நாவில் எச்சில் ஊறவைக்கும் வெற்றிலை துவையல்.. வீட்டிலேயே சுவையாக செய்து அசத்துங்கள்..!!

இட்லி, தோசை, தயிர் சாதத்துடன் சாப்பிட சுவையாகவும், உடலுக்கு பல்வேறு நன்மைகளை தரும் வெற்றிலையில் சட்டினி செய்வது எப்படி என்பது குறித்து இன்று காணலாம்.

தேவையான பொருட்கள் :

★வெற்றிலை - 20 
★காய்ந்த மிளகாய் - ஐந்து 
★வெங்காயம் - இரண்டு 
★தேங்காய் துருவல் - சிறிதளவு 
★பூண்டு பல் - நான்கு 
★புளி- சிறிதளவு 
★உளுந்தம் பருப்பு - ஒரு ஸ்பூன் 
★கடுகு - அரை ஸ்பூன் ★பெருங்காயத்தூள் - கால் ஸ்பூன் ★எண்ணெய் - சிறிதளவு 
★உப்பு - தேவையான அளவு

செய்முறை :

★முதலில் எடுத்துக்கொண்ட வெற்றிலையில் காம்பு, நடுநரம்பினை நீக்கி பின்னர் பொடியாக நறுக்கிக் கொள்ள வேண்டும். 

★வெங்காயம், பூண்டு போன்றவற்றையும் பொடியாக நறுக்கி வைத்துக் கொள்ளவும். 

★வானலியில் எண்ணெய் விட்டு கடுகு, உளுந்தம் பருப்பு, பெருங்காயத்தூள் சேர்த்து தாளித்து இதனுடன் காய்ந்த மிளகாய், பூண்டு, தேங்காய் துருவல் போன்றவற்றை ஒன்றன்பின் ஒன்றாக சேர்த்து வதக்கவும். 

★இறுதியாக வெற்றிலையை சேர்த்து நன்றாக வதங்கியதும் புளி மற்றும் உப்பு சேர்த்து அரைத்து தாளித்து பரிமாறினால் சுவையான சத்து மிகுந்த வெற்றிலை துவையல் தயார்.