திடீரென தீப்பிடித்த மளிகை கடை... தீ மளமளவென பரவி மேல்பகுதி வீட்டின் தாயும், 5 வயது மகளும் துடிதுடித்து பலி! உயிருக்கு போராடும் கணவர்... பெரும் பரபரப்பு..!!!

உத்தரப் பிரதேச மாநிலம் பாக்பத்தில் வீட்டின் தரைதளத்தில் இயங்கி வந்த மளிகைக் கடையில் வியாழக்கிழமை காலை திடீரென தீப்பிடித்தது. மின்கசிவு காரணமாக தீ ஏற்பட்டதாக முதற்கட்டமாக சந்தேகிக்கப்படுகிறது. சில நிமிடங்களிலேயே தீ மளமளவென பரவியதால் வீட்டின் மேல்தளத்தில் இருந்த குடும்பத்தினர் சிக்கிக் கொண்டனர்.

புகை சூழ்ந்ததால் வெளியேற முடியாமல் தவிப்பு

கடைப்பகுதியில் இருந்து எழுந்த கரும்புகை மேல்தளத்துக்கும் வேகமாகப் பரவியது. அப்போது வீட்டில் தூங்கிக் கொண்டிருந்தவர்களுக்கு தீ விபத்து தாமதமாகவே தெரியவந்ததாக கூறப்படுகிறது. புகை மூட்டம் அதிகரித்ததால் அவர்கள் வீட்டை விட்டு உடனடியாக வெளியேற முடியாத நிலை ஏற்பட்டது.

இதையும் படிங்க: இப்படியா ஆகணும்! இன்னும் 2 நாளில் பிறந்தநாள்.. 2 மாதத்தில் கல்யாணம்! மகனுக்காக காத்திருந்த வீட்டில் பிணமாக வந்த ராணுவ வீரன்..! நெஞ்சை உலுக்கும் சோகம்..!!!

பெண்ணும் 5 வயது குழந்தையும் உயிரிழப்பு

தீயில் சிக்கிய அன்கூர் ஜெயினின் மனைவியும், அவர்களது 5 வயது பெண் குழந்தையும் பரிதாபமாக உயிரிழந்தனர். இதற்கிடையே, அன்கூர் ஜெயின் பலத்த தீக்காயங்களுடன் மீட்கப்பட்டார். அவரது உடல்நிலை கவலைக்கிடமாக இருப்பதாகவும், மருத்துவமனையில் தீவிர சிகிச்சை அளிக்கப்பட்டு வருவதாகவும் தெரிவிக்கப்பட்டுள்ளது.

போலீசார் விசாரணை

தகவல் கிடைத்ததும் போலீசாரும் உள்ளூர் நிர்வாகத்தினரும் சம்பவ இடத்துக்கு விரைந்து வந்து மீட்பு நடவடிக்கைகளை மேற்கொண்டனர். தீ விபத்துக்கான காரணம் குறித்து விசாரணை நடைபெற்று வருகிறது. மின்சாரக் கசிவே தீப்பற்றியதற்கான காரணமாக இருக்கலாம் என்ற கோணத்திலும் அதிகாரிகள் விசாரித்து வருகின்றனர்.

இதையும் படிங்க: 20 வயது இளம்பெண்ணுக்கு மொட்டை மாடி அறையில் நேர்ந்த கொடூரம்! துர்நாற்றம் வீசியதால் வெளிவந்த அதிர்ச்சி! பகீர் சம்பவம்..!!!