வீட்டுப் பாடம் செய்யாததால் கொடூர தண்டனை! 4 வயது சிறுவனை மரத்தில் தொங்கவிட்டு கண்டித்த ஆசிரியர்கள்! அதிர்ச்சி வீடியோ காட்சி!

சத்தீஸ்கர் சூரஜ்பூரில் நடந்த இந்த பரிதாபகரமான சம்பவம், கல்வி சூழலில் குழந்தைகளின் பாதுகாப்பு குறித்து மீண்டும் கடும் கேள்விகளைக் கிளப்பியுள்ளது. மனிதத்தன்மை கூட இழந்த இந்த தண்டனை சம்பவம் சமூகத்தையே அதிர்ச்சி அடைய வைத்துள்ளது.

4 வயது குழந்தைக்கு கொடூர தண்டனை

சத்தீஸ்கர் மாநிலம் சூரஜ்பூரில் உள்ள ஹன்ஸ் வாஹினி விப்யா மந்திர் பள்ளியில், 4 வயது மாணவன் வீட்டுப் பாடத்தை செய்யாததால் இரண்டு ஆசிரியைகள் கொடூர தண்டனை வழங்கிய சம்பவம் பெரும் சர்ச்சையை ஏற்படுத்தியுள்ளது. வீட்டுப்பாடம் செய்யாததற்காக மழலையை நிர்வாணப்படுத்தி, கயிற்றால் கட்டி, பள்ளி வளாகத்தில் உள்ள ஒரு மரத்தில் தொங்கவிட்டுள்ளனர்.

இதையும் படிங்க: வேணாம் சார்... வேணாம் சார்! வலியில் கதறும் குழந்தை! கோவை காப்பகத்தில் பெல்டால் அடிச்ச கொடூர சம்பவம்! வீடியோ வெளியாகி பரபரப்பு....

வைரலான வீடியோ அதிர்ச்சி

இந்த திகில் சம்பவத்தின் வீடியோ சமூக வலைத்தளங்களில் வைரலானதும், அதிகாரிகள் தீவிர விசாரணைக்கு உத்தரவிட்டனர். வீடியோவில் குழந்தை அலறியபடி உதவி கேட்பதும், அருகில் ஆசிரியைகளாக அடையாளம் காணப்பட்ட கஜல் சாஹு மற்றும் அனுராதா தேவாங்கன் நின்று கொண்டிருப்பதும் தெளிவாகத் தெரிகிறது. இதனால் பள்ளி நிர்வாகத்தின் மீது பெரும் எதிர்ப்பு எழுந்துள்ளது.

பள்ளி மன்னிப்பு – உறவினர்கள் நடவடிக்கை கோரிக்கை

சம்பவத்தை ‘கடுமையான தவறு’ எனக் குறிப்பிட்ட பள்ளி நிர்வாகம் மன்னிப்பு கேட்டுள்ளது. எனினும், சிறுவனின் உறவினர்கள் பொறுப்பற்ற ஆசிரியைகள் மீது கடுமையான நடவடிக்கை எடுக்க வேண்டும் என வலியுறுத்தி வருகின்றனர். குழந்தை தற்போது பாதுகாப்பாக இருப்பதாகத் தெரிவிக்கப்பட்டாலும், பெற்றோர்களும் பொதுமக்களும் பெரிய கோபத்தில் உள்ளனர்.

குழந்தைகளின் மனநலம் மற்றும் உடல் பாதுகாப்பு குறித்து நாட்டில் எழும் தொடர்ந்து சம்பவங்கள், கல்வி அமைப்பில் கடுமையான சீர்திருத்தங்கள் தேவை என்பதை மீண்டும் நினைவூட்டுகின்றன.

सूरजपुर जिले में होमवर्क नहीं करने पर छोटे बच्चे को पेड़ से घंटो लटका दिया….

सूत्र: वायरल वीडियो #Chhattisgarh #Education @GajendraYdvBJP pic.twitter.com/1iqbSW8RfB

— Tanmay (@SakalleyTanmay) November 25, 2025