என்ன சுத்தி நிறையா பேர் இருக்காங்க... எனக்கு ரொம்ப பயமா இருக்கு! நள்ளிரவில் குடும்பத்தினரிடம் கதறிய இளம்பெண்ணுக்கு... சில மணி நேரத்தில் நேர்ந்த அதிர்ச்சி! அடுத்தடுத்து வெளியாகும் திடுக்கிடும் தகவல்கள்..!!!

விசாகப்பட்டினத்தில் இருந்து அசாம் நோக்கி விவேக் எக்ஸ்பிரஸ் ரயிலில் பயணம் செய்த 20 வயது கல்லூரி மாணவி, ஆந்திரப் பிரதேசத்தில் தண்டவாளம் அருகே சடலமாக மீட்கப்பட்டுள்ளார். ரயில் பயணத்தின்போது பாதுகாப்பு குறித்து குடும்பத்தினரிடம் அச்சம் தெரிவித்த அவர், அதன்பிறகு தொடர்பில் இல்லாமல் போனது பல கேள்விகளை எழுப்பியுள்ளது. அவரது மரணத்துக்கான காரணம் என்ன என்பது குறித்து ரயில்வே போலீசார் விசாரணை நடத்தி வருகின்றனர்.

வங்கித் தேர்வுக்காக ஊர் திரும்பிய மாணவி

அசாம் மாநிலம் கம்ரூப் மாவட்டத்தைச் சேர்ந்த 20 வயது இளம்பெண், கவுகாத்தியில் உள்ள கல்லூரியில் படித்து வந்தார். படிப்புடன் நடன நிகழ்ச்சிகளிலும் பங்கேற்று வந்த அவர், நடனக் குழுவினருடன் விசாகப்பட்டினத்துக்குச் சென்றிருந்தார். அக்டோபர் 10ஆம் தேதி நடைபெறவிருந்த வங்கித் தேர்வில் பங்கேற்பதற்காக அசாம் திரும்ப முடிவு செய்தார்.

இதையும் படிங்க: கொடூரம்! 16 வயது சிறுமியை பாலியல் வன்கொடுமை செய்து கால்வாயில் வீசிப்பட்ட சிறுமி மீட்பு! ஷாக் வீடியோ...!!!

தட்கல் முறையில் ரயில் டிக்கெட் கிடைக்காததால், விசாகப்பட்டினம் ரயில் நிலையத்துக்குச் சென்று விவேக் எக்ஸ்பிரஸ் ரயிலில் ஏறியுள்ளார். அக்டோபர் 5ஆம் தேதி நள்ளிரவில் பயணத்தைத் தொடங்கிய அவர், வழக்கம்போல் குடும்பத்தினருடனும் நண்பர்களுடனும் செல்போனில் பேசி வந்ததாகக் கூறப்படுகிறது.

கடைசியாகத் தெரிவித்த அச்சம்; அதன் பிறகு தொடர்பு துண்டிப்பு

ரயிலில் கூட்டம் அதிகமாக இருப்பதாகவும், தன்னைச் சுற்றிப் பெரும்பாலும் ஆண்கள் இருப்பதால் பயமாக இருப்பதாகவும் மாணவி குடும்பத்தினரிடம் கடைசியாகத் தெரிவித்துள்ளார். அதன்பிறகு அவரது செல்போன் அணைக்கப்பட்டதால் குடும்பத்தினர் பதற்றமடைந்தனர். அவரைத் தொடர்புகொள்ள முடியாத நிலையில், ரயில்வே போலீசாரிடம் புகார் அளித்தனர்.

இதையடுத்து மேற்கொள்ளப்பட்ட தேடுதலில், மாணவியின் உடைமைகள் ரயிலின் S2 பெட்டியில் கண்டெடுக்கப்பட்டதாகத் தகவல்கள் தெரிவிக்கின்றன. தொடர்ந்து, ஆந்திரப் பிரதேசத்தின் ஸ்ரீகாகுளம் மாவட்டத்தில் வனப்பகுதியையொட்டிய ரயில் தண்டவாளம் அருகே அவரது உடல் மீட்கப்பட்டது. இதனால் குடும்பத்தினர் அதிர்ச்சியடைந்தனர்.

மரணத்துக்கான காரணம் குறித்து போலீசார் விசாரணை

மாணவி ரயிலில் இருந்து தவறி விழுந்தாரா அல்லது வேறு ஏதேனும் குற்றச் செயல் நடந்ததா என்பது இதுவரை உறுதி செய்யப்படவில்லை. ரயிலில் ஏறுவதற்கு முன்பு அவர் ஒருவருடன் இருந்ததாகக் கூறப்படும் தகவல், குடும்பத்தினருக்கு அனுப்பிய கடைசி தகவல் உள்ளிட்ட விவரங்களை போலீசார் ஆய்வு செய்து வருகின்றனர்.

பிரேதப் பரிசோதனை அறிக்கை மற்றும் தடயவியல் ஆய்வு முடிவுகள் இந்த விசாரணையில் முக்கியப் பங்கு வகிக்கும் என எதிர்பார்க்கப்படுகிறது. மாணவியின் மரணத்துக்கான உண்மையான காரணம் அதிகாரப்பூர்வ விசாரணை முடிவுகளுக்குப் பிறகே தெரியவரும்.

இதையும் படிங்க: திடீரென தீப்பிடித்த மளிகை கடை... தீ மளமளவென பரவி மேல்பகுதி வீட்டின் தாயும், 5 வயது மகளும் துடிதுடித்து பலி! உயிருக்கு போராடும் கணவர்... பெரும் பரபரப்பு..!!!