இளம் வயதினரை அதிகமாக தாக்கும் மாரடைப்பு! இதிலிருந்து தப்பிக்க இந்த உணவு முறைகளை பின்பற்றுங்கள்!

இளம் ஆண்களில் மாரடைப்பு அதிகரிப்பதற்கான காரணம்

நம் காலத்திலுள்ள இளம் ஆண்கள் அதிகளவில் மாரடைப்பு பிரச்சனையால் பாதிக்கப்படுகின்றனர். குறிப்பாக 40 வயதிற்குள் பலர் இதய கோளாறால் உயிரிழக்கிறார்கள். இதன் சமீபத்திய உதாரணமாக, பிரபல நடிகை கரீஷ்மா கபூரின் முன்னாள் கணவர் சஞ்சய் கபூர் 53வது வயதில் திடீரென மாரடைப்பால் உயிரிழந்த செய்தி பேரதிர்ச்சியை ஏற்படுத்தியுள்ளது.

மாரடைப்பை ஏற்படுத்தும் முக்கிய காரணங்கள்

மாரடைப்பு என்பது ஆண்கள் மற்றும் பெண்களுக்கு ஏற்படக்கூடிய பிரச்சனைதான். ஆனால் ஆண்களுக்கு இது அதிகமாக நிகழ்கிறது. இதற்குப் பின்வரும் காரணங்கள் முக்கிய பங்கு வகிக்கின்றன:

உயர் கொலஸ்ட்ரால்

உயர் இரத்த அழுத்தம்

சர்க்கரை நோய்

உடல் பருமன் மற்றும் மன அழுத்தம்

மேலும், ஆண்கள் தங்கள் உடல் நிலையை எளிதில் பரிசோதிக்க முடியாது என்பதாலேயே, பிரச்சனை அதிகரித்து பிறகு மட்டுமே மருத்துவரை அணுகுகிறார்கள். இது மிகவும் ஆபத்தானது.

இதையும் படிங்க: உங்கள் கட்டை விரல் நேரானதா அல்லது வளைவானதா? கட்டைவிரலை பொறுத்து நீங்கள் எப்படிப்பட்டவர்கள் என்பதை தெரிந்து கொள்ளுங்கள்!

சர்வதேச ஆண்கள் சுகாதார வாரம்

ஆண்களின் உடல்நலம் குறித்து விழிப்புணர்வை ஏற்படுத்த, தந்தையர் தினத்திற்கு முந்தைய வாரம் சர்வதேச ஆண்கள் சுகாதார வாரமாக கொண்டாடப்படுகிறது. இந்த ஆண்டு இது ஜூன் 9 முதல் ஜூன் 15 வரை கொண்டாடப்படுகிறது.

மாரடைப்பை தடுக்க சிறுதானியங்களின் பங்கு

தவறான உணவுப் பழக்கங்கள் மாரடைப்பிற்கு வழிவகுக்கின்றன. இதனால், உணவில் சிறுதானியங்களை அடிக்கடி சேர்த்துக் கொள்வது மிகவும் அவசியம்.

சிறுதானியங்களில் நார்ச்சத்து அதிகமாகவும், மாவுச்சத்து குறைவாகவும் இருக்கிறது.

ராகி போன்ற சிறுதானியங்களில் பாலை விட 2 மடங்கு கால்சியம் உள்ளது.

இது ஆண்களின் மனநலத்தையும் உடல்நலத்தையும் மேம்படுத்த உதவுகிறது.

இதில் ஆண்டி-ஆக்ஸிடன்ட்டுகள், பாஸ்பரஸ் மற்றும் மாங்கனீசும் நிறைந்துள்ளன.

இதயத்திற்கு நல்லது கம்பு வெஜிடபிள் கஞ்சி

இந்த கம்பு கஞ்சி உடலை குளிர்விக்கும், இதயத்திற்குப் பாதுகாப்பு தரும் உணவாக இருக்கிறது.

தேவையான பொருட்கள்

கம்பு – 100 கிராம்

தண்ணீர் – 1 கப் + 7 கப்

எண்ணெய் – 1 டீஸ்பூன்

சீரகம் – 1/4 டீஸ்பூன்

பூண்டு – 2 பல் (நறுக்கியது)

இஞ்சி – சிறிய துண்டு (நறுக்கியது)

பச்சை மிளகாய் – 2 (நறுக்கியது)

வெங்காயம் – 1 (நறுக்கியது)

பீன்ஸ் – 5 (நறுக்கியது)

கேரட் – 1 (நறுக்கியது)

கறிவேப்பிலை – 1 கொத்து

உப்பு – தேவைக்கு

கொத்தமல்லி – சிறிது

செய்முறை

1. கம்பை 2 முறை கழுவி, வடிகட்டி ரவை போன்று அரைத்துக் கொள்ளவும்.

2. அதில் 1 கப் தண்ணீர் சேர்த்து கலந்து வைக்கவும்.

3. வாணலியில் எண்ணெய் ஊற்றி, சீரகம், பூண்டு, இஞ்சி, பச்சை மிளகாய் சேர்த்து வதக்கவும்.

4. வெங்காயம், பீன்ஸ், கேரட், கறிவேப்பிலை சேர்க்கவும்.

5. 7 கப் தண்ணீர் ஊற்றி, உப்பு சேர்த்து கொதிக்க விடவும்.

6. நன்கு கொதித்ததும், கம்பு கலவையை சேர்த்து கிளறி, மிதமான தீயில் வேகவைக்கவும்.

7. இறுதியில் கொத்தமல்லி தூவி இறக்கவும்.

இளம் ஆண்கள் உடல்நலத்தில் கவனம் செலுத்தும் போது, மாரடைப்பை தவிர்க்கும் வாய்ப்பு அதிகம். கம்பு கஞ்சி போன்ற இயற்கையான உணவுகள், உடலுக்கு பாதுகாப்பானதாக மட்டுமல்ல, இதயத்தை உறுதிப்படுத்தவும் பயன்படுகின்றன.

இன்றிலிருந்து உங்களின் உணவில் சிறுதானியங்களை சேர்த்துக் கொள்ளுங்கள்.

இதையும் படிங்க: இந்த உணவுகளை எல்லாம் மீண்டும் சூடு பண்ணி சாப்பிடக்கூடாது? மீறி சாப்பிட்டால் விஷமாக கூட மாறலாம்!