குடும்பத் தகராறில் குழந்தை என்னடி பண்ணுச்சு...! 11 மாதக் குழந்தைக்கு பக்கத்து வீட்டுப் பெண்ணால் நேர்ந்த கொடூரம்! துடிதுடித்த பிஞ்சு உயிர்... நெஞ்சை உலுக்கும் சம்பவம்.!!!

உத்தரப் பிரதேச மாநிலம் ஷ்ரவஸ்தி மாவட்டத்தில் ஏற்பட்ட குடும்பத் தகராறு அதிர்ச்சிகரமான சம்பவமாக மாறியுள்ளது. அகிரன் பூர்வா கிராமத்தில் வாக்குவாதம் நடந்தபோது, 11 மாதக் குழந்தை மீது பக்கத்து வீட்டுப் பெண் கொதிக்கும் பாலை வீசியதாகக் கூறப்படுகிறது. இதில் படுகாயமடைந்த குழந்தை மருத்துவமனையில் சிகிச்சை பெற்று வருகிறது.

தகராறின்போது குழந்தை மீது பால் வீச்சு

நவீன் மாடர்ன் காவல் நிலைய எல்லைக்குட்பட்ட அகிரன் பூர்வா கிராமத்தில் இரு தரப்பினருக்கு இடையே குடும்பப் பிரச்சினை தொடர்பாக வாக்குவாதம் ஏற்பட்டுள்ளது. அப்போது ஆத்திரமடைந்த பக்கத்து வீட்டுப் பெண் ஒருவர், எரியும் அடுப்பில் கொதித்துக் கொண்டிருந்த பாலை 11 மாதக் குழந்தை மீது வீசியதாக குற்றச்சாட்டு எழுந்துள்ளது.

இதையும் படிங்க: உச்சக்கட்ட கொடூரம்! திருவிழாவிற்குச் சென்ற பெண்ணை கடத்தி கூட்டு பாலியல் வன்கொடுமை! ஒரு நாளைக்கு பின்.. சுயநினைவின்றி பாழடைந்த வீட்டில் கிடந்த பெண்... பகீர் சம்பவம்!!!

காயமடைந்த குழந்தைக்கு மருத்துவமனையில் சிகிச்சை

சூடான பால் உடலில் பட்டதில் குழந்தைக்கு பலத்த தீக்காயம் ஏற்பட்டுள்ளது. வலியால் குழந்தை கதறிய நிலையில், பெற்றோர் உடனடியாக மீட்டு இகௌனா ஆரம்ப சுகாதார நிலையத்துக்கு அழைத்துச் சென்றனர். அங்கு மருத்துவர்கள் குழந்தைக்கு தீவிர சிகிச்சை அளித்து வருகின்றனர்.

போலீசார் விசாரணை தீவிரம்

தகவல் அறிந்த போலீசார் மருத்துவமனைக்கும் சம்பவம் நடந்த பகுதிக்கும் சென்று விசாரணை மேற்கொண்டனர். இதுதொடர்பாக வழக்குப் பதிவு செய்யப்பட்டுள்ள நிலையில், குழந்தை மீது பால் வீசப்பட்டதற்கான காரணம், தகராறின் பின்னணி உள்ளிட்டவை குறித்து போலீசார் விசாரித்து வருகின்றனர். விசாரணையின் அடிப்படையில் அடுத்தகட்ட நடவடிக்கை எடுக்கப்படும் என எதிர்பார்க்கப்படுகிறது.

இதையும் படிங்க: காட்டுக்குள் கண்டப்படி கிடந்த கணவன், மனைவியின் சடலம் .! விசித்திரக் கோலத்தில் கணவன்... மனைவியின் அரைநகன் உடல்..! பின்னணி என்ன? பகீர் சம்பவம்...!!!