உடல் ஆரோக்கியத்தை மேம்படுத்தும் பன்னீர் கட்லெட்.. வீட்டிலேயே செய்வது எப்படி?..!

உடல் ஆரோக்கியத்தை மேம்படுத்தும் பன்னீர் கட்லெட்.. வீட்டிலேயே செய்வது எப்படி?..!


How to prepare panneer cutlet

பன்னீரில் அதிகளவு புரதம், கால்சியம், பாஸ்பரஸ் போன்ற சத்துக்கள் இருக்கின்றன. நீரிழிவு உள்ளவர்கள்கூட பன்னீரை தைரியமாக சாப்பிடலாம்.

தேவையான பொருட்கள் :

மஞ்சள் - 1 தேக்கரண்டி 

உப்பு - தேவைக்கேற்ப 

வெங்காயம் - 4 

பச்சை மிளகாய் - 7 

கருவேப்பிலை - 2 கொத்து 

பன்னீர் - 500 கிராம் 

பூண்டு விழுது - 1 தேக்கரண்டி

சோம்புத்தூள் - 1 தேக்கரண்டி 

கரம் மசாலா - ½ தேக்கரண்டி

மிளகுத்தூள் - 1 தேக்கரண்டி

உருளைக்கிழங்கு - 3

பொரிக்க தேவையான பொருட்கள் :

எண்ணெய் - தேவைக்கேற்ப 

பிரட் தூள் - தேவைக்கு ஏற்ப 

உப்பு - தேவையான அளவு 

சோளமாவு - 4 தேக்கரண்டி

செய்முறை :

★முதலில் வெங்காயம், கருவேப்பிலை மற்றும் பச்சை மிளகாயை பொடியாக நறுக்கிக்கொள்ள வேண்டும். அதனுடன் பன்னீரையும் துருவி எடுத்துக் கொள்ள வேண்டும்.

★உருளைக்கிழங்கை வேக வைத்து தோல் நீக்கி மசித்துக்கொள்ள வேண்டும்.

★ஒரு கடாயை அடுப்பில் வைத்து எண்ணெய் விட்டு சூடானதும் பச்சை மிளகாய், வெங்காயம், கருவேப்பிலை சேர்த்து வதக்க வேண்டும்.

★வெங்காயம் பொன்னிறமாக மாறியதும் பூண்டு கலவையை சேர்த்து பச்சை வாசனை போகும் வரை வதக்க வேண்டும். அதில் சோம்பு, கரம் மசாலா, மிளகுத்தூளையும் சேர்த்துக் கொள்ளவும்.

★பின் துருவிய பன்னீர் சேர்த்து ஐந்து நிமிடம் வேகவைத்து தீயை அணைத்து ஆற வைக்க வேண்டும்.

★பன்னீர் கலவையை மசித்த உருளைக்கிழங்குடன் சேர்த்து நன்கு பிசைய வேண்டும்.

★அதனை சிறு சிறு பகுதிகளாக பிரித்து உருண்டையாக உருட்டி தட்டையாக செய்து கொள்ள வேண்டும்.

★பின் சோளமாவுடன் நீர் சேர்த்து கலவையாக தயாரித்தவுடன், கட்லெட்டுகளை சோளமாவு கலவையில் முக்கி, பிரட்டில் நன்றாக பெரட்டி எடுத்து வைக்க வேண்டும்.

★இறுதியாக கடாயை அடுப்பில் வைத்து எண்ணெய் ஊற்றி சூடானதும், செய்து வைத்து கட்லெட்டுகளை போட்டு பொன்னிறமாக பொரித்தெடுத்தால் பன்னீர் கட்லெட் தயாராகிவிடும்.