல் பலாத்காரம் செய்துள்ளார். மேலும் இந்தனை பற்றி தெரிந்த தந்தையின் நண்பர்களும் சிறுமியை பலத்தகாரம் செய்துள்ளனர். 

மேலும் சிறுமிக்கு சமூகவலைத்தளம் மூலமாக ஒரு ஆண் நண்பர் அறிமுகமாகியுள்ளார். அந்த நபரும், அவரது நண்பர்களும் சேர்ந்து சிறுமியை பலமுறை பலாத்காரம் செய்ததாகவும் தகவல்கள் கிடைத்துள்ளது. இவர்களில் ஒருவர் பலாத்காரம் செய்தபோது எடுக்கப்பட்ட வீடியோ ஒன்று பெண்ணின் சகோதரருக்கு கிடைத்துள்ளது.

இந்த வீடியோவை வைத்துக் கொண்டு அவரது சகோதரரும் சிறுமியை மிரட்டி பலத்தகாரம் செய்ய முயன்றுள்ளார். இந்த விவகாரம் குறித்து சிறுமியின் தாயாருக்கு தெரியவந்தது. இதன்பின்னர் அவர் போலீசில்  புகார் அளித்ததை தொடர்ந்து வழக்கு விசாரணை நடந்து வருகிறது. இந்த வழக்கில் இதுவரை 4 பேர் கைது செய்யப்பட்டுள்ளதாக தகவல்கள் தெரிவிக்கின்றன.