வீட்டில் சமைத்த நூடுல்ஸ் சாப்பிட்ட 7 வயது சிறுமி உயிரிழப்பு! அதிர்ச்சி சம்பவம்..!!!



jaipur-7-year-old-girl-dies-after-eating-noodles

ராஜஸ்தான் மாநிலம் ஜெய்ப்பூரில் வீட்டில் தயாரிக்கப்பட்ட நூடுல்ஸ் சாப்பிட்ட 7 வயது சிறுமி உயிரிழந்துள்ளார். ஜோத்வாரா பகுதியில் உள்ள மங்களம் சிட்டியில் இந்த துயர சம்பவம் நடந்துள்ளது. நூடுல்ஸ் சாப்பிட்டுவிட்டு தூங்கிய இரண்டு சகோதரிகளுக்கு உடல்நலக்குறைவு ஏற்பட்ட நிலையில், இளைய சிறுமி மருத்துவமனைக்குச் செல்லும் வழியில் உயிரிழந்தார்.

உயிரிழந்த சிறுமி பீஹு குமாவத் என அடையாளம் காணப்பட்டுள்ளார். அவரது மூத்த சகோதரி திவ்யான்ஷியும் உடல்நல பாதிப்பால் மருத்துவமனையில் அனுமதிக்கப்பட்டார்.

இதையும் படிங்க: வீட்டுக்கு வெளியே தூங்கி கொண்டிந்த 40 வயது நபருக்கு நொடிப்பொழுதில் நடந்த அதிர்ச்சி! காலையில் வீட்டை திறந்த மனைவி கண்ட கொடுமை... பகீர் வீடியோ..!!!

உணவு விஷமானதால் உயிரிழந்திருக்கலாம் என சந்தேகம்

வியாழக்கிழமை வீட்டில் தயாரிக்கப்பட்ட நூடுல்ஸை சாப்பிட்ட இரு சிறுமிகளும் தூங்கியுள்ளனர். அதன்பிறகு அவர்களுக்கு உடல்நலக்குறைவு ஏற்பட்டது. இதில் 7 வயது பீஹு மருத்துவமனைக்கு கொண்டு செல்லும் வழியிலேயே உயிரிழந்ததாக மருத்துவர்கள் தெரிவித்துள்ளனர்.

உணவு விஷமானதால் சிறுமி உயிரிழந்திருக்கலாம் என முதற்கட்ட விசாரணையில் சந்தேகிக்கப்படுகிறது. இதுகுறித்து சிறுமியின் தாயார் அளித்த புகாரின் பேரில் கர்தானி காவல்துறையினர் வழக்குப் பதிவு செய்துள்ளனர். வீட்டில் தயாரிக்கப்பட்ட நூடுல்ஸின் மாதிரிகளை சேகரித்து ஆய்வுக்கு அனுப்பியுள்ளனர்.

மூத்த சகோதரி சிகிச்சைக்குப் பிறகு வீடு திரும்பினார்

உடல்நல பாதிப்பால் மருத்துவமனையில் அனுமதிக்கப்பட்ட திவ்யான்ஷி, சிகிச்சைக்குப் பிறகு வெள்ளிக்கிழமை காலை வீடு திரும்பியுள்ளார். இதற்கிடையே, சிறுமியின் மரணத்திற்கான உண்மையான காரணம் பிரேதப் பரிசோதனை அறிக்கை வந்த பிறகே தெரியவரும் என போலீசார் தெரிவித்துள்ளனர்.

உயிரிழந்த பீஹுவின் சகோதரர் கோவிந்த் கடந்த 2 மாதங்களாக மருத்துவமனையில் சிகிச்சை பெற்று வருகிறார். ஏற்கனவே குடும்பத்தில் மருத்துவ சிகிச்சை தொடர்பான சூழல் நிலவி வந்த நிலையில், 7 வயது சிறுமியின் திடீர் மரணம் குடும்பத்தினரை பெரும் துயரத்தில் ஆழ்த்தியுள்ளது.

 

இதையும் படிங்க: அடக்கடவுளே... 7 வது மாடியிலிருந்து நொடிப்பொழுதில் தவறி கீழே விழுந்த 2 குழந்தைகளின் தாய்! காதலன் கண்முன்னே நடந்த பயங்கரம்.. ஷாக் வீடியோ..!!!