போலீஸ்கு பயந்து புடவை குவியலுக்கு ஒளிந்திருந்த திரிணாமுல் காங்கிரஸ் தலைவர்! அடுத்த நொடி போலீஸ் செய்த அதிரடி செயல்... பகீர் கைது வீடியோ..!!!

மேற்கு வங்கத்தில் டிஎம்சி கட்சியின் முக்கியத் தலைவரான பிரம்மானந்த் சக்ரவர்த்தி கைது செய்யப்பட்ட விதம் அரசியல் வட்டாரங்களில் பரபரப்பை ஏற்படுத்தியுள்ளது. போலீசாரிடம் இருந்து தப்பிக்க அவர் வீட்டில் இருந்த புடவை மூட்டைகளுக்குள் ஒளிந்திருந்ததாக கூறப்படுகிறது. இதுதொடர்பான வீடியோ சமூக வலைத்தளங்களில் வேகமாக பரவி வருகிறது.

வன்முறை வழக்கில் தேடப்பட்ட தலைவர்

ஹவுரா மாவட்டத்தின் உதயநாராயண்பூர் பகுதியில் அண்மையில் நடைபெற்ற சட்டமன்றத் தேர்தலின்போது ஏற்பட்ட வன்முறை சம்பவங்கள் தொடர்பாக பிரம்மானந்த் சக்ரவர்த்தி மீது வழக்குப்பதிவு செய்யப்பட்டிருந்தது. இதன் அடிப்படையில் போலீசார் தொடர்ந்து விசாரணை நடத்தி வந்தனர்.

தகவலின்படி, அவர் தனது வீட்டில் பதுங்கியிருப்பதாக போலீசாருக்கு ரகசிய தகவல் கிடைத்தது. இதையடுத்து போலீஸ் குழு அவரது வீட்டை சுற்றிவளைத்து சோதனை மேற்கொண்டது.

இதையும் படிங்க: இதுதான் சரியான நேரம்! இன்னைக்கு நான் தான் சப்பாத்தி செய்றேன்.... காதலனின் பேச்சை கேட்டு பெற்றோருக்கு மகள் செய்த கொடூரம்! பகீர் கிளப்பும் ஆடியோ ஆதாரங்கள்..!!!

புடவை குவியலுக்குள் பதுங்கிய முயற்சி

சோதனையின் போது போலீசாரிடம் சிக்காமல் இருக்க அவர் வீட்டின் ஒரு அறையில் இருந்த பெரிய புடவை மூட்டைகளுக்குள் மறைந்திருந்ததாக கூறப்படுகிறது. அறையில் இருந்த சில மூட்டைகள் மீது சந்தேகம் அடைந்த போலீசார் அவற்றை தீவிரமாக சோதனை செய்தனர்.

அப்போது புடவை குவியலுக்குள் ஒளிந்திருந்த பிரம்மானந்த் சக்ரவர்த்தியை கண்டுபிடித்த போலீசார் உடனடியாக கைது செய்தனர். கைது நடவடிக்கையின் காட்சிகள் பின்னர் வெளியாகி சமூக வலைத்தளங்களில் பேசுபொருளாக மாறின.

வைரலான வீடியோ; அரசியல் குற்றச்சாட்டுகள்

மேற்கு வங்கத்தில் தற்போது டிஎம்சி மற்றும் பாஜக இடையே அரசியல் மோதல்கள் தீவிரமாக உள்ள சூழலில், இந்த வீடியோ மேலும் விவாதத்தை கிளப்பியுள்ளது. பாஜக ஆதரவாளர்கள் சமூக வலைத்தளங்களில் வீடியோவை பகிர்ந்து விமர்சனங்களை முன்வைத்து வருகின்றனர்.

மறுபுறம், புதிய ஆட்சியினர் அரசியல் பழிவாங்கும் நோக்கத்துடன் நடவடிக்கை எடுத்து வருவதாக திரிணாமுல் காங்கிரஸ் தரப்பினர் குற்றம்சாட்டியுள்ளனர். இதனால் கைது நடவடிக்கையைச் சுற்றிய அரசியல் சர்ச்சை தொடர்ந்து நீடித்து வருகிறது.

#TMC leader hiding beneath a pile of clothes in Howrah. The individual seen in the viral video is identified as Brahmananda Chakraborty, a local Trinamool leader accused of allegedly taking ‘cut money’ from funds allocated for housing scheme. pic.twitter.com/1uyMZb6MhK

— Pooja Mehta (@pooja_news) June 7, 2026

இதையும் படிங்க: செருப்பு மாலை அணிவித்து அரை நிர்வாணமாக பெண்ணை ஊர்வலம்! இப்படி ஒரு கொடுமையால் கொந்தளிக்கும் பொதுமக்கள்.... வீடியோ வைரலானதும் அதிரடி காட்டிய போலீஸ்...!!!