படிக்கவச்சவனுக்கே துரோகமா? வேலை கிடைத்ததும் ஓடிப்போன மனைவிக்கு கணவன் கொடுத்த பதிலடி.... பழிக்கு பழிவாங்கின சம்பவம்...!!!

மனைவிக்கு வேலை வாங்கிக் கொடுத்த பின்னர் அவர் கணவரைப் பிரிந்து சென்றதாகக் கூறப்படும் ஒரு சம்பவம் சமூக வலைத்தளங்களில் தீவிர விவாதத்தை ஏற்படுத்தியுள்ளது. இந்த விவகாரத்தை முன்வைத்து, கணவன்-மனைவி உறவு, பொருளாதார சார்பு மற்றும் நம்பிக்கை குறித்து பல்வேறு கருத்துகள் இணையத்தில் பகிரப்பட்டு வருகின்றன.

சமூக ஊடகங்களில் பரவி வரும் தகவலின்படி, மணீஷ் மீனா என்ற நபர் சுமார் 15 லட்சம் ரூபாய் கடன் வாங்கி தனது மனைவிக்கு வேலை கிடைக்க உதவியதாக கூறப்படுகிறது. ஆனால் வேலை கிடைத்த சில காலத்திலேயே மனைவி அவரைப் பிரிந்து சென்றதாகவும் தகவல்கள் தெரிவிக்கின்றன.

இதையும் படிங்க: கணவர் இறந்து 1 வருஷம் ஆகுது! மறுமணம் செய்து கொள்ள சொன்ன மாமியார்! அடுத்து மருமகள் 2 வயது குழந்தையுடன் எடுத்த விபரீத முடிவு!

புகாரால் பறிபோன வேலை?

மனைவியின் முடிவால் அதிருப்தியடைந்த மணீஷ், இரயில்வே துறையிடம் புகார் அளித்ததாக கூறப்படுகிறது. அந்தப் புகாரின் அடிப்படையில் அவரது மனைவியின் வேலை பறிபோனதாகவும், தற்போது அவர் மீண்டும் வேலையற்ற நிலைக்கு தள்ளப்பட்டுள்ளதாகவும் சமூக வலைத்தளங்களில் தகவல்கள் பரவி வருகின்றன.

இந்த விவகாரத்தை குறிப்பிட்டு, வேலையில்லாத காலத்தில் மனைவிக்கு வேலை வாங்கிக் கொடுப்பதில் ஆண்கள் எச்சரிக்கையாக இருக்க வேண்டும் என்ற கருத்துகளும் பதிவாகி வருகின்றன. மேலும், இதற்கு முன்பு வைரலான சில குடும்ப பிரச்சினைகளையும் இணைத்து பலர் கருத்து தெரிவித்து வருகின்றனர்.

பொதுப்படுத்தலுக்கு எதிரான குரல்கள்

அதே நேரத்தில், ஒரு சில தனிப்பட்ட சம்பவங்களை அடிப்படையாகக் கொண்டு ஒட்டுமொத்த பெண்களையும் மதிப்பிடுவது தவறு என்ற கருத்தும் வலுவாக முன்வைக்கப்படுகிறது. குடும்பத்தில் பொருளாதார சிக்கல் ஏற்பட்டாலும், கணவனுக்கு உறுதுணையாக இருந்து குடும்பத்தை முன்னெடுத்துச் செல்லும் ஏராளமான பெண்கள் சமூகத்தில் இருப்பதாக பலர் சுட்டிக்காட்டுகின்றனர்.

கணவன் வேலை இழந்த காலங்களிலும் தங்களது வருமானத்தின் மூலம் குடும்பத்தை தாங்கி நிறுத்தி, மன உறுதியுடன் துணையாக நிற்கும் பெண்களின் எண்ணிக்கை குறைவல்ல என்பதையும் சமூக ஆர்வலர்கள் வலியுறுத்துகின்றனர். எனவே, தனிப்பட்ட சில நிகழ்வுகளை வைத்து ஒரு பாலினத்தையே குற்றம்சாட்டாமல், ஒவ்வொரு சம்பவத்தையும் அதன் சூழ்நிலையோடு அணுக வேண்டும் என்பதே பலரின் கருத்தாக உள்ளது.

இதையும் படிங்க: திரிஷா அடுத்த 'ஜெயலலிதா' அம்மாவா? அரசியல் என்ட்ரி குறித்து அவரே சொன்ன அந்த ஒரு விஷயம்..... அதிர்ச்சியில் ரசிகர்கள்.!!!