திருமண வீட்டுக்கு விருந்தினராக வந்த காண்டாமிருகம்! சமூக வலைத்தளத்தில் வைரலாகும் வீடியோ...

திருமண வீட்டு விருந்தினராக வந்த காண்டாமிருகம் – வலைத்தளத்தில் வைரலாகும் வீடியோ!

ஒரு இனிமையான திருமண விழா… அங்கிருந்த விருந்தினர்கள் எல்லாம் மகிழ்ச்சியாக கலந்து கொண்டிருந்த தருணம்… ஆனால் அங்கே வந்த ஒரு விருந்தினர் எல்லோரையும் அதிர்ச்சியிலும் நகைச்சுவையிலும் ஆழ்த்தினார்.

சிட்வான் தேசிய பூங்காவிலிருந்து வந்த விருந்தினர்

இந்த அபூர்வமான சம்பவம் இன்ஸ்டாகிராமில் பகிரப்பட்ட வீடியோவில் இடம்பெற்றுள்ளது. இது சிட்வான் தேசிய பூங்காவிலிருந்து வந்ததாக நம்பப்படும் ஒரு ஒற்றைக் கொம்பு கொண்ட காண்டாமிருகம், அலங்கரிக்கப்பட்ட திருமண இடத்திற்குள் நுழைந்து, தோட்டப்பகுதியில் அமைதியாக நடந்துச் செல்லும் காட்சி.

அந்த தருணத்தை பார்த்த விருந்தினர்கள், அதிசயத்தோடும், நகைச்சுவையோடும் அதை ரசித்தனர். அதிர்ச்சி அடைந்த மணமக்கள் உள்பட அனைவரும், அந்த விலங்கின் அமைதியான நடையால் ஒரு வகை மகிழ்ச்சியை உணர்ந்தனர்.

இதையும் படிங்க: பைக் ஓட்டிக் கொண்டே ஸ்டண்ட் ரீல்ஸ் எடுக்க முயன்ற இளைஞர்! அடுத்தகணமே நடந்த பதறவைக்கும் வீடியோ காட்சி...

வீடியோவுக்கு இணையத்தில் வரவேற்பு

வீடியோ வெளியாகியதிலிருந்து 10 லட்சத்துக்கும் அதிகமான பார்வையாளர்கள் பார்த்துள்ளனர். அதில் விருந்தினராக வந்த காண்டாமிருகத்தின் “வைல்ட் கார்ட் என்ட்ரி” யை ரசித்த நெட்டிசன்கள் பல்வேறு நகைச்சுவை கருத்துகளை பதிவிட்டுள்ளனர்:

"இது தான் வைல்ட் கார்ட் என்ட்ரி!”

“அவன் எல்லாம் ஓகேவா என பார்க்க வந்திருக்கான்.”

“மணமகன் விருந்தினராக இருக்கலாம்.”

“இது வேஜ் மேனுவில் என்ன இருக்கு என்று பார்க்க வந்திருக்கான் போல.”

“சீஃப் கேஸ்ட் தான் பாஸ்!”

“விவிஐபிக்கு வழி விடுங்க!”

சிட்வான் பூங்காவின் சிறப்பம்சம்

சிட்வான் தேசிய பூங்கா நேபாளத்தில் அமைந்த ஒரு முக்கியமான வனவிலங்கு பாதுகாப்புப் பகுதி. இதைச் சுற்றி 750 சதுர கிமீ பரப்பளவில் பபர் மண்டலம் உள்ளது, அங்கு 45,000க்கும் மேற்பட்ட குடும்பங்கள் வசிக்கின்றனர். இந்த பகுதிகளில் காண்டாமிருகங்கள் தெருக்களில் நடக்குவது, உணவகங்களில் சுற்றுவது, வீடுகளில் மேய்வது போன்றவை சாதாரணம்.

1973ஆம் ஆண்டு பூங்கா உருவாக்கப்பட்டபோது 100க்கும் குறைவான ஒற்றைக் கொம்பு காண்டாமிருகங்கள் இருந்தன. இன்று சிட்வானில் மட்டும் 700க்கும் மேற்பட்டவை உள்ளன. இது நேபாளத்தின் மொத்த காண்டாமிருகங்களில் 90% ஆகும்.

விசித்திர விருந்தினரால் மறக்க முடியாத திருமணம்

இந்த நிகழ்வு அந்த திருமண வீட்டுக்கு மட்டும் அல்லாமல், இணையதள வாசகர்களுக்கும் ஒரு வேறுபட்ட அனுபவமாக உள்ளது. ஒரு சாதாரண நிகழ்வை சிறப்பாக்கிய காண்டாமிருகம், உண்மையிலேயே "சீஃப் கேஸ்ட்!" தான்.