பெரும் அதிர்ச்சி! தெலுங்கானா மாநில அரசு பேருந்து விபத்தில் பலி எண்ணிக்க 24 ஆக உயர்வு! சாலையில் சிதறி கிடக்கும் உடல்கள்....!!

தெலங்கானா மாநிலத்தில் நடந்த துயரமான பேருந்து விபத்து நாடு முழுவதும் அதிர்ச்சியை ஏற்படுத்தியுள்ளது. ரங்காரெட்டி அருகே அரசு பேருந்து மீது டிப்பர் லாரி மோதி நிகழ்ந்த இந்த விபத்தில் உயிரிழந்தவர்களின் எண்ணிக்கை தொடர்ந்து அதிகரித்து வருகிறது.

ரங்காரெட்டி அருகே துயர சம்பவம்

அதிகாலை நேரத்தில் நடந்த இந்த விபத்தில் பேருந்து முழுமையாக நொறுங்கிய நிலையில் 15 பேர் சம்பவ இடத்திலேயே உயிரிழந்தனர். உடனடியாக மீட்பு நடவடிக்கைகள் தொடங்கப்பட்டன. காவல்துறை, தீயணைப்பு மற்றும் மீட்புப் படையினர் இணைந்து பஸ்சுக்குள் சிக்கியிருந்த பயணிகளை மீட்க கடும் முயற்சி மேற்கொண்டனர். அந்த காட்சிகள் இதயம் பதைபதைக்கும் வகையில் சமூக ஊடகங்களில் பரவி வருகின்றன.

இதையும் படிங்க: சிலிண்டர் வெடித்து ஏற்பட்ட தீ விபத்தால் 8 வயது சிறுவன் உயிரிழப்பு! 12 பேர் படுகாயம்! 3 வீடுகள் இடிந்து தீ பரவல்! பெங்களூருவில் பரபரப்பு....

பலியானோர் எண்ணிக்கை 24 ஆக உயர்வு

சிகிச்சைக்காக மருத்துவமனைக்கு கொண்டு செல்லப்பட்ட பலர் உயிரிழந்ததால், மொத்த பலி எண்ணிக்கை 24 ஆக உயர்ந்துள்ளது. ஒரே குடும்பத்தை சேர்ந்த மூன்று சகோதரிகள் உடல் நசுங்கி உயிரிழந்தது இதயத்தை நொறுக்கும் வகையில் உள்ளது. சிறுமிகள், பெண்கள் உடல்களை பார்த்த உறவினர்கள் துடித்துக் கதறும் காட்சிகள் மக்கள் மனதை பிளந்துள்ளன.

மருத்துவமனையில் பலர் சிகிச்சையில்

இந்த விபத்தில் 30க்கும் மேற்பட்டோர் படுகாயம் அடைந்து மருத்துவமனைகளில் சிகிச்சை பெற்று வருகின்றனர். பலரது நிலை கவலைக்கிடமாக உள்ளதால், பலி எண்ணிக்கை மேலும் உயரக்கூடும் என அதிகாரிகள் தெரிவித்துள்ளனர்.

இந்த துயரச்சம்பவம் தெலங்கானா மாநில மக்களை மட்டுமல்லாது நாடு முழுவதும் சோகத்தில் ஆழ்த்தியுள்ளது. பாதிக்கப்பட்ட குடும்பங்களுக்கு அரசாங்கம் உதவித் திட்டங்களை அறிவிக்குமாறு மக்கள் கோரிக்கை விடுத்துள்ளனர். இப்படிப்பட்ட சாலை விபத்துகள் மீண்டும் நிகழாமல் தடுக்க கடுமையான நடவடிக்கைகள் அவசியம் என வல்லுநர்கள் வலியுறுத்துகின்றனர்.

இதையும் படிங்க: இரு சக்கர வாகனத்தில் சென்ற 2 இளம் உயிர்கள் பலி! கடலூரில் பெரும் சோகம்.....