அரசுப் பள்ளி மதிய உணவில் கூட்டம் கூட்டமாக கிடந்த புழுக்கள்! கைகளில் எடுத்துக்காட்டிய மாணவர்கள்.... அதிர்ச்சி வீடியோ!

Copy Link

அரசுப் பள்ளிகளில் மாணவர்களுக்கு வழங்கப்படும் உணவின் பாதுகாப்பு மற்றும் தரம் குறித்து தொடர்ந்து கேள்விகள் எழுந்து வரும் நிலையில், கர்நாடகாவில் நடந்த ஒரு சம்பவம் மீண்டும் பெற்றோர்களிடையே பெரும் அதிர்ச்சியை ஏற்படுத்தியுள்ளது.

வைரலான வீடியோ உருவாக்கிய பரபரப்பு

கர்நாடக மாநிலம் கொப்பல் தாலுகாவில் உள்ள பழைய நிங்காபுரா அரசுப் பள்ளியில், மாணவர்களுக்கு வழங்கப்பட்ட மதிய உணவுவில் புழுக்கள் இருந்ததாகக் கூறப்படும் வீடியோ சமூக வலைத்தளங்களில் வேகமாக பரவி வருகிறது. சூடான நிலையில் பரிமாறப்பட்ட உணவில் இறந்த புழுக்கள் இருப்பதை கண்ட மாணவர்கள் அதிர்ச்சியடைந்துள்ளனர்.

இதையும் படிங்க: வேணாம் சார்... வேணாம் சார்! வலியில் கதறும் குழந்தை! கோவை காப்பகத்தில் பெல்டால் அடிச்ச கொடூர சம்பவம்! வீடியோ வெளியாகி பரபரப்பு....

மாணவர்கள் மற்றும் பெற்றோர் புகார்

புழுக்கள் இருந்த உணவை மாணவர்கள் உடனடியாகத் தூக்கி எறிந்துவிட்டு, இந்த விவகாரம் குறித்து பள்ளி ஊழியர்களுக்கும் பெற்றோர்களுக்கும் தகவல் தெரிவித்தனர். சத்துணவு ஊழியர்களின் அலட்சியமே இதற்குக் காரணம் எனக் கூறி, உணவுத் தரம் குறித்து பெற்றோர்களும் மாணவர்களும் கடும் கண்டனம் தெரிவித்துள்ளனர்.

அரிசி தரம் குறித்து அதிகாரிகள் விளக்கம்

பள்ளி அதிகாரிகள் தரப்பில், மதிய உணவுத் திட்டத்திற்காக வழங்கப்படும் அரிசி நீண்ட காலமாகச் சேமித்து வைக்கப்பட்டதாகவும், சரியாகச் சுத்தம் செய்யப்படாத அரிசியைச் சமைத்ததாலேயே இந்தச் சம்பவம் ஏற்பட்டிருக்கலாம் என்றும் விளக்கம் அளிக்கப்பட்டுள்ளது. இதனால் சத்துணவு திட்டம் செயல்பாட்டில் உள்ள குறைபாடுகள் வெளிச்சத்திற்கு வந்துள்ளன.

இந்த சம்பவம், அரசுப் பள்ளிகளில் மாணவர்களின் ஆரோக்கியத்தை பாதுகாக்க உணவுத் தரக் கட்டுப்பாடுகளை கடுமையாக்க வேண்டிய அவசியத்தை மீண்டும் நினைவூட்டியுள்ளது. குறிப்பாக அரசுப் பள்ளிகளில் வழங்கப்படும் மதிய உணவின் சுகாதாரம் குறித்து அதிகாரிகள் உடனடி நடவடிக்கை எடுக்க வேண்டும் என்ற கோரிக்கை வலுத்துள்ளது.

ಬಿಸಿಯೂಟದಲ್ಲಿ ಹುಳುಗಳು ಪತ್ತೆ!#GovernmentSchool #MiddayMeals #meals #rice #worms #koppala #KannadaNews #navasamajanews pic.twitter.com/TjrafzieJW

— navasamaja (@navasamajanews) December 15, 2025