பிரட் அடிக்கடி சாப்பிடுறீங்களா? அப்போ இந்த பதிவு உங்களுக்கு தான்....இனி உடம்பு பாத்துக்கோங்க!

இன்றைய வேகமான வாழ்க்கைமுறையில், ஆரோக்கியம் குறித்த அக்கறை குறைந்து வரும் நிலையில், உணவு பழக்கங்கள் பல நோய்களுக்கு வழிவகுக்கின்றன. குறிப்பாக பிரட் சாப்பிடுதல் குறித்து சமீபத்தில் எழுந்துள்ள புற்றுநோய் விவாதம் சமூக வலைதளங்களில் பெரும் கவனத்தை ஈர்த்துள்ளது.

மோசமான வாழ்க்கை முறை மற்றும் அதன் விளைவுகள்

மனிதர்கள் பின்பற்றும் தவறான உணவுப் பழக்கங்கள் காரணமாக நீரிழிவு, இரத்த அழுத்தம் போன்ற நோய்கள் இளம் வயதிலேயே தாக்குகின்றன. இதன் ஒரு பகுதியாக, காலை நேரத்தில் விரைந்து செல்லும் வாழ்க்கையில் பலர் பிரட் ஜாம், சாண்ட்விச், டோஸ்ட் போன்றவற்றை முக்கிய உணவாக எடுத்துக்கொள்கின்றனர்.

பிரட் – வசதியான ஆனால் சந்தேகமூட்டும் உணவு

உலகம் முழுவதும் பிரட் ஒரு எளிமையான, சுவையான காலை உணவாகப் பயன்படுத்தப்படுகிறது. ஆனால் சமீபத்தில் சமூக ஊடகங்களில் சிலர் ரொட்டி மற்றும் சப்பாத்தி புற்றுநோயை ஏற்படுத்தும் என்று கூறி வருகின்றனர். இதனால் பலரிடம் குழப்பம் ஏற்பட்டுள்ளது – ‘பிரட் உண்மையிலேயே புற்றுநோயை ஏற்படுத்துமா?’ என்ற கேள்வி எழுந்துள்ளது.

இதையும் படிங்க: மீண்டும் விஜயாவிடம் கையும்களவுமாக சிக்கிய ரோகிணி! விஜயாவிற்கு நேர்ந்த அவமானம்.! இனி நடக்க போவது என்ன? சிறகடிக்க ஆசை புரோமொ வீடியோ...

நிபுணர் விளக்கம் – அக்ரிலாமைட்டின் பங்கு

புற்றுநோய் அறுவை சிகிச்சை நிபுணர் டாக்டர் ஜெயேஷ் குமார் இதுகுறித்து விளக்கமளித்துள்ளார். அவர் கூறியதாவது: “பிரட் சமைக்கும் போது அக்ரிலாமைட் என்ற இரசாயனம் உருவாகிறது. இது விலங்குகளில் புற்றுநோயை ஏற்படுத்தக்கூடியது என ஆய்வுகள் கூறினாலும், மனிதர்களில் இதற்கான உறுதியான ஆதாரம் இதுவரை இல்லை.”

அளவோடு உட்கொள்வதே பாதுகாப்பு

அவர் மேலும் கூறினார்: “எந்த உணவாக இருந்தாலும் அளவோடு உட்கொள்வது முக்கியம். பிரட்டில் காணப்படும் அக்ரிலாமைட் அளவு மனிதர்களுக்கு தீங்கு விளைவிக்கும் அளவில் இல்லை. முழு கோதுமை அல்லது பல தானிய ரொட்டிகள் வெள்ளை ரொட்டியை விட சிறந்த தேர்வு. ஆனால் பிரவுன் ரொட்டி வெள்ளை ரொட்டியைப் போலவே என்பதால் அதை அடிக்கடி தவிர்ப்பது நல்லது.”

அதாவது, பிரட் முழுமையாக தீங்கில்லை, ஆனால் அளவோடு சாப்பிடுவது அவசியம். ஆரோக்கியமான வாழ்க்கைக்கு இயற்கை உணவுகளைத் தேர்வு செய்வதே நீண்ட நாள் நலனுக்கான சிறந்த வழியாகும்.

இதையும் படிங்க: வெள்ளை சர்க்கரை, நாட்டு சர்க்கரை, வெல்லம் இதில் உடலுக்கு ஆரோக்கியமானது எது? விளக்கும் இதய நிபுணர்....